April 2020 Babys 🥰

Hoi Zämme, ich bin i de 5. Wuche - gits öpert wo au scho so früeh i dem Forum stöberet 😃🙈?
«13

Kommentare

  • ja bin au scho paar tag am läse 😁 und ha mi grad gfreut, dass es ez e april 2020 baby nachricht geh hed, zum antworte 🥰bin au ide 5. ssw
  • hesch scho en fa termin abgmacht?
  • Wirde gad wehmüetig vorem ne jahr bini o gad früsch schwanger gsie🥰🥰🥰u iz isch mi babyboy 4 monet alt u im april we eui schätzis chöme scho 1 jahr alt😍
  • gänseblümchen han gnau s gliche welle schriebe, erst no sind mir id April 2019 gruppe...🙈😍
  • Ja säget nüt 🙈. Ha s‘Gfühl heig ersch grad de SS-Test ir Hand gha 😳
  • Dasselbe hier 🙋🏻‍♀️Ha gad zruggdenkt wie‘s bi eus vor emene jahr gsi isch woni d‘Gruppe gseh ha. Und etz wird min chline bueb morn scho 4 mönet!
    Wo isch nume die Ziit blibe?
  • @Rafa ja hend am 23. August de ersti Termin. Und ihr? Wie gsehts mit erste Symptom us :-)?
  • Hey zämmä
    Auch ich bi i dä 5.tä Wuchä und freu mi total... bi üs isch es noch zwei Abgäng dä dritte Versuäch.
    Wiä gohts eu?
  • Hoi @Alexa sehr schön 🥰 bi eus hets chli länger brucht bis klappet het... sind jetzt mega happy, aber natürli irgendwie au na vorsichtig. Hesch jetzt anderi Azeiche oder na gar nüt?
  • Hey @MiPa20I bi au einerseits voller Vorfreude und andererseits Angst, das öpis nöd chönd guät si. I glaub do muä i jetzt einfach durch.
    Im Moment tüänd mir vorallem Brüst weh süss nünt. Und du? Merksch scho öppis? Isch es dis erste Kind?
  • @Alexa ja das glaubi dir, gaht mir ned anderst, isch ned so e eifachi Gschicht gsi mitm schwanger werde...wenn hesch den din erste Untersuech? Ja bi mir sinds aktuell au ned meh Symptom. Genau, isch euses erste 🧸 bi dir au?
  • @MiPa20 i dörf scho nächste Mittwuch zum erste Termin. 😇 aber eigentlich gset mer den mi fast nünt. I Bruch einfach ä Bestätigung, dass alles ok isch. I ha zum Teil uuu schwieigi Moment wo i wahnsinnig Angst ha.
    Jo es isch üsäs erste Baby.
    Vo wo bisch du? Wiä alt bisch ?
  • @Alexa den drucki eu ganz fest de duume dass alles guet isch! Würd mich freue wenni das vo dir ghöre 😊Mir wohned i de nächi vo Frauenfeld und ich bin 27 Jahr alt. Du?
  • @MiPa20 😀 klar... muä doch den Mini Freud teilä 🙊🙉Ich wohnä im appezellerland und bi bald 35 gi.
  • @Alexa das isch ja gar ned so wiit weg ☺️ ja umbedingt 👍🏻🍀😊 bin gspannt wenn wiiteri Symptom dezue chömed..!
  • ich ha de erst termin am 15.8. ich ha mega brustspanne, zwüscheddure unterlibsschmerze und übelkeit. müed bini au oft, aber ich han ebe scho en 2 jährige bueb und chume drum nöd so zur ruhe. ischs eues erste? ich wünsch eu alles gueti und immer positiv denke 💕
  • @Rafa oh ja das glaubi, da hend mir sicher meh erholig 🙂 vo welere region bisch den du? Ja es isch s erste. Danke viel mal, das wünschi dir au.
  • Hallo Raffa den gohts üs alli öppä glich 😀😀😀 bi mir isch es serstä. Vo wo bisch du?

    I hett ä andere frog: kiägäd ihr push nochrichtä vo däm App?
  • ich bin us züri. nei überchume kei nachrichte. drum gahts mengisch au so lang bis ich zrugschriebe🙈 wünsch euch en wunderschöne tag ☀️
  • Ich au ned, aber das isch au besser so, wet ned dass plötzlich e push nachricht ufm Bildschirm uftaucht und öber gsehts den 🙈😅 danke das wünschi eu au ☀️😊
  • Hallo ihr liebe vilicht ghôri au zu de April Babys aber leider muessi no warte ha gad mol de Eisprung gha 🙏🙏🙏 Es wer puures Glück bi eus wenns natürlich wür go wel 1. ICSI gsi isch also heisst abwarte und duume drucke🥴🙏🙏
  • @Minifee ✊🏻✊🏻✊🏻🍀🍀🍀
  • @Minifee i druck dir ganz fest Dümä!
  • Danke Eu 🙏🥰
  • ich druck dier au ganz fest de dume 👏🏻
  • ich weiss ab nägst wuche au öbi im april2020club debi bin🙈🤞🏻
  • @Nimeria✊;🏻✊🏻✊🏻
  • .. 🙏🙏🙏
  • ✊🏻✊🏻✊🏻
  • Hallo ihr lieben
    Ich durfte heute zum Arzt. Obwohl es eigentlich noch sehr früh ist 5+5.
    Aber stellt euch vor, ich habe das Herz schon schlagen gesehen. Ich bin total verliebt 🥰! Wann dürft ihr zum Arzt?
  • 🥰 so schön. ich gehe am 15.8
  • Das freut mich für dich, ich muss leider no bis am 23.08. warte 🙈 defür sotts den scho mitti 8 SSW sii 🥰 sitm ziistig het mi d Übelkeit jetzt au im griff 😖 scho müehsam, aber bin seehr froh das es ohni erbreche isch (ämel bis jetzt) 😅
  • @MiPa20 mühsam isch es würkli, uf di ander Sitä, isch äs ä guäts Zeichä das alles ok isch! Und das zellt doch viel me 😀
  • Ja das isch so, min Maa het au freud a minere Übelkeit 😄😉
  • Hallo ihr Liebe : )
    Ghöre ab sofort au dezue.🤗 Esch für mich ab höt erscht ganz offiziell. Serschte Mol öperem verzellt, well mini Fröndin het mi diräkt gfroget. Und mer grad de Chat empfohle. 🙈🤭😁 Mi Maa weisses noni. Warte nochli uf de passend Momänt. Be afangs 5. Woche, usem Aargau und 35.
    Bi eus esches szweite Chind.

    Und Alexa cha der guet nochfühle. Ha vor oisem Meitli zweimol verlore. Ned eifach...und doch esch plötzli alles guet cho.

  • Willkkomme bi eus @Blüemli7 😊 und herzlichi Gratulation zum Nachwuchs, freut mich das jetzt alles guet cho isch! Wie gahts dir so mit de Schwangerschaftsbeschwerde? Hend dich die bi dinere fründin g‘outet 😉?
  • Herzlich willkommen @Blüemli7Es tuät guät zghörä, dass es andere au so gangä isch und schlussendlich guät cho isch.
    Wiä gohts dir? Vo wo bisch?
  • Jeehh han hüt au derfe positiv teste🥰🥰🥰
  • @Nimeria herzlichi Gratulation! Isch es s erste chind? Vo wo bisch du?
  • also ich bin frisch 24i worde, chume fu winterthur und s isch üses 2. Chind.
    Hend na e Tochter wo 20 Mönet alt isch. Bi üs dihei laufts mit ere😅 isch en chline Wirbelwind❣️ freued üs uf de 2. Wirbelwind😄und du @MiPa20?
    ja mir isch sit 2/3 Täg scho chli Flau - was ich fu de Tochter gar ned kenne😅 aber was me ned alles uf sich nimmt😛
  • Oh schön 🥰 ich wohne i de nächi vo Frauenfeld und bin 27gi, es isch s erste chind. Puuh ja bi mir hets au die wuche agfange und mich leit die Übelkeit recht lahm...belastet de Alltag scho recht 😖 janu, chamer ned ändere 🤷🏼‍♀️
  • Hoi zäme
    Be au weder mol dinne 😊
    Danke euch.
    Bi miner Kollegin het mich min Smile ufem Gsicht verrote 😄

    Ich bin vom Aargau bi Lenzburg.

    Es goht zum Glück guet.
    Ab und zue chli gnervt 🤪 und eifach bitz e flaue Mage.
    Sosch sowiit guet.

    Has jetz mim Schatz au no gseit und er her glaub chli Bammel aber au Freud.

    Hlt Morge grad no FA Termin gmacht. Juhui

    Nimeria mer händ dehei ebe au so en 1. Wirbelwind wo am 1. 9. 2 werd. 😊


    Wie gohts euch so?
    Was gits neus??
  • @Blüemli7 chani mer genau vorstelle mitm smile😅bi üs ischs zimli glich... chli flau, chli schwndel und ganz viel luune😅han hüt au de termin gmacht bim gyni... isch aber erst am 4.9.🙈🙈
  • 😊😊😊
    Gnüssemers! Solang nüt überwiegt!
  • Wer hätte eigentlich schon einen Arzttermin?
  • ich han letscht wuche eine gha und am fritig mömmer nomal gah und genetik bespreche. wahrschinli wele ersttrimestrige-test mir möchted mache... wenn hesch du de nögst?
  • I Gang nächste zischtig zum erstä offizielle ss-untersuch 😀😀 freu mi scho

    I chum leider no gar nöd drus. Was für ä Genetik Besprechung? Welli Test stand den zur Wahl?
  • es git en bluettest wo zeme mit ultraschall untersüech ussagekräftig usch oder aber en bluettest wo krankekasse nöd zahlt, ussert bi risiko ss. das sind nicht invasivi tests. denn natürli die invasive... wird dier denn de frauenarzt alles sege 😁👌
  • Ach so...
    i ha denkt das muä i mir erst imänä Monät überlege.
    I freu mi so wahnsinnig uf diä Reis 😀
  • Mir hend nächst wuche am Friitig de erst Untersuech, sind scho wahnsinnig gspannt und freued eus druf 🥰
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum