SWISSMOM-PARTY 🤩

ALOHA · 27. 02. 2019, 21:23

Danke vieel mal🙏🏻 @Adriana ich weten ebe au poschte🙊😍😍😍 und ha de fensterrahme bzw fenster woni nüm ufmache chönt. Aber 65 isch ja peeerlee🤗

Principessa · 27. 02. 2019, 21:27

So toll😍

kläffchen · 27. 02. 2019, 21:46

Willkommen Tanja! @ALOHA ich habe den Sessel auch, in dunkelblau

Tessi · 27. 02. 2019, 21:53

@Tanja87 hallooo 🤗

JuNa · 27. 02. 2019, 22:00

Hoi ihr Liebe👋🏻 mini 4jährig isch i letschter ziit immer so müed... ich bi mängisch nöd sicher ob sies eifach seit oder ob sies würkli isch. Und ihri Chnüü tüend ihre au immer weh.. ez weiss ich doch eigentlich dass das mit dä Chnüü vom wachse chunnt, han aber dän riiiiiese fähler gmacht und bin go google🙈 ez hani natürlich schiss dass sie öppis schlimms het😬🙈 kennt das öpper mitem müed sii?

JuNa · 27. 02. 2019, 22:02

@ALOHA mir henden au und er isch super!!! Ich bruchen immer zum stille😊

Stöpseli · 27. 02. 2019, 22:04

bild test 😂😍🙈

Stöpseli · 27. 02. 2019, 22:06

So jetzt ha ig ou mau e frag, isch irgend es mami vo basel wo mer die eint oder ander frag zum thema baslerfasnacht wia pn chönt beantworte? Währ meega lieb 😊😘

ALOHA · 27. 02. 2019, 22:14

@JuNa danke diir fürs feedback. Für das heten ebe au ihplane🤗😍 heschdas fuessteil au?

Bella8 · 27. 02. 2019, 22:14

@JuNa mini jungs 5 ond 2j hend die chnüschmärze au sehr fescht. Au min ma hed die als chind lang gha. Ech ghöre sehr viel vo dene wachstumsschmärze. Drom wördi mer ned so sorge mache wäg öpis schlimms. Das esch wie wenn gosch go chopfweh google, chonnd au nome s schlimmschte. Aber sprich bim nöchschte termin mit em KiA dröber... Ond eus hilft schüsslersalz in Tabletten ond Salbi s Nr. 2 guet. Ond bi ganz schlimme täg gibi Algifor.

livjona · 27. 02. 2019, 22:15

@JuNa. Das hed min Sohn au - sin Kolleg au, sig au sehr müed im Moment. Ech gebe mim Sohn Schüsslersalz 2 & 7 gäge d‘Glenkschmerze. Ned google 😆 Ond wenns ned bessered, denn chasch emmer no bem KIA verbi

JuNa · 27. 02. 2019, 22:16

@ALOHA jep😊

herrlich !

ALOHA · 27. 02. 2019, 22:21

So guuet🤗🤗 luschtig die hemnes kommode hemer den als wickeltisch😅😍Danke🤗🤗

Mitsune84 · 27. 02. 2019, 22:22

@Stöpseli i bin vo basel, zwor zuezoge aber vilich chani dir jo helfe😉

JuNa · 27. 02. 2019, 22:23

@Bella8 @livjona hmm, denn liits viellicht am Wetter wäg dä Müedigkeit. Sie mag au nöd rächt ässe. Tues mol beobachte! Und da mitem Schüsslersalz isch e super Idee! Dankä😊 und go google gangi ganz sicher nüm! Grad churz en Schock gha😱

Cucarachabumeli · 27. 02. 2019, 22:27

Dieser Moment, wenn du nach einem tränenreichen Tag den geliebten Nuggi endlich findest 😅😇🙌🏼(Dort hätte ich niiie aktiv gesucht🙈)

JuNa · 27. 02. 2019, 22:29

@Cucarachabumeli 😂😂😂 die cheibe nuggis sind au immer guet versteckt! Grad letschti hemer au eeewigs gsuecht!

schlussendlech ischer ime Fisch inne gsi🙄😅🙈

Cucarachabumeli · 27. 02. 2019, 22:31

@JuNa Ui, nein!
Auch Blut geschwitzt bis der aufgetaucht ist?

Tessi · 27. 02. 2019, 22:31

@Cucarachabumeli 😂🤣😂🤣😂 ned schlächt versteckt.

JuNa · 27. 02. 2019, 22:41

@Cucarachabumeli yes!! Und lustigerwiis verschwindet immer alli Nuggis uf zmal!!!🤪🙈

sorriso · 27. 02. 2019, 22:42

😡😡😡 wenn de wohnigsbesichtigunge muesch mache und 5 lüüt sich a kündige und genau 1 person chunt😡😡😡 und zu allem ane hät no eine es möbel sötte cho hole und dä isch au eifach nit uftaucht😝 blöde tag ksi🙈 jetzt hoffi mol das kiddys besser schlofe die nacht so als chliine troscht für dä chaote tag😅

JuNa · 27. 02. 2019, 22:43

@ALOHAah cool😊 ich liebe Hemnes🥰 da wird sicher es uuuh schöns Babyzimmer😍

Bawa · 27. 02. 2019, 22:45

@JuNa hihi bi üs au, de nuggi nach paar mönet ide Socke Schublade gfunde 😅😂 zum Glück hemmer mehrerii 😂😂😂

mrspfeffer · 27. 02. 2019, 22:47

@Admin siit mer Bilder uploade chan, springts bi mir ständig während ich am lese bin, wills dFotis am lade isch.. Wird das no behobe?😊

ALOHA · 27. 02. 2019, 22:52

@JuNa ich auuu😍🤗 danke hoffs. Mir gäbet oises beschte❤️

kläffchen · 27. 02. 2019, 22:56

Der Sessel ist ein Ikea Highlight, finde ich. Und Kallax Regale! Sonst haben wir nicht sooo viel von Ikea.

Caramel · 27. 02. 2019, 23:00

Macht mega freud zläse☺️☺️Cool das mim drei Flohmärt, so kamme genau da gah suche was me brucht👍 top danke🌹

Cristina · 27. 02. 2019, 23:07

@Admina merci viu mau

Admin · 27. 02. 2019, 23:08

@mrspfeffer: Ja, da arbeiten wir an einer Lösung. Hoffentlich schaff ma das bald. Danke für das Feedback.

regi · 27. 02. 2019, 23:19

@ALOHA mer hend de sessel au. er esch top 👍

ALOHA · 27. 02. 2019, 23:26

Danke viel mal. Froi mi etz scho ufs babyshopping😅🤗

sorriso · 28. 02. 2019, 00:32

Hallo Mamis was gän dir euchne kids bi reizhueschte? Si isch fascht 3j. Kopfteil isch höcher luftbefüechter a und s fänschter au chli kippt ahh und chlii honig het si au dörfe ha😅

Milchmädchen · 28. 02. 2019, 02:20

Vo Omida dia Tröpfli gega Reizhuaschta findi super

sorriso · 28. 02. 2019, 06:26

Ok danke😊

Cucarachabumeli · 28. 02. 2019, 06:52

Guten Morgen alle.
Wie kann ich eine Gruppe favorisieren? Ich komme nicht auf das rote Herz.
Danke für eure Hilfe!

JuNa · 28. 02. 2019, 07:11

@Cucarachabumeli wennd druf drucksch ufd Gruppe chunnt das Bild

det chasch uf favorit hinzufügen😊 (dä Stern)

Cucarachabumeli · 28. 02. 2019, 07:17

@JuNa Danke dir😘Und sind die favorisierten Gruppen/Themen dann alle zuoberst im Profil oder wie finde ich die wieder, ohne mich durch alle Themen durch zu scrollen?

Cucarachabumeli · 28. 02. 2019, 07:18

Gefunden! Unter Favoriten😅😅😅

schaai · 28. 02. 2019, 07:47

@Cucarachabumeli du chasch au eifach 2 sekunde uf dgruppe tippe und denn chunt es kästli wods chasch favourisiere

corina · 28. 02. 2019, 07:58

@sorriso zwieble näbe s bett, hilft bi eus bi allne verchältige, hueste guet😊👍

kläffchen · 28. 02. 2019, 08:01

Haha, ich bin wirklich ein Schnellchecker. Ich dachte vorhin im Bett wieso unsere Nachbarn so doof trommeln, dabei kommt es von der Guggenmusik 😂

Mamsi · 28. 02. 2019, 08:02

@kläffchen 😂😂😂😂

Valerie · 28. 02. 2019, 08:10

Guete morge mitenand
Muss ich jetzt immer abe scrolle zum gseh was de neusti bricht isch😳

Sunshinemom · 28. 02. 2019, 08:14

@Valerie nei muesch nid, wenn du zrügg uf d Houptsite geisch und dert gäge abe wüschisch zum aktualisieren de springts när wenn du wider Swissmom-Party awäusch diräkt dert häre wo du z letschte mau bisch gsi. Genials feature!! 😍

Valerie · 28. 02. 2019, 08:17

@Sunshinemom top danke funktioniert 😳😂

Und oh gott sorry ha nöd welle 4x sgliche poste🤦🏻‍♀️😂

sabi81 · 28. 02. 2019, 08:21

@JuNa mini (4i) isch ou müäder aus süsch u isst nid viu u chlagt immer ume über chnöi schmerze! Isch immer so wen si wachst... chum isch dr wachstumsschub düre isst si ume wie ne dröscher😆😅 u d müädigkeit isch ou ume weg!

fuchs · 28. 02. 2019, 08:25

Omg bes am 7bni heter gschlooooooofe.... fühl mi wie als Teenie wenni 12h gschlofr han

Bella8 · 28. 02. 2019, 08:35

@sorriso ech find de weleda huestesirup super ond au fein. Mini kids hend ne guet gnoh...

Luna85 · 28. 02. 2019, 09:12

Dörfi mol kurz froga, was ihr für en ghörschutz für es bebe würded zahle wens heisst öbis is kässeli für d'kind? De ghörschutz isch höchstens 5mol brucht worda und i weiss nit was agmessa wär zum zahle, vorallem findis no recht schwierig wenn mer seit öbis is kässeli.

sorriso · 28. 02. 2019, 09:25

@Bella8 und @corina danke viel mol

SWISSMOM-PARTY 🤩

Kommentare

Hey & Hallo im Forum!

Quick-Links

Kategorien

Alles zu Schwangerschaft, Geburt & Baby

Triff Mamas und Papas in:

Verpasse keine Neuigkeiten:

Entdecke unsere Aktionen: