Welche Pflegeprodukte fürs Baby?

nala89 · 3. 05. 2019, 17:08

Hallo ihr Liebe
Was hend ihr euch för Pflegeprodukt und „Arzneimittel“ kauft bevor s baby uf d welt cho isch? Aso was set mer dihei ha?

Mirj · 3. 05. 2019, 19:42

fürd huutpfläg: oliveöl, es wirkt antibakteriell, zällufbauend und pflegend. ideal zum gsicht/körper wäsche, für trochni huutstelle, rote popo oder für offni halsfalte.
mandelöl salbi, hani fürd fingernegeli brucht
zum bade: muetermilch oder oliveöl&rahm
allgemein luege dass parfumfreis züg chaufsch.
fieberthermometer mit flexibler spitze, sus hani nüt dihei gha.

Pinny · 3. 05. 2019, 20:11

Ich benutze au no Kokosöl 🥰hends immer schöni weichi huut

nala89 · 3. 05. 2019, 20:11

Was nähnd ihr denn för en marke? Eifach es öl us de migros? 🤔

schaai · 3. 05. 2019, 20:37

isch kokosöl und kokosfett sgliche?

Mirj · 3. 05. 2019, 20:54

ich has monini oliveöl us de migros😊 ah ich bruche au no d‘weleda malve (parfüm frei) oder calendula salbi fürs fudi, vorallem underwägs hani die gern und jetzt wod kind grösser sind.

Caramel · 4. 05. 2019, 02:11

Ich würd nit zviel vorher kaufe. Ha viele wo mer empfohle worde isch, nit kenne bruche weil üsi Klie nit vertreit het. Im Mam-Koffer het sehr viel Muschter wo kanns lüäge was die Schätzi brucht und au vertreit.
Ha vieles müässe verschänke oder weg schmeisse.

schaai · 4. 05. 2019, 07:43

Wenn Neugeboreni viel Hoor hend..hend ihr au alli uf Babyschampoo verzichtet? Mir rotet alli devo ab aber i han immer sgfühl sie het chli fettigi hoor...

Caramel · 4. 05. 2019, 08:53

@schaai ha Shampoo eu sehr spat afa bruche. Würd bi Neugeborene eu ke Shampoo bruche, das pändlet sich alles nu i. Bi so Kliene kasch eu nit so güät usse wäsche und den hesch rüchstand dine wo de Hut ka zfescht reize.

Avenira · 4. 05. 2019, 13:36

Ich finde Weleda Produkt super. Und da duni dich au ganz sporadisch Haare mit Weleda Schampoo wäsche will sie het mega viel und chotzed dezue au viel... doofi kombi. 🙈 Ghöre zude wenige wo Kokosprodukt ned guet findet vorallem nur scho weg em Abau und em Weg id Schwiiz... 🙄

Snuggles · 4. 05. 2019, 20:31

Mir hend ziemlich früeh scho kochsatzlösig brucht zum s näsli spüele, suscht eigentlich au kaum öpis und het ja vieles im mami und babykoffer zum usprobiere