Gits da au e Kochgruppe?

Hät öper es Rezept für Mischtkratzerli? Und wie lang im Ofe?

Kommentare

  • Hey
    Also ich han s Mistkratzerli öppe amel 20-30min im Ofe....Rezept hani ganz viel verschiedeni - bi Köchin und daher hani soviel verschiedeni rezept...
    was hetsch denn gern dra? so normal eifach nur Gwürz, Krüüter und Marinade....oder zb. Orange-Honig? etc
  • Oh Pinny😋😍- Gern Gwürz und Marinade. De Metzger het gmeint ich müssis ca 45 Min im Ofe la?
  • Also ich mache meistens alles noch gfühl xD ha do ned gnaui ahhgabe...cha der eifach so ungefähr sege...

    Also ich mach mini amel so:

    Kräuter-Marinade:
    Olivenöl, Salz, Pfeffer, Paprika, gehackte Knobli, Rosmarin, Thymian und Salbei vermische und denn mitm Pinsel s Mistkratzerli bestriche

    Orange-Honig Marinade:
    Rapsöl/Sonnebluemeöl, 2-3EL Honig, 2 frischi Orange uspresse, Salz, Pfeffer ebefalls vermische und s mistkratzerli bestriche

    Thailändische touch-scharfi Marinade:
    Rapsöl, 2 Chilli hacke, 2-4 Knoblizehe hacke, 1 EL Honig, bitz Sweet'n'sour Sauce dra und no bitz Ketchup und Thaigwürz vermische und bestriiche

    Apfel-Brot-Marinade:
    Olivenöl, Apfelsaft, Salz, Pfeffer, Rüebli und frischi öpfelschnitz vermische und s kratzerli demit bestriche, altes brot in würfeli schniide und is Mistkratzerli inestopfe...oder nebetzue---> git no en feine gschmack...

    Das sind so die 4 woni meistens für mini Family koche...zum Mistkratzerli dezue tueni immer no Kartoffel und gmües wie Sellerie, Lauch, Rüebli ide Marinade schmore loh...

    Also sobald d Marinade dra hesch...nimmi epis zum schmore use...erhitze chli öl detdrin und denn tueni zerst mal s gmües ahhdünste (so dases nocher so glasig isch dh. glänzt) und denn tueni mit weisswiii oder rotwii (2-3 gütsch) ablösche...verdampfe loh und denn tueni chli Bouillon dra und s mistkratzerli ine...und denn im ofe 20-30min schmore...tues aber i dene 20-30min immer mal wieder useneh und mitme Kochlöffel d sauce über s mistkratzerli güüsse...

    Wenni nöd so lust uf sauce ha...denn tuenis Mistkratzerli zerst ahhbrote (nur lieht dases chli farb het) und denn tuenis in ofe backe - denn gohts amel scho mind. 30 min...
  • He du bisch super! Danke dir viel viel mal😋
  • bitte gern gscheh
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum