Einzelkind und das gewollt - Wer noch?

Pinny · 8. 04. 2019, 10:11

@Nessa naja...ich würd scho nomol eis ha wele, wenns nomol zwilling gäbt wäri au happy🥺aber d angst dases nomol so kompliziert wird und ich wieder mit dem ganze allei biii isch z gross...

Min Partner isch die ganz schwangerschaft dure ide RS gsi...und jedes wuchenend hemmer zu sinre muetter möse - was mi ziemli gnervt und hüüchlerisch überecho isch
-langi gschicht..kurzversion: er isch es umsorgtes einzelkind...als ich dezue cho bi, hets immer gheisse das die ganze striiit wo mutter und sohn mitenand hend alles mini schuld isch und das er s mitm vater (sind getrennt) besser het isch au min fehler^^...bis sie eines tages üs usm huus gschmisse het und mit hend möse 3mönet im auto lebe...und sini eltere mich und mini familie jede tag beleidigt hend (via sms und telefon)...🤦‍♀️Sobalds aber gheisse het ohh enkelkinder - simmer plötzli e super happy family gsi wo nie problem gha het...da hani eifach nöd usghalte und deum bini immer mitme lätsch det gsi

Mini family lebt im St.galler rhiintal und mis mami cha nöd so guet düütscj und het au mega angst zum allei bis nach züri z reise...

Und ja...damals hemer z dietikon glebt und ich han rein gar niemmert kennt und ich hans au schwer gfunde neui fründschafte z schlüsse - ha zwar während der Matura viel schuelkollege gha...aber wenn mer halt einiges älter isch als die, denn findet mer zwar ahhschluss aber me cha nöd gad über vieles rede 😆und ich bi scho immer nöd so die gsi wo sich besuuft und denn abschleppe loht

Etz wohnet mer z winti - aber au da findis schwierig mit öperm engi fründschaft z schlüsse - die meiste sind eifach für sich und wenn denn trifft me sich wenns guet chunnt 1mal im monet

Darum bini momentan total gege meh chind

new_mom · 4. 05. 2019, 10:41

Genau wie fuchs ists bei uns auch

massa2 · 4. 05. 2019, 15:48

Mir händ es einzelchind will mir beidi emotional sooo engagiert sind nur scho mit eim chind und min maa nach de geburt en Depression gha hett unds eifach nöd gaht.... eis isch super aber mir wüssed dass mir emne zweite nöd chönted grächt wärde. Usserdem simmer relativ alt (40gi)....