3 Monats Kolliken

mona_87

Hend ihr GheimTipps bi 3 Monats Kollike?
Mir hend s Bi Gaia, Flatulex, Flügergriff scho usprobiert.
Si bechunt Schoppepulver und hend eus überleit d Marke wechsle ( aktuell Hipp )
Het öber da au Erfahrige gmacht?

Danke um jedi Hilf 😊

Adorable

I weiss das esch ned da was wetsch lese aber i ha der nur d „Tipp“ abwarte. I weiss ned eifach, meh wett jo helfe und öppis mache.

Aber be üs hed leider nur da gholfe. Mer hend au das alles probiert wo du gschrebe hesch (Bigaia, Flatulex, Flügergrif, „Velofahre“ mit d Beindli, Büüchli-Massage mit Öl, lah „görpsle“) nüd hed werklich gholfe. 🙈. Und i ghör das vo so vellne i üsem umfeld, leider.

mona_87

@Adorable ok danke trotzdem für dini Antwort, has su scho vo paarne ghört dasmer eifach muss abwarte 🙈 aber ha denkt vilicht gits ja doch no DÄ Tipp 😅😊

Jani

Würkli de gamechancer chani dir nöd geh, aber au mir händ alles probiert, üs het am schluss d Wärmi bizli gholfe, also mir hend ihre es kriessistei küssi uf de Buch due.

Fellfrosch

Hoi Mona_87

I han mr au lo säga, dass bi 3Monatskollika würklich kai würklicha Ghaimtipp git.

Üsi Tochter hett au Problem kha mit Kollika, Verdauig, Usagee usw. Üs hett d Ostheopathie sehr gholfa kha. Nochdem sie "begradigt" worda isch, hetts ufghört.
Jedoch kanni natürlich nit säga, dassas würklich 3Monatskollika gsi sind, odr aifach sust d Beschwerda wosi weg dr Früahgeburt kha hett...

Allas Guati wünschi eu!<3

lalamama

@Fellfrosch Ich ha au welle osteopathie vorschlah. Bi de chliine isches halt unmöglich z wüsse, woher d unrueh etz chund.. isches de buuch, de chopf, heds vielleicht en völlig verspannte nacke vo de geburt? Ha vo paarne ghört dass d osteo ghulfe hed und bi eusem au, isch aber glaub wie gseit meh en unagnehmi verspannig gsi

_Flor

Bi üsen Sohn hei mir o ewigs aues probiert. Wärmi het aube oft ghulfe. Auso es chlises Chirschsteichüsi warm gmacht.

mona_87

@Fellfrosch danke für de Tipp, han au en Termin binem Osteopath abgmacht und bin gspannt ob är au chan hälfe 😊