Ersts Velo mit Pedale

Ab wenn hend oi Chnöpf es Velo mit Pedale gha und weles chönder empfehle? Staht ja bi vilne erst ab 105cm 🤨

Kommentare

  • Ou, das nimmt mi ou wunder
  • Churz vorem 4. Geburi. Es pucky 14 zoll (glaubs🙈) esch super gsi zum lerne fahre. A de börse für 40.- kauft. Die findsch überall günstig uf ricardo z.b. Für das das sis de nur kurz bruched längt das.
  • Mir hei grad am Wucheänd bim Decathlon es 14Zoll-Velo kauft. Mi Bueb isch 3.5 jährig u ca. 103cm hoch. Er hets scho im Griff (ohni Stützrädli) dank em Laufrad wo er sit fasch 2 Jahr het gha.
  • mir händ äs puky 12 zoll, glernt fahre dämit hät eusi tochter mit 3,5
  • Üse Bueb hend beidi mit 3 agfange. Sie hend de Kokua 16zoll gha - e chli zgross aber mitem hend würklech glernt wie richtig starte u vom sattle abezcho
  • @mümm wie gross isch denn din sohn gsi? S Puky fänd ich ebe au vernünftig, aber es isch sehr schwehr im verglich zu anderne. Was mir leider nöd so passt da ich i de Stadt wohn und darum das ding mit beidne chind und em Chinderwage muen vo A nach B bringe. Weni pech ha sogar mit de ÖV.🤪
  • Gueti Frog - i ha ds Gfüel no nöd 1M
    De Kokua isch au recht schwer...
    E Kollegin de Sohn het de Early Rider - mega liecht u super ! Lueg mol😉
  • Mi Sohn isch 98cm gross. Nimi da es 14 oder 16 Zoll Velo? Ab 100cm müest mer ja es 16 Zoll Velo neh vode Grössi her 😏
  • I würd de 16zoll neh
  • @schildchrötlimel Wär es 16 Zoll Velo dim Sohn z gross gsi? Oder isches grad passend vode Höchi her?
  • @Mina ja de hätt er knapp mit de Zäihespitze a Bode möge. Ha drum wöue, dass er vom Sattu us d‘Füess richtig cha a Bode steue.
  • @schildchrötlimel Ah ok, ja das macht Sinn. Suscht sinds ja nid stabil.
  • Das stimmt. De early rider wer ja supi, nur 5,7 kg. S kokua isch 7,5 kg und es Puky 9,3kg. Isch anschinend au eifacher zum fahre je liechter s isch.
  • S nächste werd bi eus au es early rider si. Nur als istigervelo wo evtl au no vill am bode landet find ichs z tür. S puky esch scho rächt schwer da esch de einzig punkt woni chli bemängle
  • Mir chaufed es Woom Bike find die super. 😊 mir hend zerst sones schwers kauft aber sie chunt ned zschlag demit. Jetz chaufemer im Früehlig s andere.
  • Ah ja! Woom sind au super liecht
  • @mrspfeffee ih das kenni gar nöd. d hompage gseht super us. weli grössi nemeder?
  • die hend au wie so e zwüschegrössi das wer ja super 14“
  • Ich chan susch na PYRO Bike empfehle - sind au u liecht 👍
  • Ich weiss ebe au noni welli grössi mini wird im september 5i.. ja die sind u liecht find sie mega.
  • Mi sohn esch3,95cm&mer hei vor1woche swoom bike 2kauft!er fahrt scho tiptop&het ei freud!si sei bez türer,aber nach2chend wos brucht hei leggi der wederverkaufswärt bi ca.40%! E wör dgrössi go usprobiere! Mer hei aui ei freud a däm velo&zu auem zue (sehr liecht,ständer so dassr de pedale ned i wäg chont, ke röcktrettbräms-vo dere rotesi ab- usw.) gsehts no super us!😆
  • Mir hei o es pyro und es isch perfekt. Chunnt haut ou ufs chind drufah. Mir si es paar go teschte (o vo nachbare) und hei üs am schluss für es pyro entschiede. Hei oh es liechts wöue und puly und all die andere wo im migro etc chasch choufe si eifach ds schwär (mir hei üses uf tutti occasion kouft)
  • Und wie d valba seit: kei rücktrittbräms
  • Wir haben unsere letztes Jahr (3)ein günstiges vom Jumbo gekauft ist aber viel zu schwer sie kann fahren aber sobald es nur ein bisschen steigt keine Chance jetzt gibts es auf den Geburtstag ein woom die sind viel leichter
  • Mi sohn het mit 2 s laufrad becho mit 3 uf es ricardo.ch velo ohni stützrädli und mit 4 ish er uf es Junior 16zoll umgstige ish öppe 6kg schwer


    https://www.urbanrider.ch/junior-16-kindervelo-gruen.html




  • Mer send öis letschte samschtig imene velogschäft go berote loh.
    Öisi tochter esch 3 ond 3 mönet. Die dete händ gmeint definitiv es 16“. S12 zoll seg vell zchli ond vom 14“ het si kor so chorz öppis. Si verchoufet si dorom gar ned. Mer händ jetzt es specialized 16“ uusgläse. Es het stötzredli debi, mer wärde die aber grad abnäh!
  • Raschi wie gross Isch sie?
  • Hm. Ich glaub ich gahn eifach mal zu dem Velohändler wo die woombikes het. Döt chani si sicher probiere 14&16“. 🤔
  • @Glück si esch öppe 95 cm. Das velo womer kouft händ cha ebe nonde länker abekippe de werd nochli chliiner!
  • So wir waren heute woom bikes testen unsere Tochter ist 1 Meter und das woom 3 passt perfekt
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum