Selbstvertrauen

Chan meh sich selber liebe lerne?🤓Ich möcht eifach so si chöne wie ich bin und mich au so liebe .. stattdesse han ich null selbstliebi 🥺
fühl mi 💩 und hässlich .. chan nix und gseh 💩 us.. somit denk ich au das anderi so über mi denken und vertau ihne nid will ich mi nid liebe 🥺😓 echt verzwikt 🤔

Kommentare

  • ohhh...ich verstoh dich...ich bi au so...:( das chasch leider nur mit dir selber ändere...mir hets gholfe zum drüber rede...und usefinde wieso dases so isch bi mir...nachdem ich gwüsst ha wieso das es so isch (100% bestätigt hanis ned becho...aber bi mir hets sicher viel mit dem erziehigsstil und de Kindheit allgemein z tue)...hesch denn öper wo dich verstoht? (also mir hilfts sehr das min Partner mich verstoht und alles versuecht damit ich mich selber liebe cha...
  • nid würklich 🤔 🥺
  • sArA91 schrieb: »
    nid würklich 🤔 🥺

    also hesch niemmert zum rede?
  • vo wo bisch? -mir chönd sus gern mal privat zemme schwätze
  • Kenns nur zu gut🥺 Bi jetzt aktuell binere Läbensberaterin, bi gange weili Bruflich agstande bi. Das het den äs paar Sache ans Liächt bracht und ha den eu gmerkt wo dä Hund begrabe isch. Äs isch scho so nur du kannsch das ändere aber dafür muss meh sicher klie zrug. Was nit eifach isch und sicher eu „schmärzlich“ ka si.Aber äs lohnt sich👍
  • Oh Liebs, fühl di drückt. I weiss genau wies dir gat.
    Bi mir isch es so gsi dass i immer allne ha welle gfalle, es allne recht mache,... ha immer überleid was denke echt jetzt di andere vo mir.
    Das het mi gstresst, i bi unglücklich gsi u ha gmerkt dass i nid ich cha sii und ich mir so nid gfalle. Ha mi hässlich gfühlt.

    Gspräch mit Psychologe/Psychiater hend mir guet da. Si hend mir dAuge göffnet.
    Es isch e schwere Prozess gsi, aber es het mir guet da.
    Sid dem i nüme bi allne u allem überlege was echt di andere denke, sondern nur no überlege obs mir gfallt, obs mir guet duet. Sid dem fühl i mi viil freier, erfrischter, frecher, muetiger, selbstbewusster,... das gfallt mir, so gfall ich mir...
    ich ha kes Modelgsicht/Modelfigur...
    Sondern ich ha es Karaktergsicht u mini Figur erinnert mich täglich dra dass ich e schöni Schwangerschaft gha ha und ich jetzt es stolzes Mami bi.

    Langer Text... kurzi Botschaft...
    Hol dir Hilf... red über dini Gfühl, dini Gedanke. Es hilft. Du schafsch das.
    Du bisch nämli toll so wie du bisch! Dich gits nur einmal... du bisch es Unikat... bis stolz druf! 😘
  • Danke eu 💕😘 ich mache mir eifach zviel Gedanke was anderi Mamis/Lüt vo mir denke 😕 und den wird ich unsicher und chan mi nid öffne zum Fründschafte chnüpfe.. denke den immer ich bin eh so scheisse den behandlets mi au so 😓😓
    min Ma seit da derzue nur er liebt mi und ich muess selbstvertraue selber lerne 🙈
  • Hi sArA91 wie gats dir?
  • JuNaJuNa

    114

    bearbeitet 4. 04. 2019, 09:08
    Mini Lieb, ich verstoh dich sehr guet! Mir gohts au viel so! A dä einte Täg isches besser, a anderne wieder schlimmer! Ich muess aber au sägä dases mitem älter werde chli bessered het. Ich han immer wahnsinnig müeh gha das lüüt zu üs hai chömed us angst es seg zwenig suber, nöd guet ufgrummt etc! Mittlerwiile bini richtig guet drin zum sägä; wüsseder was.. wenns eu nöd passt, dörfeder gern afo putze..🤣 und sit ich dä Spruch gläsä han „dein Alltag ist ihre Kindheit“ gsehni alles ganz andersch und nimms glassener! Wegem sich hässlich fühle säg ich mir immer: irgendöpper liebt dich gnau so wie du bisch!! Z.b dini Chind! Für sie bisch du perfekt! Drüber rede isch ganz wichtig. Ich han grad letscht wuche mini fründine gfröget wie sie mich gsehnd.. als Mami.. mini Figur..will ich amigs sgfühl han ich heg e total falschi sälbstwohrnemig. Denn chani in Spiegel luege und find „mol, isch würkli ok noch 3 ss.. denn gsehni es foti vo mir und find „scheisse“!!uf jede fall hend sie mir sie mir es ganz anders feedback geh als ich mir sälber würd geh! Es positivs😊 und ich glaub öppis vom wichtigste isch, das mir müend ufhöre üs zvergliiche! Das macht üs doch kaputt. Es wir immer öpper geh wo dünner, hübscher, intelligenter usw isch. Es git sooo viel mensche uf dem Planet dases doch nur wichtig isch dases für üs stimmt💗 sorry, mega lang worde🙊😅
  • Danke für d Nachfrag🤗
    eigentlich guet und den gits wieder phase wo ich alles an mir hasse 🙂😕 ich gfalle mir selber ebe au nid evtl darum 🤷🏻‍♀️
  • Liebi @sArA91 :) das chunnt scho...ich hasse mich selber au..wenni in spiegel luege...denn gsehni es hässliches fettes monster....aber ich ha möse lerne...das ich schön bin so wie ich bin und das ich teils total blind bin o.O ich bi gar nöd so fett wie ich amel denke und ich bi zwar keis model, aber sicher au nöd so wüest dasi mich nöd zeige chönt ;) zudem isch jede schön so wie er isch...wichtig isch doch das mir alli gsund sind und das mir lüüt hend wo eus liebet... Ich verdanke viel mim Partner, brüeder und minre beste kollegine...die seget mer oft das ich zwar ned die perfekti supermodel figur ha, aber ich gseh trotzdem guet us und s wichtigste isch das selbst wenn ich hässlich und fett werde sött...min Partner seit mer ständig das er trotzdem mich wiiter liebe wird...wel egal wie ich usgseh - min charakter bliebt...:) das het mich scho sehr motiviert und ich bin a mir am schaffe --> mittlerwiil hani nüm so oft schlechti gedanke über mi...:) schaff a dir...red vorallem drüber...es git ganz viel netti mensche uf dere welt wo dir debi helfe chönd und wönd!
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum