Mami&Kids Erlebnisgruppe SG, GR, GL & Liechtenstein

JalenaL

Liabi Mamis

Es giit soooo viel zum entdecka - für üsi Kind und üs selber! :-)

Gern wür i zwei Sacha starta:

- Erlebnis-Whatsapp-Gruppa für Mamis mit Kind (ab Geburt bis ca. 2. Kindergarta) vorzugswiis us dr Region SG, GR, GL & Liechtastei.
Dia Gruppa söll dafür sii, dass ma Usflüüg oder anderi Sacha in der Region chan inaschriiba, wenn ma gera öppis mit anderna Mamis&Kids erleba möchti, allafalls au mol ama Wuchaend :-) Noch Corona gilt: Mitanand, statt jedi nur für sich!

- Erlebnisreisli 2.-4. Oktober 2026: D'Idee isch, zum mitanand (ca. 4-6 Mamis) in es Hotel oder Hüüsli z'goh, z. B. im Tessin und mitanand a super Ziit chönna z'erleba.
Wenn dia definitiv Gruppa dafür stoht, chan ma sehr gern mitreda und Wünsch abringa (Budget, Bedürfnis etc.)

I hoffa uf viel offeni, erlebnisfreudigi und herzlichi Mamis und Kids! <br>
Melden eu gern bi miar mit meh Infos zu eu und euerna Wünsch. Plätz sind begrenzt, damits übersichtlich bliibt.

Ganz herzlichi Grüassli
Jalena