Spieluhr uf de Babybuch - spöter au beruhige lah?

Saletti 🤗

Langsam ghört oises wunder langsam dstimme etc.

Hend ihr ame au eh spieluhr uf de buch gleit, wos spöter im bettli het? Hets öbis gnützt für nach de geburt?😍

Kommentare

  • Ich han bi mim erschte Sohn immer eis uf de Buuch ta (bi mine zwei anderne han ichs igendwie vergesse).
    Min Sohn hets ührli nöd würkli beruhigt, aber es het mal ganz en spezielle Moment gäh, won er scho grösser gsi isch (3) und das Spiilührli gfunde het. Er hets denn uufzoge und plötzlich gseit, dass er das immer i mim Buuch glosed het 😳. Er het denn au plötzlich vo sinere Ziit im Buuch verzellt und dass er ganz fescht het müsse wachse und denn het wele usecho. S usecho hetter denn nöd so schön gfunde. Also die chliine Würmli nehmed scho enorm vill wahr. Machs also unbedingt! ❤️
  • Ja ich ha eini gha wo klassischi Musik abspielt (Beethoven etc.) und mini Grossi wo 5i wird, liebt die immet na und hett au scho erwähnt, dass sie die Musik vo dere Ziit bevor sie uf dWelt cho isch kenni. ❤️
  • Uiii krass😳😳 mega ihdrücklich. Danke viel mal🤗 de gahni mal eini go pöschtelee
  • i hans au immer gmacht wel ich gwüsst han das de chli uf Neo mues für unbestimmti Zit und so hani ihm was chöne da lah wo er kennt het. wirds bim zweite wieder mache egal obs was bringt oder nöd🥰
  • 😳😳😳 krass
  • @MamaBird so cool 😍! idrücklich was die kind alles mitbechömed. min gottebueb hät letschti au gseit er chans guet verstah das mis baby nanig wett use cho will ihm häts im buch vom mami au uh guet gfalle äs seg so schön warm gsi det inne 😊.

    eusi gross liebt ihres musigtierli au immerna. han letschti grad müesse spieluhr ersetze, isch scho chli i d‘jahre cho will ich das scho als babygha han 😍.
  • mini hets ghasst🤣🙈
    Immer gad brüeled weni das Ding ufzoge han 🤪
  • Bi mir gliich wi bir LoSo 😂
  • Minä het scho im buuch ahgfangä stramplä wenni d spieluhr ufzogä han 😅 er laht sich vo därä absolut nöd beruhigä, hend aber nach dä geburt ä anderi gschenkt becho und die mager schinbar eher. Denn schlafter au mal ii.
  • Mina isch 4i.....as hät na immer beruhigt. Er losts hüt no zum iischlofa....
  • Ech has bi allne 3ne gmacht. De Gross hed ned druf reagiert. De mettler hed sehr druf reagiert ond de chli wederbgar ned.
    Aber bim chline hani im Auto emmer Perfect vom Ed Sheeran glost. Wenni das abloh reagiert er emmer druf ond beruhigt sech grad oder schloft sogar i 😍
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum