Startseite› Geburt› Geburtskalender

Oktober/November 2019 Babys

124…9

Kommentare

  • mamalamamala

    38
    @Manaya nei nei das hed no gaaanz vell platz. Es esch eifach so, dass dus besser gspörsch wenn du ruhig besch. @SarahGiulia mer gods au vell besser. Aber da ichs jetzt gspöre fühli mi ned onschwanger.
  • SarahGiuliaSarahGiulia

    132
    I gspühre leider no gar nüt... 😕 hoffe chunz gli... mängisch hani nidmau meh es zieh oder so. Aus wer gar nüt 😖 scho komisch
  • MiPaMiPa

    0
    @Manaya: Mer hends am Fritig ond am Samschtig de Gschwöschtete ond Grosseltere verzellt ond sie hend mega freud gha 😍 Hey das esch de en Zuefall aber mega cool de hesch öber wo di chasch ustuusche i de Familie ☺️

    Wow scho de erschti Tritt gspört? Do beni scho grad chli Niidisch, esch secher es mega schöns Gfühl gse ned? Chas chum erwarte... Wobie mini FA hed gseid, es chan guet no 10 Woche oder so goh besi de erschti Tritt merke... Ben gspannt halte Euch ofem loufende 😉

    @SarahGiulia: Mer gods grad glich wie der... Ech han momentan ossert e chli es Zieh em Buuch kei Beschwärde, gspöre no nüd ond abgseh vo dem gsed mer ou nonig werkli was vomene Buch... Esch grad chli alles Fruschtrierend aber jo chond ou weder besser...S einzige woni no han esch en Eisenmangel, muess nächscht Woche go en Eiseninfusion mache...
  • ManayaManaya

    1
    @MiPa jo isch e mega überraschig gsi, mega cool den hets scho en cousin / e cousine 🥰.
    Haha also es isch eher chli unagnehm gsi. Bi den wieder aneghocket wili gmeint ha, es seg so nöd bequem fürs chline. I glaub fangsch den au ah überlegge öb jetzt alles stimmt wens ufzmol "sich meldet" 😄🤣
  • SarahGiuliaSarahGiulia

    132
    Hey fraue heit dir au so es mega zieh ide brustwarze?? Has scho sit längerem aber hüt ganz krass!!! Chunt emu nid scho milch oder? 😂😂😂
  • RizzitellaRizzitella

    3
    Hallo zäme. Mer döfed eus au uf nes November Baby freue 😍
  • ManayaManaya

    1
    @SarahGiulia bi mir tüens nur weh wenni drananeschloh 🙈 glaub mit milch wär no chli früeh 😅
    @Rizzitella herzliche Glückwunsch
  • SarahGiuliaSarahGiulia

    132
    Ha hüt dr ersttrimester test mit screening ka 😍 es isch sooo toll gsi! Baby het sich meega bewegt, sehr es aktivs! Alles gseht bis jez guet us. Nackefalte isch au nid uffällig gsi und jez warte mir uf labortests... bi mega happy 🤰🏻👶🏻
  • MiPaMiPa

    0
    @Manaya: Das esch werkli schön denne heds scho öbber zom Spiele 😉Das gloubi, aber jetzt hed s chline jo no platz vellecht heds grad chli fescht ometobet 😅

    @SarahGiulia: Ech has es Zytli ou gha vorallem of de Site vo de Bruscht e sones Zieh ond eifach mega Empfindlich... Aber jetzt scho lang nömme, beni ehrlichgseid no froh 😊

    @Rizzitella: Willkomme i eusere Gruppe ond härzlichi Gratulation 😊
  • MiPaMiPa

    0
    @SarahGiulia: Das freut mi, dass alles guet esch gniesses 😍
  • anja91anja91

    0
    Hoi Mitenand, Hoi Schwe 😊 es isch schön z'läse dases eu allne guet gad! Ich bin d'Schwöster vodä @Manaya und ha am 20 Nov. Geburtstermin 😊
  • ManayaManaya

    1
    Yeeeh hoi @anja91 👋😉🤗
  • MiPaMiPa

    0
    Willkomme @anja91 😊Ech hoffe be der esch ou alles guet? 😊
  • anja91anja91

    0
    Danke 😊, bi üs isch au alles in Ornig. Nur isch mir das nonig so bewusst .. do bruchi nochlige ziit 😁
  • MiPaMiPa

    0
    Das ghört mer gern ☺️ Mer gods genau glich, esch ergendwie so komisch chas emmer nonig gloube dass neues Läbe i mer inne am Wachse esch... Drom freu mi de wennis ändlich gspöre s chline de chanis secher nömme azwiifle 😅
  • mamalamamala

    38
    bearbeitet 28. 04. 2019, 20:40
    Hallo fraue! Wie gods euch? Mis 🐸 esch scho mega aktiv. Gspöres emmer dütlicher ond letscht nacht beni sogar verwached. Morn döfed mer weder i ondersuech. Hoffe es esch alles guet 🙏🏻. E frog, möched er dkeuchhuesteimpfig? Es werd jo jetzt empfohle. Ide 1.ss hani das no ned müesse...
  • MiPaMiPa

    0
    Hey hey
    Danke üs gods sowiet eigentli guet, bes ofs Rögge weh wo aktuell grad Müesam esch ☺️
    Han so Müeh em Ländewirbelberich, chan de amigs chum loufe ond s Bei löpfe wells mer wie was ichlemmt... Ond wenni de chli loufe gods weder... Hed das ou öber vo üch oder was ändlichs?
    Ech Gspöre üses chline leider nonig, aber esch vellecht ou nochli Früeh... Chas chum erwarte besis denne ou endlich gspöre 😍Mini FA hed üs die ou empfohle, mer wärde sie mache... Esch jo ned nome Schotz vör dech sondern ou vör s chline... Ond grad wells üses 1. esch wette mer keis Risiko igoh... Ond usemene Grond möche sie die empfählig, hoffes ämu 😉
  • sarah84sarah84

    1
    händ dir au so starki dehnigsschmärze? ich cha mängisch kum stoh, bi in dr 16. wuche. kenns aber vo minere erste schwangerschaft, has dört au so stark gha.
  • RizzitellaRizzitella

    3
    @anja91 euse Termin esch au am 20. November 😍
  • anja91anja91

    0
    So cool 😊 Vo wo sind ihr den?
  • MiPaMiPa

    0
    @sarah84: Ech han eifach zwöschedöre chli Dehnigsschmäze aber wenni Magnesium nehme gods de eigentli amigs schnell weder döre oder werd besser ☺️
  • RizzitellaRizzitella

    3
    @anja91 Mer send vo Einsiedeln. Ehr?
  • ManayaManaya

    1
    @SarahGiulia hey ich han gad ime app glese dass ab ssw 16 würkli scho chöntet tröpfli vormilch usecho.. wär also nüt schlimms 😄
  • SarahGiuliaSarahGiulia

    132
    I bi vom Seeland... Biel ir nöchi :)

    @Manaya Danke dir, hoffes jez mal nonid :D

    Ha hüt zTelefon bercho vom Bluettest vom letzt Termin. Ha öpis miter Schilddrüese... :( Muess jez Tablette näh und nach de Ferie verbi ga, zumene Spezialist.
  • mamalamamala

    38
    Hey @MiPa dued mer leid wäg dim rögge. Das könni sälber ned. Ich ha zom glöck im momänt kei beschwärde. Hoffe es blibt so 🙏🏻. Mer send geschter im untersuech gsi ond es gsehd alles super us. Sie hed scho alli organ gschallt wo sie hed chönne. Ond so wies usgseht geds das mol es büebli 💛. Ich wohne in obwalde ond be us lozärn.
  • MiPaMiPa

    0
    @anja91: Mer send vo Brittnau (Näbe Zofige Aargau)

    @mamala: Keis Problem es chond ond god 🙃

    @SarahGiulia: Ou nei das tönt ned so guet, aber hoffe dasses schnell i Griff bechonsch ond vellecht esches jo noch de Ss weder weg wer weiss...
    Ech han geschter mini Eiseninfusion becho ben jetzt gspannt öbbi nömme so Müed ben ☺️
  • SarahGiuliaSarahGiulia

    132
    Und fraue, heiter scho es büchlii?! Mis isch nur nachem erste esse würk sichtbar und au nonid sooo definiert! Hoffe chunt de gli 😁🥰
  • ManayaManaya

    1
    @SarahGiulia hoi.. ui hesch denn es sixpack dasmer no nüt gseht 😉? Min buch stoht mind. 6cm füre scho vorem esse 😅. Ich bin jetzt afangs 17. Ssw ...
  • SarahGiuliaSarahGiulia

    132
    @Manaya haha neei gar nid... aber er gseht eifach us als wers wegem esse... eifach als wer i fett und nid wie es babybüchli 😫😫
  • mamalamamala

    38
    Ich ha scho e zemliche buuch. Be jetzt afang 19 ssw ond es esch mini zwoiti ss. Be de erschte hani vell spöter e buuch gha. Jetzt esches mega schnell gange.
  • MiPaMiPa

    0
    @SarahGiulia: Ech han ou s Gfühl dassi scho es Büchli han aber vorallem nochem Esse esches no grösser weder vorher... Do ech vorher scho chli es Büchli gha han fallts warschindli nonig sooo fescht uf de andere... Lueged alli so komisch so vo wege „esch sie schwanger oder hed sie eifach Zuegnoh“ chonds mer vor... Aber wenns de no meh wachst ond usestod de werds de hoffentlich klarer 😅
  • MimamaMimama

    0
    Hoi zäme 🤰🏼 ich bin momentan 13+4 min ET isch am 11.11 mir freue üs riesig ❤️ ich hoffe das ich au denn Gebäre wär es cools Datum!
    Mis 1. Kind isch au es Novemberli ❤️.
    Mini Schwangerschaft isch nöd toll han megaa mit Übelkeit und Erbreche zkämpfe nu viel schlimmer als bi de 1. Geburt ich hoffe es gaht denn mal verbii🍀 han am Mändig en Infusion übercho gha. Isch öpper da us em Ruum Limmattal?
    Freu uf e ustuusch mit üch😊
  • MiPaMiPa

    0
    Hey hey
    So wie gods Euch allne so? Gspöred ehr euches chline ou scho chli?
    Entweder hani mer das nome lbidet oder ech han üses chline Wunder höt zom erschte mol gspört 😍 Hed sech ganz komisch agfühlt, wie Ameisioufe em Buuch ergendwie... Hend er Erfahrige oder wie hend ehr das so erläbt?

    @Mimama: Ech hoffe der gods besser i de zwöschezyt?
  • FrauenmantelFrauenmantel

    51
    Hey ☺️Mir hen et am 19. November und erwarte euses dritte wunder.
    I ha bis jetz no nüt gspürt,bi jez ide 15.ssw,wobie i mer nid ganz sicher bi zwüsche dure. S büchli isch aber scho recht gwachse und grad hüt spannts mega,duet recht weh bim ufstoh und ume laufe 🙈
  • Vane😊Vane😊

    5
    @Mimama hey, ich bi au in de 13+4 aber min ET isch am 24.11🤔 wie isch das denn möglich?
  • MimamaMimama

    0
    Hoii zäme bi mir isch es immernu müesam mit de Übelkeit 🤢 hoffe jede Tag das es ufhört!@vane ich han das am 10.5 gschriebe und hüt isch de 23.5!
  • Vane😊Vane😊

    5
    @Mimama 🤦‍♀️😂 so doof bini🤪 in mini ersti ss isch mir au uh schecht gsi, nöd het gholfe leider... isch aber nachem 4te mnt langsam besser gsi... hoff gots dier langsam au wieder besser💪
  • RizzitellaRizzitella

    3
    Höii zäme
    Ech han de ET am 20.11 do ech aber weder en KS werde ha, werds secher früehner si als de 20.11.
    Met de Übelkeit hani au no z‘kämpfe. Aber no schlemmer esch s‘Chopfweh 😔

    Hend ehr scho all euchi Lüüt informiert?
  • ManayaManaya

    1
    Hallo zeme. Bi üs sind alli informiert, meh gseht mis büchli au scho. Mir hend gest nomel untersuech gha und s baby isch scho 14cm. 🥰 ich ha erst jetzt langsam zgfühl dasis cha glaube wils vorher no so chli gsi isch. Ha defür kei beschwerde, usser dases mol chli spannt. 😊👍
  • SarahGiuliaSarahGiulia

    132
    Ho zäme, wie geits euch?! 😁
  • ManayaManaya

    1
    @SarahGiulia hoi. Es goht guet, de buch isch ziemli gwachse, bald hemer de nögst grösser untersuech 😊. Und bi dir?
  • FrauenmantelFrauenmantel

    51
    Mir gots au guet, ha am mäntig de untersuech bi de hebamme gha und dörfe d härztönli mit dopton ghöre ((16.ssw) 😍ide 12. ssw hämer se leider noni ghört.
    I gspür s baby au sit es paar tag,gniess es voll. S einzig fiese sin mini steissbei schmärze 😁zt hauts mir eis ine bis is schambei, aber i probier jetz denn mol cranio. Bi mir isches jo die dritt ss und bi scho chli überrascht dases soooo früeh afoht aber wet au nid jammere,süst gots mer würkli guet.
  • RizzitellaRizzitella

    3
    Mer gohtz sowit au guet. Be eifach extrem verspannt ond ha emmer weder Chopfweh 😔Mer hend erscht am 17te weder de grossi Ondersuech. Be jetzt scho gspannt öb mer gsehd wases ged. Aber wechtiger esch natürlech dases gsond esch 🙏
  • SarahGiuliaSarahGiulia

    132
    Mir geits au guet, besser wieder. Ha jez sicher fast 2 Mönet mit extreme Buchschmerze zkämpfe ka, vor allem am Nami bim schaffe. Dr Arzt und i denke das vom Stress chunt und om lange sitze. Drum heter mi am DI endlich uf 50% do und jez geits scho viel besser. Cha am Nami ga liige und mi usruhe und endlich mau zyt für mi und zBaby näh :) Duet sooo guet. Schüsch hani zum 2. mal ä Nerv i mire Po Backe iklemmt, muess äuä wieder zum Chiro. :D Ab morn ir 20 ssw.... Und bi üs gits es Meiteliii. Am DI hets dr FA zum 2. mal bestätigt.
  • RizzitellaRizzitella

    3
    @SarahGiulia Jöö, esch doch süess es Meitli. Ech han bes jetzt nome Buebe ☺️
  • Stephanie1987Stephanie1987

    1
    Guete Morge,
    Ich bin jetzt 17 + 4 üs gohts sehr guet! Ich ha bis jetzt 4 Kilo zuegno Min Buch isch recht Härt aber das chäm vo de Bänder usw.
    I ha am 12. Nov Termin. Am 4. Juli hend mir de nöchst Ultraschalltermin. Hend ihr au scho Adresse übercho für s Hebammä uswählä? Wünschä eu en schönä Tag😊
  • SarahGiuliaSarahGiulia

    132
    @Stephanie1987 Mi buch isch ebe au scho recht hert aber chunt vom stress... Hesch de du ke stress? wenn de verunscheret bisch, würdis glich chlei im aug phaute. Cha ja au vorzitigi Wehe uslöse :s Mi Buch isch jez viiiel weicher, sit i nur no 50% schaffe ! Isch au viel gäbiger zum schlafe. hihi

    I ha scho 5 kg zuegno.

    Hebammä hani leider no ke Adresse. Wenn muessme die afa sueche?
  • Stephanie1987Stephanie1987

    1
    Ich bin gester bim Undersuech gsi. Sie het mir t Bänder chli massiert und gseit es seg alles guet. Ich schaffe im Service logo hani Stress. Aber nur dehei hocke... wür mich Psychisch no viel meh stresse. Ussert sie wür mir au sägä das besser wär für üs . Ich glaub mir bruched de Rummel🤪Weg de Hebamme het sie gseit i söll eifach scho mol aafange Aafroge wills rechte Mangel hend.. isch au dis Erste?
  • SarahGiuliaSarahGiulia

    132
    Ah de isch ja guet :) Bi mir ischs ebe scho recht hert gsi wegem stress und das über mehreri Wuchene. Bi mehrmals bi ihm gsi und hei au zerst alles probiert, wöui nid ha wöue reduziere.... aber isch jez eifach nüme gange! :(

    Ja isch au mis erste.... Mi FA het ebe no gar nix gseit, wege dr Hebamme....
  • FrauenmantelFrauenmantel

    51
    Ich ha scho sit afang ss mini Beleghebamme wo mi betreut ☺️Bi das voll am gniesse,sie nimmt sich so vil zit für mich und i chönt mi jederzit melde wenn was wär. Sie wird denn au bi miner geburt im geburtshuus debi si.
    Es isch mini dritt ss und im nochhinein würd is bi jeder ss so mache, aber im nochhinein isch mer immer schläuer 😂

Hey! Kostenlos & anonym

Deine Erfahrung fehlt noch

Bisher 416 Antworten – deine könnte die nächste sein.

Seit 2012 helfen sich bei BabyForum Eltern gegenseitig – vom Kinderwunsch bis zum Familienalltag. Registriere dich kostenlos und rede mit.

  • Anonym & geschützt Nur mit Nickname, ohne echten Namen.
  • Schnelle Antworten Oft schon nach wenigen Minuten, auch nachts um drei.
  • Moderiert & entspannt Freundlicher Umgang, keine unangebrachte Werbung.
  • Produkttests & Aktionen Teste neue Produkte vor allen anderen.
Jetzt kostenlos registrieren

Kostenlos und ohne Abo. E-Mail, Nickname, Passwort – fertig.