Stützstrümpf

bearbeitet 10. 04. 2019, 15:10 in Schwangerschaft
Hoi zäme

I flüge i paar Wuche nach Miami und bi denn öpe ir 15ssw. :blush:

I weiss dasi söt Stützstrümpf alege, ha aber gseh das zwöi verschiedeni git. Die ganze Strümpf oder nur bis zum Chnöi.

Welli chöit dir empfehle? :smiley:

Daaaaaaaanke

Kommentare

  • Ich han die wie Strapse die send super 😁👍 Wörds rezäpt vom FA hole und den id Apothek go hole, KK zahlts meiste dra, aber es goht öpe 1 woche bes sie den hesch ;)
  • Ich wür die wie strumpfhose neh, die wachsed am buuch mit und ich has super gfunde will so wie e unterstützig hesch. Klar jetz hesch ja no kein grosse buuch aber spöter denn😊
  • Ich han beides gha und schlussendlich nur immer die azoge wo überde buch gönd. Han das vil agnehmer gfunde und hend bi mir besser ghebt. Ich han mini ime Orthopädiegschäft usmesse lah. I de erste schwangerschaft bini si i de apothek go usmesse und die hends leider nöd so im griff gha. D strümpf hend darum nie richtig gsesse, hend mer s bluet abgschnüert i de chnücheli und darum hani si schlussendlich nie agha. So sigvaris strümpf sind eifach sehr tür. Bi mir hed d KK nur en teil dra zahlt.
  • Chame de die Stümpf nur ir Apothek hole oder au irgendwie im H&M?
  • Also ich han mini au ide Apothek gholt...wel det werdets genau uf dich zuegschnitte....und drum denki das die im H&M nöd hole chasch...und wenn, denn ischs nöd uf di zuegschnitte
  • Git sicher billigeri. die wered sind den eher kompressionsklass 1 und de arzt verschribt eigentlich s 2 i de schwangerschaft. am afang vo de schwangerschaft ischs vilicht nonig so wichtig. 😏 D vene wered der aber sicher dankbar wenn mer geg s endi richtigi stützstrünpf azieht. vorallem zum chrampfadere vorbüge und went gschwullni bei hesch. ich würd aber glaub so am afang vo de schwangerschaft au eher billigeri chaufe und denn mich so um di 20ssw um richtigi kümmere. d grössi chan sich ja verändere und wenn zfrüeh holsch sinds der vilicht z chli am endi vo de schwangerschaft. Ich bin kei expertin, aber das isch so min pln gsi. 😊
  • jo unbedingt nöd zfrüeh hole und de gwichtsverlauf beobachte..ich han en stehende job ka und drum scho ab de 16.ssw strümpf agleit. bis zersch id apothek go mache lo aber nöd zfriede gsi. hans denn i some sanitätsgschäft apasse lo viel besser vum material und passform. am schluss vu de ss (han 25kg zuegno) isch es nöd denkbar ohni strümpf usem huus..scho wenni ume lauf ohni merkis noch ca. 10 minute mit stechende schmerze ide knühkehle.
  • Ich han au die über de Buch besser gfunde. Bide andere hani s Band ned so möge verträge. Ha sogar a mim Hochzit Blase devo treit ade Bei. Aber das bi glaub eifach ich 🤷🏼‍♀️

    Bi mir hets de Arzt direkt usgmässse und bstellt.
  • Ich han so schnell en Riese Buch übercho dass ich dStüzstrumpfis aso über de Buch gar nüm vertreit han..und hend mer au ide Liste igschnitte..das mit em nöd verträge vum Gummi am Oberschenkel kenni..mengisch bissts am obed und han wie so gröteti stelli..jä nu..isch bald vorbi..
  • Es git Strümpf vode Marke Medi wo au Silikonfreis Band hend für ade Schenkel für die wos ned verträged. Ich ha dStrümpfe vode Medi gha will ich die kenne vom Gschäft us und besser finde. Bechunsch im Sanitätshuus😊
  • @mrspfeffer ah das hani ned gwüsst.
    Suscht wärets abe sehr bequem gsi.
    Ha richtigi Blase becho gha 😔
  • @Tessi oje mega doof hends das ned gseit. Also vo eusere Marke gits die will ebe vieli Allergisch sind. Aber weiss ned ob Sigvaris die au hett😩
  • Jo i han denn au die vu Medi ka..finds au viel eifacher zum slegge wie die vu de Apo. Chan sie das die sebi sigvaris gsi sind..i han zwor amel au bizli mit de Medi reagiert..aber scho weniger..
  • Wo kriegt mer denn die "Medi" Marke?
    Frage nur prophylaktisch 😅
  • gang mol ines sanitätsgschäft..
  • chönt der zwinti eis sehr empfehle 😊
  • Ah super danke 😃👍🏻
  • Jepp ide sanitätsgschäfter. Wennd mer seisch wod wohnsch, chani der morn im gschäft nahluege wo sie gnau bechunsch😊
  • Oh das wär ja mega lieb ❤️Wohne im Kanton Zug (Rotkrüz) und schaffe aber ide Stadt Luzern.
  • Okee ich luege morn na und schrieb der da via PN😊
  • Also ich ha au die vo de medi und bi so mässig begeisteret.... ich ha mini syyt endi januar und ha scho in beidne löcher und zwar unte bi de zeche... und au sust hets scho stelle wo sehr abgnutzt usseh.
    Ich ha sie zwar au jede daag a, abr froog mi scho worum die scho löcher hän..🤔

    Aaabr agnehm zum trage sin sie.
  • @Jeaninne leisches richtig a und dusches vu hand wäsche? ich han sie au tgl. a und qualitativ findis super..has zwor ab und zue 30° ide maschine gwäsche und das gseht me denn scho echli v.a. bim gummi..
  • Jop ich leg sie richtig a, schaff in dr pfleg und ha scho iebig drin😉😉Abr es isch wirggli grad vorne bi de zeche, halt dert wo me au sust löcher het.
    Wäsch sie au zwüsche dure mol in dr maschine und au nume bi 30grad, sust immer vo hand.

    Sie sin zum trage wirggli agnehm und au nyd so dick, abr ebe nervt mi bitz dass es scho löcher het..
  • hesch zlango zächä nägel 😂
  • Eigendli nyd, wills mi immer stört sin die eher kurz gschnitte😂😂
  • Daaaaanke für die viele Tipps. Also ihr würdet no keni tüüre hole vor Apothek? Es Sanitätshuus was isch denn das? :open_mouth: Nonie ghört.....
  • Es chunt druf a wie wiit du scho bisch! Wennt ide heisse summermönet schwanger bisch würd ich eher die kurze neh! 👍🏼 es isch uf jede fall empfehlenswert! 👍🏼
  • zahlt eh d KK
  • Bi mir hends nur 2 stück pro Kalenderjahr zahlt und bi massgfertigte au nöd die komplette chöste 🤔 aber vilicht het sich da ja was ändered zwüschezitlich
  • Ha jez mal es Zügnis vom FA verlangt. Laut Swissmom wird ab dr 13ssw die Strümpf vor KK zahlt. Ha ihm gseit, er söu mal zDatum vo nöchst SA druf due, denn bini ir 13ssw und gange de grad id Apothek mal ga luege was si so hei. :)
  • wird ou ab dr 13 ssw nid alles vor kk zahlt, eifach e teil drvo.
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum