SWISSMOM-PARTY 🤩

Bella8 · 20. 05. 2019, 18:14

Hahah @schildchrötlimel 😂🙌🏻

schaai · 20. 05. 2019, 18:41

🤣🍻🍻🍻 jeee

tamtam86 · 20. 05. 2019, 19:46

Wuuuhuuu!!!🎊🎈👍

tamtam86 · 20. 05. 2019, 19:46

Wuuuhuuu!!!🎊🎈👍

Sunshinemom · 20. 05. 2019, 21:14

🎉🎉🎉 jipiiee

Caramel · 20. 05. 2019, 21:44

Es leuft, so schön🎂🌹

Rizzitella · 20. 05. 2019, 21:57

Macht öber vo euch Bettschlange? 😍

Stöpseli · 20. 05. 2019, 21:58

Het hie öbber e plante KS gha? Isch des würklech so das si dä 2 wuche vorem ET mache? Und gits nur e teil narkose, oder e vou? Währ unlieb wen mer öbber die frage chönt beantworte 😊

mrspfeffer · 20. 05. 2019, 22:11

@Stöpseli ich ha mich 2 Wuche vorem ET erst für de planti entschiide und ha denn dörfe wähle. Ha de Termin 7d vorem ET gno will grad Uffahrt gsi isch und mini FA denn weg gsi isch. Aber nei ich hett au 3d vorem ET chöne de KS ha. Mitem Risiko das sBaby vorher scho cho wäri. Und bim sekundäre KS sowie bim plante, hani nur e Teilnarkose gha.

Stöpseli · 20. 05. 2019, 22:51

Merci fiu fiu mau 😊

Sandra💕 · 20. 05. 2019, 22:54

Ich wird vermuetlich au e plante ha. Wird max. 10 dag vor ET si. Und kei vollnarkose.

corina · 20. 05. 2019, 22:57

@Stöpseli chasch au warte bis wehe häsch und dänn en ks mache. Bi mir isch de ks 7d vorher gsie, min fa machts nöd gern früehner wasi au guet gfunde han für mich. Han e teilnarkose gha, das machets meistens bim plante, d vollnarkose eigendli numme wenns en notks isch und kei zyt bliebt zum teilnarkose d würkig abzwarte

Stöpseli · 20. 05. 2019, 22:58

Okey. Merci 😊

Shira · 20. 05. 2019, 23:24

@Rizzitella es git en gruppe DIY dert hets vermuetli öper wo bettschlange macht.

Shira · 20. 05. 2019, 23:24

Tolle Sachen die wir machen heisst sie gnau.

schaai · 20. 05. 2019, 23:33

@Rizzitella lueg

https://www.facebook.com/marketplace/item/376614999863733/

Anni · 21. 05. 2019, 08:26

@mrspfeffer gäl dini tochter gaht is fuessball? mit wie alt het si agfange und isch das altersgrecht oder macheds da eifach richtigi spil? wo gaht si? 😇

twilly · 21. 05. 2019, 08:38

Schlechtwetterprogramm 😅

Freu mich schon aufs Aufräumen. Was alles IN der Hütte ist, ist gut getarnt😂

mrspfeffer · 21. 05. 2019, 09:16

@Anni ja sie hett mit 4i ahgfange und sie hend scho glernt de Ball füehre oder so Mätschli gmacht und so. Sie hett sich au glernt duresetze was ihre am meiste Müeh bereitet hett. Sie isch immer in Altstette gange, aber jetz schaff ich genau am FR Namitag und sie cha nûm ga. 😫 Bi jetz am umeluege obi sie da zKilchberg schicke oder zThalwil, det spielt au e Kollegin vo ihre.

Anni · 21. 05. 2019, 09:36

@mrspfeffer ah cool. Isch das das vo 15:55-16:40? wie alt sind da d chind öpe?

Anni · 21. 05. 2019, 09:37

Döt bim sehbehinderete schuelhus?

Anni · 21. 05. 2019, 09:39

Hets e warteliste oder hender eifach chöne afange?

mrspfeffer · 21. 05. 2019, 09:44

@Anni ja genau das, isch super gsi. De Vater vo ihrem beste Fründ leitet s Training. Mir hend grad chöne afange. ☺️

Anni · 21. 05. 2019, 09:56

Ach so. perfekt:) ja denn mueni mal afröge. Min Sohn spilt sooo gern fuessball. Aber es isch eifach schwirig ufem spilpi, entweder es het kei chind wo wend mitspile oder si sind z gross und putzeden grad abe. 😬 es täglichs drama bi ois😂

mrspfeffer · 21. 05. 2019, 10:12

@Anni hehehe ich kenns. Also er machts würkli u guet und dChind lerned au Koordination etc.

ALOHA · 21. 05. 2019, 10:59

ACHTUNG!!! Anschiinend gaht ide ganzi shwiiz nur barzahlig zurziit.
Aso im coop und aldi woni gad ha wele go poschte isches tatsächlich so😅 sie machet die ganz ziit durchsage

lunapiena · 21. 05. 2019, 11:04

Danke fürd Info Aloha. Chamer immerhin no go abhebe ? 😬

ALOHA · 21. 05. 2019, 11:15

@lunapiena nei isch au ned gange😅 aber etz funktioniert alles wider👍🏻👌🏻

lunapiena · 21. 05. 2019, 11:22

Oh super 🎉 ich ghör zu de Sorte Mensche wo nie Bargeld debi hend 🙈😅

ALOHA · 21. 05. 2019, 11:28

Ich ebe au - aber ha gmerkt vieli anderi au😂😂 es riiiese gschiess. Gstressti mamis will kinde schreiet wils hunger hend etc.😅 verständlich.

Tanja87 · 21. 05. 2019, 12:18

Migros au😓

schildchrötlimel · 21. 05. 2019, 12:24

Brauche eure Ratschläge betr. PUMI. Hab eine Gruppe erstellt. Merci 😎

corina · 21. 05. 2019, 12:48

Bin eigendlich auch immer bargeldlos unterwegs und habe in der migi an der kasse zum glück doch noch bargeld im portmonai gefunden😅

Melanie · 21. 05. 2019, 12:56

@Rizzitella ech mache Bettschlange 🤩 bi Interesse dafsch di gärn mälde of 079 752 50 21 oder melanie@zauberhaft-creative.ch

schaai · 21. 05. 2019, 17:46

Isch schomol öbbert am Flughafe Flohmarkt in ZH gsi und chan brichte?

regi · 21. 05. 2019, 18:00

met we alt hend euchi chind in schwimmkors dörfe?

Mary Lou · 21. 05. 2019, 18:57

@regi Bi üs isch ab 4ri
Üsi Tochter faht dä Summer aa

massa2 · 21. 05. 2019, 18:57

@schaai isch legendär (han früehner am Flughafe gschafft und isch e mega Tradition) und bi schönem Wetter eifach mega überloffä.

regi · 21. 05. 2019, 19:00

@Mary Lou eusi esch im märz 4ri worde ond möcht sogern goh. vel rote mer ab. seg no zfrüeh. weiss nid was i sel mache.

Samantha · 21. 05. 2019, 19:01

E Kollegin vo eus wird 40‘ond macht am Sa e Fest.

Würd gern öpis schenke weiss aber ned was ond ihre Ma meint gueti Lune langt... händ ihr mir Tips

schildchrötlimel · 21. 05. 2019, 19:43

@Samantha i ha immer Fröid ame Guetschiin für e Wellnessbehandlig

sabi81 · 21. 05. 2019, 20:17

Wens ä gueti kollegin isch ä wellnessnami/abe mit znacht esse...u süsch ä guetschin für das si ällei ä wellness behandlig cha mache

Ängeli · 21. 05. 2019, 20:48

Wie & wo findi use, was Krankekasse alles zahlt bezüglich nach de geburt wie z.B.: hebamme, stillberatig, piketgeld, milchpumpi etc.
wenn mer NUR ALLGEMEIN versicheret isch..? Wer weiss grad was zahlt wird?

schildchrötlimel · 21. 05. 2019, 20:48

@sabi81 gäu Ü35-Interessene 😂😎

ALOHA · 21. 05. 2019, 20:50

@Ängeli ich lüte den ah und frage. Bi wem bisch?

Bawa · 21. 05. 2019, 20:59

@Samantha güggsle doch mol bi www.dekobude.ch dure het tolli Gschänkidee 🙃

livjona · 21. 05. 2019, 21:34

regi schrieb: »

Lou eusi esch im märz 4ri worde ond möcht sogern goh. vel rote mer ab. seg no zfrüeh. weiss nid was i sel mache.

Ech wörd ned vor 5-i. Die körperlichi Astrengig esch ned z‘onderschätze. Au wörd ech en Woche-Kurs (inre Schuelferie) emne 1 x wöchentliche Kurs vorzieh. Es esch intensiver und - wenn mer wott Abzeiche mache - eifacher, als jedi Woche weder mösse dri z‘cho.

Snuggles · 21. 05. 2019, 21:38

Mini chli hets rugele für sich entdeckt😅 lieg mit ihre im bett und statt schlafe rugelet sie im züg ume😅😅 au wenni stolz bin, hoffentlich schlaft sie bald i😴😴😴

Mary Lou · 21. 05. 2019, 22:33

@regiBi üs isch d‘Aazahl vo dä Chind äxtra chli ghaltä u am Aafang machä si „Wassergwöhnig“ u si nämes locker.
I würd mal luegä wieviel Chind pro Kursleiter si u wes viel si, de würdi villecht no äs Jahr wartä.
Üsi Kursleiterin hett gseit äs gäb Ort wo si bis zu 15 Chind pro Kursleiter hei, bi üs nämä si numä 4.
Drum hani ou äs guets Gfüehl...

Ängeli · 21. 05. 2019, 22:37

@ALOHA: sanagate

SWISSMOM-PARTY 🤩

Kommentare

Hey & Hallo im Forum!

Quick-Links

Kategorien

Alles zu Schwangerschaft, Geburt & Baby

Triff Mamas und Papas in:

Verpasse keine Neuigkeiten:

Entdecke unsere Aktionen: