Mami Phase

Kommentare

• Tessi

  254

  14. 03. 2019, 00:49

  🤔🤔🤔 da bini jetzt grad überfragt.
  Ich cha nur vo mim brichte (20 Monet). Wo er so en Phase gha het hemmer gmerkt dases besser gaht wenn mi Ma ihn abgit oder wenn die Person zu üs cho isch und ich eifach churz und knapp tschüss gseit han. Oder gaht de dä Prozess bi üch guet oder nur s Schlafe?
  Hends de villicht öpis am Ischlafritual gänderet oder es ander Bett oder s Bett verschobe oder so irgendwie was? 🤔
• Pinny

  249

  14. 03. 2019, 01:17

  Mini chind hend au e Mamiphase - vorallem wenn ich in sichtweite bi...aber ich finds nöd schlimm...ich goh denn immer ane...wel ich hans am ahhfang eifach loh und die andere versueche loh zums bi sich z bhalte...was nur dezue gführt het dases no meh brüellet het und glaub mir...das bricht dir als mami 100x s herz....nimms lieber wenns di brucht, da ändert sich denn sobalds 2,5 jahr alt isch oder 3 - denn fangts ah sozialisiere
• Evi

  42

  14. 03. 2019, 02:51

  Wie oft e de Wuche luegt sie de? Also i kenne da Problem ned, aber eus laufts eso... Mini Mutter lueget 1 Tag, sie chunnt zu eus. Normal schloft mi Sohn bis am 9.30. Wenn er mol früh verwachte und mi gseht go brüllet er au kurz. Aber da send vellecht 5min und de Rest vom Tag esch es ihm egal. Mini Mutter lit dure Tag mit ihm hi und wenn er mag schloft er und wenn ned e loht sis eifach. Er schloft de mängisch em Wage oder eifach e sim Spelegge i und ab und zu au schloft er au ned dure Tag.
• A heart full of dreams

  1

  14. 03. 2019, 08:08

  Sie isch 1x ide wuche bide grosseltere, sie hüeted aber bi üs digei.. di chli cha sitere wuche mami säge, und sit döt ischs extrem.. weni dihei bi isch klar, ich übernimm.. aber ich schaff halt no und bi etz mega verunsicheret, wet ihre nid es vertraue zu mir neh weni gang😪
• Chil

  78

  14. 03. 2019, 09:09

  Isches nur s schlafä wo schwierig isch? Was isch wänn d grosseltere mit ihre aneliged und villicht im Mami Bett? Bi ois isch so das ich nöd dörf mit dä chlinä i ihres Bett lige, wänn dä Papi nöd ume isch ( sie hät e papi phase) dänn mach ich es anders schlafritual und sie schlaft uf dä papisiite i oisem bett 😅 ...
• Caramel

  215

  

  14. 03. 2019, 09:46

  Rüf sie das wen du ume bisch oder au went nit da bisch?
  Würd ihre eifach güät erkläre, warum zGrosi lüägt, was Grosi alles super macht, das sie äs super Grosi het. Eifach diä positive Sache usehebe. Das sie ruhig darf schlafe und du morge früh da bisch. Bi den eu immer wens morge isch gsi gat zu ihre und ha gseit lüäg zMami isch da. Wiä wers abgmacht hent.
  So het sie kenne vertraue fasse i das woni säge.
  So hets bi üs klappet, du kasch ihre so zvertraue gäh, das es normal isch das immer wider zMami mal geit aber immer zrug kunt.
• A heart full of dreams

  1

  14. 03. 2019, 13:02

  Sie rüefts au wenn ich ume bi, hangetmer richtig am rockzipfel😉 weni furt gang ischsi glii zfriede, wens aber ums schlofe goht suechtsi d wohnig brüelend und rüefend noch mir ab.. ich wet eifach nid das sie es vertraue verlüürt und bimer unsicher "womer etz eifach mönd dure" oder öbs falsch isch.. danke eu viilmol für eui rotschläg!!
• Evi

  42

  14. 03. 2019, 14:41

  De söll doch dis Mami en Spaziergang mach oder eifach es Büechli met ehre aluege, denke wenn sie wörklech müed esch wörd sie au so ischlofe. Also eifach of Büge und Brech sie zum schlofe welle bringe, esch för die Mami und dini Tochter ned agnähm und wenn‘s halt mol en Tag ned klappt esch jo au ned schlimm esch jo nur einisch e de Woche.
• Mina

  0

  20. 03. 2019, 19:03

  Mi chli 15 mönet hed au en mami phase. De papi isch grad wie luft. Es gaht allg. besser weni nid ume bi. Weni deheime bi, denn muesi am tisch sicher nebe ihm hocke, suscht isst er nüt usw.
  Vilicht besser wenn churz weggasch wenns ums abgeh gaht?