Wickeltäsche - Wickelrucksack - Wickelwasno?🤔

Liebi Mamis

Han bi zalando die typisch Lässig wickeltäsche und de neuer Lässig rucksack bstellt... aber 😬😳😨 die sind riiiiiiiesig. Mer chan det sbaby sogar verstaue🤷🏼‍♀️🤔🤦🏼‍♀️😂 bruchts würkli sones riese ding?

Han etz au überleit sonen normale “chillig-alte-schueleucksack“ zneh. Die typische woner evt kennet😅

Bi sehr froh um feedbacks🤗 danke

Kommentare

  • Auso i ha so e "normau" grossi wikutäsche wos mitem Chinderwage het drzue ghä und die isch voooll.Vorauuem wenni nöime here gha wo ig nid wott stiuue und nähr dr shoppe mitnimme mit abpumpter milch. Da chunt d chühutäsche/messbecher und thermoschanne ou no drii. I gloube, dasses gar nid e z grossi täsche git:)
    Wenn ig mi sohn trage hani nähr aber e normale chillige aber o chli grössere schuelrucksack wie du seisch :)
  • Also ich ärgere mich au immer mol wider über das riise oschi vom ne wickelrucksack. Und han der beliebti sunveno. Ich bruche selte soo vill zügs 🤷🏼‍♀️ isch hald jede chlo anders. Probiers doch mim normale, kasch immer no kaufe wänd zgfühl häsch bruchsch meh platz
  • Am ahfang bruchsch scho eher viel meh, vorallem wenn nöd duesch stille....fläschli pulver wasser warmwasser etc.... und ersatzkleider, gnueg windle und au für dich es ersatzoberteil 🤗 daher jä so zgross ischer vilicht doch nöd. 😂 überlegg mir ez bim 2te au de kaufe. Rucksack isch sicher besser als ä umhangtasche....
  • i han eini vo Abc gha wos zum KE dezue geh het. han aber gad hüt e grösseri postet weli eifach zwenig platz drin ha gad weni en tag lang unterwegs bin. durda i nid stille muese alles für de schoppe mitneh sprich thermos kanne,pumi,schoppe, fläsche mit chaltem wasser,wickeletue undundund es hüft sich eifach ah je älter das werdet und min babyboy isch erscht 14wuche😅🙈han etz eini vo „lässig“ und han sogar henkerli zum an wage ane mache chöne a die neu ane meche 🙏🏻🥰bi voll häppy mit de neue täsche.
  • KiWa natürlich nöd KE🤪
  • Die wo scho mami sin und scho bitz usprobiert hän:
    Was het sich eurer Meinig besser bewährt?? Täsche odr Rucksack?

    S isch so mir erwarte unser 1. baby im Juli und ich waiss nyd so recht was cleverer isch. Ind wott au nyd eifach x verschidnigi sache miesse ikaufe...
  • Danke oii fürd feedbacks🤗 aber den wird de rucksack woni mir vorstell extrem knapp😅😅Es isch so schwer eh schöniii schwarzi täsche zfinde😅
  • @ALOHA suech mol bi Lässig die hend meeega cooli und echt schön gross❤️ ich hans im Rugge und träge drum kein Wickelrucksack nim au immer de wagge mit wenni wo here gone🙈
  • @Jeaninne mir erwartet üses erste kind au im april. ich werd für an kiwa e wickeltäsche ha und wenni mit de vabytrage also ohni kiwa unterwegs bin isch glaub sinnvoller en rucksack. bin mir au no am überlegge zum de vu sunveno zue tue die sind so schön und all schwärmed vu dem..und uf wish ischer recht günstig..aber i wart ez no am afang nimmich mol no min rucksack woni im alltag han
  • Mier hend en Sunveno Wickelrucksack - würen niemeh hergeh. Hesch viel verschiedeni fächli demit alles ordentlich chasch verstaue😄 wür nöd en zu chline rucksack neh, du bruchsch würklich platz🤪
  • Ech hät ganz en neui schwarzi Wickeltäsche falls öber enteressiert esch
  • Also ich persönlich finde en Rucksack gäbiger 😅
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum