Ideen Poltertag

Daniela · 4. 03. 2019, 21:06

Ich dörf für mini besti Fründin dä Poltertag organisierä. Jetzt bini uf dä Suechi noch lässigä Ideeä. Sie isch sehr aktiv, sportlich, wanderät und tanzt gärn. Kein Wellnesstag. Sött chli Action däbii sii. Händer kuuli Ideeä?
Bin gspannä!

mrspfeffer · 4. 03. 2019, 21:28

Ich ha für mini e Schnitzeljagd organisiert gha: https://www.smartphone-schnitzeljagd.ch/geschichten/hangover/
Es isch mega cool gsi mir sind in Züri durch dStadt und ich han gwüssi Bars ahgfrögt und die hend voll mitgmacht

Daniela · 4. 03. 2019, 21:50

Han scho vo dem gläsä aber irgendwiä gits bid wahnsinnig viel infos däzue? Was eim do gnau erwarted? Dömfall ischs empfehlenswärt?

sunny82 · 4. 03. 2019, 22:04

Ech ha bi minere schwöschter foxtrail buechet. Ond es het aune mega gfalle ond mer hends mega loschtig gha. Hend üsi stadt nomau ganz andersch könneglehrt. Ond de semer de no ga ds nacht ässe ond ad kilbi 😀

mrspfeffer · 4. 03. 2019, 22:13

Nei du machsch sProgramm selber und ladisch die App denn abe. Sie gänd nur dAntworte vor, aber dFrage und Ufgabe machsch selber. Mir hends alli super gfunde. 😊

bambi · 4. 03. 2019, 22:42

Ha ou grad das wo d mrspfeffer het vorgschlage wöue sägä☺️ heimer ou gmacht. Has uh cool gfunde. Am Poltertag vor Kollegin simer ga brunche, de is Lido ga Stand up paddle u chli gsünnelet u am Abä ga ässä, de adi Schnitzeljagd u när no ine Club😅 isch chli vil gsy. I ha mi Poltertag in Barcelona (aso FR-SO) verbracht😀