Mamis uus Rhyfelde und Umgebig

JessyJessy

107

Symbol
bearbeitet 9. 09. 2013, 02:46 in Plauderecke
Hoi mitenand. Mir sind im April neu uuf Rhyfelde zoge und leider kenne mr so gar niemerts da. Wür mi freue anderi Mamis kenne z lerne, zum käffele und mitenander rede und uustusche. Freu mich uuf eure Antworte :)

Kommentare

  • Hallo Jessy
    Ich wohn zwar nid in rhyfelde aber ganz in dr nöchi =) in Liestel =) und i schaff in rhyfelde...
    sinder den vo neume ganz anderst do ane zoge?

    grüessli
  • Hallo Jessy
    I wohne in Möhli mit miner junge Familie und schaffe abem November in Rhyfelde.
  • hoi tattoo, lieschtl isch jah au nöd wiit :) mir sind vom kanton glarus dahäne zoge. ich bi aber z rhyfelde uufgwachse, durdas ich aber no recht jung bi, händ mini alte kolleginne all no kei chind. liebi grüess

    mel88, möhlin isch nätürli gad ume egg :)

    evt. chännnt mr jah mal zämme öppis mache
  • ah hesch d Schwiz chli erkundet he =)
    jaa das mit de Kollegine ohni Kinder kenni =) i bi 21ig und absolut die einzig mit Kind =)
    wie alt isch den dis oder dini Kinder?
  • Jo möhlin isch e katzesprung. Das mit de kinder kenn i au. I bin 25gi und unsi kollege im gliche alter hend no keini kinder eher die ältere.
    Vo mir us chön mer gern emol öpis zämme mache. Wie alt isch dis chind?
  • @ tattoo, jah genau, muess au mal si, min Sohn isch etz 15 mönet alt und dis chind? Ich selber bi etz 23gi
  • @mel88 jah wär super wämmer üs mal chänntet treffe. Schaffsch denn du? min sohn isch 15mönet alt dis chind?
  • @jessy
    Im moment schaff i noni, abem november de wieder. Mini tochter isch 11wuche alt.
  • Ou das isch au e tolls alter! Freu mi scho uf die Zit! Mi Sohn isch 9 wuche alt
  • oh jööh sind jah bedi noch ganz chlii, wett au wieder eis :)
  • Sind dr wieder am bastle?
    Schaffsch du? Wo und als was?
  • jah sind etz wieder am bastle, sit 2 mönet :) ich schaffe als tagesmami und nebebi bini mi etz am uusbilde lah zur kosmetikberaterin :)
  • Ah cool. No chönt me emol uf di zrugg cho wenn me es hüetiproblem het ;)
    Goht dusbildig guet miteme chline chind nebedrah?
  • chasch gern mal verbii cho, machä immer so äbig woni es paar fraue ihlade und denn e gratis huutanalyse mache zum mal dr zuestand vo dr huut z zeige. jah isch no recht schwierig, ha aber au erscht ahgfange
  • Ah cool. Jo seischs emol de chan i luege.
  • morn abig wenns dr wür gah :) oder süscht chasch mr eigentli säge wenns dr so gaht
  • Morn goht mer nid guet, will mir gönd am frytig für 2wuche in dferie. Han no chli viel zdue...
  • ui demfall ganz schöni ferie :) wohi gahts?
  • Messi. Mir mache huusbootferie in frankrich. Freu mi :D
  • ganz viel spass :)
  • Messi vielmol.
    Sind wieder zrugg in dr schwiiz.
  • händers schön gha?
  • Jo tip top. Die erst wuche het zwar swetter nid so mitgmacht, abr die zweit wuche isch de wieder schön gsi.
  • das freut mi. hämmer i nächschter ziit mal welle öppis unterneh?
  • Jo mir chön gern emol öpis zämme mache.
  • Hämmer üs nächscht wuche mal welle uufes kaffi treffe wenns dr vo dr ziit her passt?
  • Negst wuche hani chli viel um dohre. Wie gsehts dwuche druff us?
  • sry, dasi mi nüm gmeldet ha :( bi voll im stress gsi! wie gsehts mit nächscht wuche uus?
  • I fange negst wuche wieder ah schaffe. Muess zerst luege wie sich das slled ihpändlet.
    Weli täg würde dir go?
  • Ich bi flexibel, wenn gahts denn dir?
  • I schaffe immr am MO und FR. Bi de andere täg muess i vo wuche zu wuche luege, bin abr au zimli flexibel.
  • okay. wie gsehts mit nächscht wuche uus?
  • Wie gsehts us mittwuch am 6.11?
    Gäll du machsch tagesmuetter odr kennsch du öper? Kollegin suecht...
  • jah bi tagesmami ha aber im moment niemerts :( für wie lang de? jah 6.11 isch super
  • Da weiss i nid genau. Han se hüt schnrll ahtroffe bim spaziere und de het si mi ebe gfrogt.
    Si suecht e neui stell und brucht es tagesmami für ihre sohn wo au 4mönet alt isch.hätisch intetesse?
    Tip top ;-) wa wei mer mache?
  • Jah hätt Interesse :) Jah je nach wetter chämme glich go spatziere und nah ines Kafi oder so ?
  • Jo das chön mer mache. Rhyfelde odr möhli?
    Hesch mer welle dini nummere und ganz name geh? No chönt ichs sust ihre de geh (kenn se do si im block nebedrah wohnt).
  • 0792453395 Jessica Derrer. Jah kenn mi z möhli nöd so uus. Hetts en schöne park oder so?
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum