Startseite› Entwicklung und Erziehung

Frühchen Erfahrung

crazymumcrazymum

4
bearbeitet 27. 08. 2019, 10:33 in Entwicklung und Erziehung
Het öber vo euch au e Früechi?
Wie hend ihr serste johr erlebt?
Wie stönd euchi in de entwicklig?

Kommentare

  • Minifee Minifee

    207
    Was isch bi der es Frühchen? I han eis 5 Wuche und jo er isch i de Entwicklig hinde noche aber i mache mer so nid viel Gedanke de i zwei Johr wird me das nid merke😉🤷‍♀️
  • Luna85Luna85

    0
    I ha es früahchen, si ist 10wucha (also bi 30 2) zfrüa cho und jetzt gad letscht fritig 1johr alt worda. Si isch bis öba 8mönet chli hinde dri gsi aber sit do het si de "knopf" ufgmacht und sehr viel ufgholt. Händ gad gester johreskontrolla ka und da kia isch mega zfrieda, meh merkt also chum das si 10wucha zfrüah cho isch. Aber i han mir au nia zviel gedanka drüber gmacht, jedes bebe bruch sini zit, egal öb früahchen od nit.
    Dörfi froga wia alt dis de isch und wia viel zfrüa das es cho isch?
  • crazymumcrazymum

    4
    Min chleine isch in de 28 3 zfüeh cho also 3 monat jetzt ischer au scho 9 monat alt
    Aber er ka noni elei sitze und au noni krabble in wellem alter het das euches baby gmacht
  • Luna85Luna85

    0
    Also sitza öba mit 8einhalb mönet und de mit 10ehalb mönet het si afanga krabble, mua aber dezua ane sega das mir ab jan bis afang juli id physio sind und i denka das het ihra no recht gholfa.
  • TheaThea

    4
    Mini isch 5 Wuche z früeh cho und bis jetzt merkt mer ihre gar nüt ah. Sie wird ez denn 6 Mönet und chan so zimli alles, was so ide „Norm“ isch. Aber lah di nöd verruckt mache. Jedes Chind isch einzigartig und au Reifchen chönd hindedrii sii. Min Brüeder isch bi SSW 41 gebore und hät bis 3/3.5 Jahr keis Wort gseit. Hüt isch alles i.O. 👍🏼🤗
  • crazymumcrazymum

    4
    Lustig isch das de klei sich ufziehe ka und stoht wenner sich hebe ka
    Mir gönd sit geburt ind physio ich weiss nur nit ob das wirklich was bringt si zeige einem immer nur sache wome sowiso macht ha denkt evtl het öber no anderi idee
  • Luna85Luna85

    0
    I han am afang au so denkt ka wegs da physio, aber mini het eifach ihri zit brucht und jetzt cha si kum no ruhig hocka, isch immer in bewegig. Gib dim chlina eifach no chli zit, und eifach immer dihai chli dia üabiga macha wo si dir zeiged. Das wird alles no cho. Bi eus isch de alles uf zmol cho, krabble, de e wucha spöter sich überall ufziah und ade möbeli entlang laufa. De gad au no 5zähnli mitenand cho. Also wirkli alles chli ufzmol. 😉
  • crazymumcrazymum

    4
    Morn hemer wieder Physio er het in de letschte 2 wuche mega gümp gmacht bi mol gspannt was si meint.
    Jedes kind isch unterschiedlich und au in de entwicklig das hani jo mit mine andere kinder vergliche könne aber es isch scho so lang her sit em letschte mol😄 und die andere kinder sind alli termingebore gsi
    Bim kleine jetzt isch halt scho andersch er isch 3 monat zfrühe gsi und het in de erst 4 monat 2 operatione ka das isch jetzt au neu für mi😊
  • Luna85Luna85

    0
    Jo das glaubi. Für mi ischs au neu gsi, mini gross isch pünklich zum et cho. Vorallem dia ersti zit isch ganz schlimm gsi. Aber jetzt sind mer ufnem guata weg. I han eifach mängmol no chli angst, das si evtl spöter mol chli müah chönt ha, dass isch eher das woni mir ab und zua gedanke macha.
  • Minifee Minifee

    207
    Also mine isch 9mt und macht no nix weder frei sitze chrable stoh🤷‍♀️ drum segi jedes chind isch andersch i de Entwicklig☺️
  • crazymumcrazymum

    4
    Wie alt isch denn dini grossi?
    Zu wit use möchti mir no gar keini gedanke mache sunst kanni nüm schlofe😄
  • Luna85Luna85

    0
    Mini gross isch afang august 3johr alt worda.
  • crazymumcrazymum

    4
    Ah schön
    Und het si sehr freut ab de kleine schwöster?
  • Luna85Luna85

    0
    Jo si wot si am liabsta da ganzi tag knuddla.
  • crazymumcrazymum

    4
    Mini strite amigs wer jetzt darf denn muessen go rette 😂 aber lieber so als wenn si iversüchtig sind
  • Luna85Luna85

    0
    Jo han am afang au chli schiss devor ka, wegs ifersüchtig si, aber zum glück het mini grossi sehr guat uf di chlini reagiert ka. 😊
  • PinnyPinny

    249
    Mini twins sind im 6.monet cho 🤷🏻‍♀️und sie sind vo de entwicklig her genau glich wie glichaltrigi 😅nur d grössi ☺️sie sind mega chlii 2jährig und nume 9kg und knapp 80cm
  • crazymumcrazymum

    4
    @Pinny find das immer schön wenns so chleini knöpf schaffe isch schp e wunder was si hüt zu tag alles könne mache.
    Darfi froge wie gross und schwer das si bider gerburt gsi sin?

  • PinnyPinny

    249
    @crazymum ja sie sind es chliises wunder...sind eineiig siamesischi (bide geburt trennt worde - darum au so früeh per Not KS gholt)
    500 und 800g...und grössi isch sowiit ich mich erinnere 35cm oder so gsi?? Uf all fäll hends puppe kleider möse träge 🤣
  • Luna85Luna85

    0
    @Pinny oh wow, de händs grad recht en schwieriga start ka.
  • crazymumcrazymum

    4
    Ou das isch sicher au e stänigs bibbere gsi oder nit?
    Mine isch au 38cm gsi und 980gr
    Und het au 2× operiert wärde müesse in de erst 4 monat. Es isch eifach e wunder wie sie die kleine gschöpfli dure bringe no vor e paar joor isch das unvorstellbar gsi.
    Bi so dankbar all dene uf de Neonatologie!
    Pinny
Hey! Melde dich an oder registriere dich, um mitzureden.