Beziehung mit den Schwiegereltern

sxaina

Mal e Frag ah eu all. Wie isch t‘beziehig zwüschet eurne Schwiegereltere und eurne Chind? Hend t‘Grosseltere interesse Vo ahfang ah oder erst spöter becho? Investierets Zit für enkel und tüends ah mal vo sich selber us hüete?

Nimmt mi wunder was ihr so z‘verzelke hend.

•Elefäntli•

Hihi gueti frog 🤣😉

Also mini Schwiegereltere sind trennt dä Schwiegervater Wohnt 14h vo üs und Schwiegermami häd üs scho mol ahbotte zum luege aber do sie ä kranket häd isches i üsne auge nö zuemuetbar au wenn sis mega lieb meint aber im notfall chönt sie nö handle, sie gid amel alles wemer bi ihre sind und chunt vo herze, mini beziehig zu ihre isch ok passt so wis isch.

Mini eltere sind au trennt. Mis Mami wohnt in Bern mir idä Ostschwiiz und sie lueget ab und zue aber denn chunts vo üs nö vo ihre
Min Papi wörs glaub nie in sinn cho zum froge aber är chas am beste vo allne mit em Junior er isch sehr herzlech.
I muess säge das mini eltere 13 Enkelkinder hend und dur das isches halt u schwär allne z rächt werde. Bi mim Mami merktmer wer d lieblingsenkelkinder sind und bi mim Papi isches top er behandlet alli glich aber das machter au bi üs gschwüsterti 😅

Crystal

Auso mis Schwigermami wohnt zwöi Dörfer witer, si isch aber überhoupt ke Bezugsperson für mini Ching. Si fragt NIE vo sich us für sä ds gseh, äs chunnt geng vo mim Maa us für üs ds träffä…villech füf Mau im Jahr🤷🏻‍♀️ i finge das so truurig das si überhoupt ke Inträssä a ihrne Grossching het. No nie gha leider

Schneewittli

Mini Tochter geit ir einte Wuche 1 Nacht zu mim Mami u di ander Wuche 1 Nacht zu mine Schwiegereltere, also sie het zu beidne es glich engs Verhältnis. Sie wohne aui haut o ir Nöchi u nähme se gern zu sich, bi mega froh klappet das vo aune Site so guet😊 Ha am Afang vor Beziehig gar ke guete Start mit de Schwiegereltere gha, aber dür d Tochter simer üs nomau chli nöcher cho…

AnDu88

Mir hei es guets Verhältnis mitere gsunde Distanz. Mir wohne grad näbenander und gsei üs au dementsprechend oft oder ghöre üs täglich einisch oder mehrmols. D chinder wärde 1x pro Wuche dr ganz Tag vo minere Schwigermuetter betreut wenni im Büro bi. Die zwei andere halbe Täg woni dehei schaffe chunnt mis Mami verbii.
Mini schwigermuetter würd d chinder am liebste jede Tag bi sich ha, aber das möcht ig nid…oder ebe si wett au dass d chinder bi ihre schlofe, aber d chinder wei nid. Si isch au relativ sehr locker was gwüssi sache agoht (mediekonsum und süesses) und leider loht si sich do nid belehre…resp. si het keini Nerve um Grenze z setze und Nei z säge will si s stürme und brüele vode chinder nid vertreit 😂 und das wüsse d kids natürlich sofort. Aber ebe s interesse isch gross mol.

sxaina

Findes supper Interessant was ihr so für verhältnisse hend.
Mir sind sit bald 1 Jahr inen andere Kanton züglet und sit dem müend mir eus immer vo de schwiegereltere ahghöre „ ja ihr wohnet so wit weg und und und…“
eus gahts mitlerwile sehr uf de sack. Dementsprechend chömets au ned gross verbi, bis jetzt sinds 2x bi eus gsi und 1x isch nur schwiegermuetter cho mit de Urgrossmuetter.
Euse Sohn isch de erste Enkelsohn vo mine Schwiegereltere und sie hend au freud zeiget aber nie gross zit investiert zum ihn gse oder de Tag mit eus z‘verbringe. Mitlerwile hends jetzt 3 Enkelchind.
Hend letscht Jahr mal churz no bi Ihne Gwohnt für 4/5mt und keis einzigs mal isch es freiwilligs hüete ahbote worde oder nur schnell luege demit s‘mami cha in rueh zmorge esse.

Ich kennes hald ganz anders. Mini Eltere hend 13 Enkelchind und lebet sit 6 Jahr wieder ih de Heimat. Aber wos no da glebt hend, hends zit gno und au ahglüte etc. Enkel hend supper gern bi ihne übernachtet.

Bi de schwiegereltere hemmer nur es paar spielsache und kinderlöffel woni „ha müesse frage“ obi sie derf det la fürt zuekunft. Au das mitem zuckerkonsum verstönds nüm soo wie mirs gern hettet.

Malak

Aso bi eus wirdi ned ganz schlau us de Schwiegereltere. Aber scho vor de Chind isches so gsi. Vo ellei meldet sie sech vilicht 1-2x pro Jahr obmer wet verbii cho. Ansunste liit de Ball bi eus das mir müend sege mir chömed verbii und eus eigentli selber müend ihlade. Ih all dene Jahr womer ez verhüratet sind chanis ah einere Hand abzelle we mengisch sie be eus gsi sind- obwohl sie nur 10 Minute weg wohned. Wen mer denn verbi gönd hends en mega freud ade Chind und gend sich so müeh. Hend au Spielsache kauft und emmer ihres Lieblingsesse im Huus. Und wenmer dete sind bütets au ah das sie lueged und ich öbis chan mache.Werde ned schlau us dem
Verhalte.
Aber d Chind gönd gern und i hami mal meh mal weniger demit abgfunde dass halt ich mich muess drum kümmere.

Jessica1983

Hallo

Miki Eltere sind schonlang gstorbe.
Mini Schwiegereltere wohned 700Kilometer weg. Mir händ chum Kontakt, es chunt immer vo eus. Und wenn mir dete sind händs scho schier Angst vor eusne Chind. Ich han gnueg und kümmere mich nümme drum. Es tuet mir weh für mini Chind, ich hans mir anders vorgstellt und gwünscht aber dChind kenneds nöd anders und öndere chan mer dLüüt nöd. Mir sind scho so wiit das mir Ferie mit de Grosseltere bueched um sie ztreffe, total krass dass sie sich au nöd mal gross um ihri eigene Chond kümmered. Weiss au nöd ob das au die Generation isch wo es so glernt hät und au e recht traumatischi Ziit erläbt hät. Ich mag nümme bettle und sie überrede eus zbsueche und wenn mir bi ihne sind fühled sich au all unwohl. Ich machs dänn mit mine Chind anders 🥰🥰