Blutungen in der 5 SSW

sika

Hoii Zäme ich ha vor paar Tag ih de 5 ssw knapp zwei Täg gabz liechti und helli Bluetige gha.

Het öbber au scho so Erfahrige gmacht?

Und wie sind ihr so ide Früehschwangerschaft mit de Sache umgange?

alessia98

Hallo Han ide nacht extremi bluetige gha au ide 5/6ssw und bi dän am nächste tag in spital zur kontrolle. Bis hüt isch nöd sicher obs e zwillingssw oder es hämatom gsi esch. Aber näbe mir lit jetz mini 9 monat alti tochter. Deswege toi toi toi🍀

sika

Oh das tönt au krass# aber gratuliere zu dim wunder und danke für die beruhigende wort.

Besser wie vode fa zghöre vo wäge ja wieso sind sie überhaupt da, mir chöntet eh nüt mache wenns so wär..sie hend jetzt eh 50% zu 50% chance😅 so wär min erst termin bide fa gsii zum thema ersti ss🥲

Sti

Tuet mir mega leid z'läsä. Ig bi bi beidnä SW ir 12/13 Wuchä mit liechtä Bluetigä im Notfall gsi und si hei mir genau s'glichä gseit 😢
Nach füf Stund wartä het sich de doch mau öper kümmeret ä Ultraschall z'machä. Beid Ching si gsung u munter. Wohär s'Bluet cho isch hei si nid gnau chönnä sägä. Schickä Dir ä Umarmung.

sika

Findes teilwiis eifach mega Schad wies mit eim umgönd. Klar isch das ihre Alltag..aber euse halt ned. Aber immer schön zghöre dasmer ned elei isch🫶

alessia98

sika schrieb: »

Oh das tönt au krass# aber gratuliere zu dim wunder und danke für die beruhigende wort.

Besser wie vode fa zghöre vo wäge ja wieso sind sie überhaupt da, mir chöntet eh nüt mache wenns so wär..sie hend jetzt eh 50% zu 50% chance😅 so wär min erst termin bide fa gsii zum thema ersti ss🥲

Mi Frauearzt am tele hät gseit i söll doch diräkt i notfall go und ned uf de termin bi ehne warte. Also im spital händs mi mega ernst gno und jegliche untersüech gmacht. Mega schad hesch sone erfahrig mösse mache🙁 Händs de öpis gseh ? bi mir hätmer de gottlob de herzschlag scho gse

Capybara

Ich han au i de 5. SSW Bluetige gha, be zum Arzt und es het sich es Hämatom usegstellt, wome engmaschig kontrolliert het. Aber d Ärztin het vo afang a gmeint, für sie gseht d SS ned intakt us. Ich ha mer emmer gseit, dass ich leider ned beiflusse chan, was passiere wird, und ergendwenn het das afo helfe. ha bis zu de 10. SSW bluetige gha. und hüt stömmer chorz vor de Geburt vo eusem Kämpferli, wo d Ärztin nüm dra glaubt het…
Was au chli beruhigung git, de Astieg vom HCG z beobachte

D düme sind druckt. Es esch ned so selte, dass me i de Früeh-SS bluetige het, aber ich chan absolut novollzieh, wie s der gah muess. 🫶