Desensibilisierung Heuschnupfen🤧

Guete Morge🙋🏻‍♀️

Ich liide ez scho sit Jahre under dene doofe Polle und jedes Jahr im Früehlig nimm ich mir vor e desensibilisierig zmache... und jeeeedes Johr vergissis denn glich wieder! 🤪🙈 het das öpper vo eu scho gmacht und hets gholfe? Wenn und wie macht me das? 🤧

Kommentare

  • Genau wie du😂 i ha mi bes höt noni wörklech deför gha.. in anbetracht das 3-4jahr dranne machsch u i10 jahr chas weder cho...
  • Ah würkli??😳 ich dänk würkli immer nur dra wenns grad so akut isch wie jetzt😅🙈
  • Chont drufab was alles för allergie hesch u wie fest. Ech gange us allergiker döre u weiss dases nüd langfrischtigs get bemer. Also telfast tag ein tag aus
  • Telfast hani au gnoh, es Ziitli lang hani sogar Asthma gha und en kortisonspray müesse ha. Noch dä SS isch plötzlech besser gsi🤷🏻‍♀️ aber momentan bini na am stille.. drum dörfi nöd gross öppis näh🙈
  • Vo de similisan si d augetropfe de hammer😊😊
  • Bin au am überlege das zmache. Setere wuche nimi täglich am obig es antihistaminika am morge 1 inkl asthmaspray. Min chef (bin mpa) het mir jetzt au empfohle en desens zmache. Ha aber au scho köhrt dases ned langfristig härehebt
  • ich hans gmacht woni 18ni gsi bin han 5johr gsprützt und es het leider nix brocht🤷🏻‍♀️ es git wie überall en chline prozent satz wos leider nid nützt und jo i hans breicht. ahfange muesch im Herbst denn wenn Polle dure sind aber für so öpis brucht vorab klärige und Tests zum luege was das nötig isch weli polle art und so. Ich empfehl dir a mit de KK zluege wel das isch nid zahlt i de Regel und dementsprechend seehr teuer🙈 i han i de ss Zyrtec gno und das isch seinzig medi woni han dörfe weg Heuschnupfe und i hans seehr stark sit chindheit! i han alles scho Probiert und mitlerwile isch es halt so und mues morge und Obig e tablette neh das es einigermasse got.
  • Ok. Jo es isch echt mega scheiss! Ich hans au sit Chindheit. Bin uf zimli alles allergisch, Gräser, Bäum.. Blueme..etc. Früehner hani würkli nur im Winter nüt gha! vom Früehlig bis zum Herbst dauerschnupfe🤧luegs mit dä KK mol ah, aber so uf dä ersti Iidruck bringts allwäg würkli nöd viel weme solang dra isch und nachher nöd würkli anehebt😅 denn wirdi ez das Jahr no durebiesse mit similasan und weni denn mal nüme stille au wieder Tablette neh.
  • mini FA het gseit i darf Zyrtec neh und hans i de SS gno wie au i de stillzit 🤷🏻‍♀️ well das homöopathische zügs macht nur mis Portmonai arm und chan gad so guet nix neh🙈
  • Chunt haut drufab uf weli medis du asprichsch.. ich bruche cordison degäge.. zyrtec werkt ez be mer gaar ned
  • Bi mer eschs wie bi de Minifee. Lang dra gsi ond es hed ned werkli öpis gholfe. Es esch jo werkli zytintenstiv ond en rächti belaschtig. Ech nimme jetzt au jede tag mis tablette ond so esch es ok...
  • ich mues medis immer wechsle zyrtec nützt a nüme das wos verspricht macht nur müed😅🙈 aber immerhin hani was chöne neh zu dere Zit
  • Ich ha mich mit dem sehr befasst, weg mine Chind und au i mim Bruef, vieli hend nachher es 1-2 Rueh und den no schlimmer. Oder werdet zmal uf vieles anderes allergisch. Ich rate devo ab.
  • Alos ech ben jetzt scho en gfühlti Ewigkeit dranne (Ca 10 Johr)... Han scho mol agfange gha ond denne en Pouse gmacht welli befonde han es bringt nix... Ond jetzt beni weder sett ca 1 1/2 Johr dranne welli weder so Problem gha han met Ashma.. Ond ech muess sege bes jetzt hani no kei Problem, ben mega Froh ond ech hoffe es blibt eso... Ech mache desens. vorallem gäge Gräser ond Rogge
    Ond gone jede Monet of Aarau go mini 2 Sprütze abhole i Oberarm ☺️Ech mache em Sommer e kei Pouse weli s Gfühl gha han es wirkt denne besser wemmer s ganze Johr macht, resp de Arzt heds mer ou empfohle... Früehner hani emmer em Sommer en Onderbroch gha... Jetzt hoffi de dasses Langfrischtig äne hed ☺️
  • Mein Mann macht jetzt das 3. (und letzte) Jahr seine Desens und bei ihm hat es bereits geholfen. Ihm ging das Ganze vorab auf die Lunge und er hatte richtig Asthma entwickelt in der Pollenzeit. Und bereits letztes Jahr (2. Desens-Jahr) hat er kaum Medis gebraucht und auch nicht mehr mit Cortison inhalieren müssen, wie im Vorjahr. Er kann es empfehlen - langwierig zwar, aber es kann echt helfen 👍
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum