Weinendes Baby im Auto

renireni

2

bearbeitet 5. 09. 2019, 11:27 in Tragen und Fahren
Hallo liebe Mamis

Ich bin seit 3 Monaten stolze Mami eines Mädchens 🥰 welches jedoch überhaupt nicht gerne alleine hinten im Auto sitzt.

Wir erledigen zur Zeit alles machbare zu Fuss oder warten auf Papa weil Mami hinten sitzen muss 🙄

Gings jemandem auch so? Kann man was tun oder muss man es hinnehmen? Wirds besser wenn sie dann vorwärts fahren? 🤔
«1

Kommentare

  • Hoi. Und was isch wen z maxi ufe bifahrer duesch? Weisch so das si nid ganz allei isch. (Ps: des währ ou erloubt 😉)
  • @Stöpseli ja das hani o überleit. Es wär ja aber glaub scho sicherer wenn sie hine bliebt. Und jetz hani irgendwo no gläse dass es autos git wo mä dä bifahrer-airbag nit chann usschalte. Bi üsem wers ä sonderusstattig, dä vorbsitzer hät aber o kind gha, hoffe dr hät das mache lah 😅
  • Mues h luege des teil söt gloubs wen d bifahrer tür offe hesch, bim armature brät si. Süsch mau bir garage ga nache frage 😊. Würd nech äuä so fiu erliechtere 😉
  • @Stöpseli ja stimmt. Süsch muss halt wieder es neus auto her 🤪 dank dr für dini uskunft 🙂
  • Ich kenne das nur zu guet mitem brüelende baby hinne im Auto 😖 bi eus e zwei Autos chamer de Bifahrerairbag ned usschalte😓
    Mittlerweile isch üsi 6 Monet und es gahd scho viel besser 👍 sie gsehd auch chli meh use😉
    gibe ihre Spielzüg, de Nuggi und versuech längeri Strecke (über 30 Minute) denn z fahre, wenn sie Schlafensziite hed. So klappts meistens ziemlich guet. Aber bi üsere chlii ligts sowieso am Maxicosi wosi ned gern lang drinne isch. 🙄
  • @Tanja87 i weiss es äbe noni ob mäs bi üsem familie auto chann usschalte 😬 hoffes scho 🙏
    Ja si isch halt erst 3 mönet, spielzüg cha si noni so guet grife und dä nuggi verlürt si au schnell 😅 och 🙄
    Si isch aber gern im maxicosi, göhnd au immer go spaziere mit dem (halt mehrmals defür nit zlang) weil si i dä wanne nit gern isch, gseht ja denn nur himmel 🙄🤣
    Aber demfall wirds mit dä ziit besser... das isch doch schomal was 🥳
  • Ich han üsere ame de Nuggi mitemne Nuscheli vore dure "abunde". Natürlich chli locker😉 denn hed sie ne recht guet drinn bhaltet. Bis zu dem Ziit Punkt, wosi s Nuscheli hed chönne wegzieh😂😂
    Was hender denn für es Auto?
  • @Tanja87 😂😂😂 mir händ üs echt au scho überleit dä nuggi azbinde, händs denn aber doch nie durezoge 🙈 ah äbe, du häsch doch wege dim Jeep gfröget gha... uf grund vo dem bini go google ob mä bi üsem bmw x1 chan usschalte. Han den irgendwo ineme forum gläse das mäs als sonderusstatig het sölle awähle bim bstelle. Hoff dä vorbsitzer hät das gmacht gha 🙏🤷‍♀️
  • bi üs het das e chli gholfe. so het si mi amigs glich no biz im rückspiegel gseh ;)
  • @Lorina so öpis händ mir... aber i globe nit das die chli das scho rafft, gseht ja i dem spiegel nur dä rückspiegel mit 2 auge 🤷‍♀️
  • 8 mönet so gange. Ned mal eber hinde hocke het ebis bracht.
    Mer hend de met 8 mönet ufe maxi cosi reboarder gwechslet und nach vore luegend (jajajaj me sel möglichst lang nach hinte)
    Und sit dem hemmer meistens rueh. Langi fahrte glnd aber nume met youtube
  • @fuchs jajaja mä sött mä sött 🙄 i han si au scho wärend dä fahrt usegnoh und ad brust weil sie so gschraue hät 🙈 aber das isch gsi "wo si nochli gsi isch" und nitmal dä nuggi hät wölle 🙄
    Es hoch ufd technik 🥳😂
  • Hesch ihre e Spiegu agmacht dass si di gseht?
  • @reni javoll bin die wo Krise gschobe gha hed mitem Jeep 😂🤦‍♀️
    Ah soo denn hoffi für euch das en chasch deaktiviere 👍
    Spiegel hed bi eus au nur de Zweck erfüllt das ich sie gseh🙄
    Was vlt mal chöntsch probiere, das hani aber nie gmacht, beruhigend Musik laufe la?
  • Eusi het bes jährig eigendli immer brüeled 🤷🏽‍♀️ nüüüüt het gnüzt.
    Use nä oder geg füre luege esch für eus def. kei Option xi.
    Allzulangi strecki vermide vil Pause, und susch Augen zu und durch.

    Sie esch jez knapp 3 und es klapped super.
  • Ach ja, das brüellete. I nimm min chline au immer führe. Meistens gibi em de Nuggi, es Tierli und mengmol hilft au nix und i mue em chli dhand hebe! Ja i weiss isch nöd so guet bim fahre aber ebe suss hani au e mega geschrei;)weni em shändli hebe beruhigt er sich und pfust au amel i.
    Momentsm schreit min chline immer wener hine im Maxi Cosi sitzt und min Ma nebet em isch:( i weiss au nöd wieter.
  • @Sunshinemom ja spiegel hämer, aber dä isch glaub meh das ich sie gsehne als umgekehrt 🤷‍♀️
  • @Tanja87 musik lauft immer...chönnt aber mol probiere so spieluhr musik laufe lo 🤔
  • @LoSo ohje 🙈 i fahr so nienä hi mit ihre allei. Sie fangt richtig a schreie, chunnt en rote chopf über und verschluckt sich au... auge zu und durch unmöglich 😰
  • @MiKa ja mami isch halt mami 🥰 süsch nimmsch s chline führe und dä papi muss hindere 🤷‍♀️😂 bi mir isch si au nur ruhig wenni hinde bi mit ihre und s händli hebe oder s bäckli streichle... hoff cha si führe neh, denn würs glaub klappe. Mir händ en automat, also goht da mitm händli hebe guet. Und ja meistens schloft si denn eh i 😴😇
  • @reni ja wörklich, mir händ ebe au en automat drum gohts so guet🤗😅 aber ebe bim papi goht nix me de hät scho paarmol hine allei müsse sitze😂
  • @MiKa ja dä papi brüellt wenigstens nit 😂
  • @reni 😂😂 ja da wärs no😅
  • Im Momänt scho, aber das änderet sich scho gli. 😊
  • Also han hüt glueged... chan dä bifahrer-airbag nit usschalte 😭 bruch es neus auto 😅🤦‍♀️
  • @reni die einte Auto chash nahrüste wegem Airbag usschalte, mir hend au äs auto wos nöd gaht, könntets aber für relativs chlises geld nahrüste
  • @lyamatra scho? Mussi mal go fröge. Ihr händs demfall anderst chönne löse? 🤔
  • mir hend glück das eusi nöd brüelled im auto, aber han ebä ä blöde pfoste und mues so chli kompliziert i und uslade, dewege hani de maxicosi welä füräneh, aber für die paar mönät machemers nöd
  • @lyamatra ach so 🙄 Jo i wart au no bitz, viellicht findet sie sich doch no dämit ab 😅
  • @reni ich ha gester wieder mal s vergnüege gha mitem brüelende Chind ufem Rücksitz🤦‍♀️ und de isch natürlich no Stau gsi 😩😩
  • @Tanja87 oh neeei 😞 wie alt isch den dis kindli? I die situation möcht ich nit cho, drum sind mir nur z fuess unterwägs 🙈😅
  • Sie isch 6,5 Monet😊 hed eifach kei lust meh gha im Maxicosi... Hed sie mengisch🤷‍♀️😔
  • @Tanja87 ja das isch ja au no ganz es chlises chnöpfli 🥰 hoff s wird besser wenns denn vorwärts fahred 🙏
  • Han mal ghört, mer sell es lachends Bild vo sich (Mami oder Mami und Papi) im Auto ufhänke, so dass die chline es gsähnd. Mer hends nie gmacht, aber vellecht hilfts? 🤷
    Üsi esch so mit 3 Mönet au ned gern Auto gfahre. So mit 6 Mönet esch den weder besser gange. Vorallem beni emmer den abgfahre, so sie müed gsi esch und gschlafe het. Jetzt wo sie fast Jährig esch, fendet sie Autofahre weder weniger cool. Also hani jetzt ahgfange Chinderlieder bin fahre lose. So klappt weder besser 😊
  • @mischmiisch gseht sicher no recht bescheuert us so es grinsends mami ane z hänke aber i probier da echt mal 🤣
  • Bi min Sohn hend Chinderliedli Wunder gwürkt. Wie en an aus Knopf. Han es Video womers gseht. Musig aus, Chind schreit, Musig a, Chind isch ruhig. 😂
  • @Avenira 😂 härzig. Häsch mir es biespiel voneme liedli? Damit weiss i welli richtig das es goht 😅

  • Mer loset fast alli Lieder vo dem Youtube-Kanal. Send eifach alli Hochdütsch. Han paar Lieder abeglade und uf mini SD Charte do, woni im Auto chan istecke. D'Larina esch scho fast Jährig.. mit de Liedli chömmer inzwöscge guet 45 Minute ohni Gebrüell Autofahre. Weiss halt ned öp dini chli Muus d'Musig au scho so wahr nehmt wie mini.
  • Ah, und was mer na z'Sinn chund. Mer hend en Spielzüg Holzring ahnere Nuggichetti ahgmacht. Und am Gurt von Maxi Cosi befestigt. So het sie das Ringli ned chönne verlure.
    Im Müller oder vo O-Ball gehts au so Rasselchettene, die chammer im Auto obe ah dem Ding ah mache. Also das Ding (Bügel) obe am Fenster, kei ahnig wie mer dem seit 😂
  • @mischmiisch merci i probieres mol mit dä musig, wobi i befürchte das mini Jana no z chli isch...
    Ja jetz wos seisch, han so ä ä rasselchetti woni im dondolo ufghenkt ha. Döt isch so es chäferli druf, di chli grinst das immer minutelang ah und brablet mängisch öpis mitm chäfer 😂🥰 das chönnti in maxicosi tue 🤔💡 danke viel mal, so en ring bsorgi au no... han es guets gfühl 💪😁
  • @reni i gwüsse situatione chömmet mer alligs die eifachste lösige ned in senn. Darom eifach alles usprobiere 😅
    Falls per Zuefall usem Aargau chunsch, hättet no so Ringli 😉
  • @mischmiisch ja isch so 😂 han grad dihei dä youtube kanal laufe la... mami hät meh freud, di chli interessiert noni so 🙈 sind usm thurgau, wär chli wiit wegem ringli... vor allem äbe, autofahre chömmer noni so 🙈😅 merci trotzdem 🤗
  • @reni also ich glaub du häsch es zicke baby😂 mini 12wuchig heisst au Jana und isch eh Zicke ussert bim autofahre det isch sie lieb🥰
  • @lyamatra Hihi, sooo en schöne name 😁😍🤭 mini isch 14 wuche und ja si isch nit nur ä zicke, ä richtigi diva 🙄😅 alli uf dä wuchebett-station händ sie kennt weil sie di lütischt gsi isch 🙈😅
  • Wie die alt Fasnacht chum jetzt auno ich dezue 🤪Ha obe jetzt ehrlichgseit no nüt dure gläse, villicht bini ja die 100 wo s gliche seit. Oder d Lösig isch scho da.. aber egal:

    Ja mir hend au immer hinne ghocket am afang, nachher bini aber au füre. Weni elei gsi bi hane füre gno.
    Leider isch das mitem brüele ned besser worde. Es isch de horror gsi.
    D Lösig isch aber sehr eifach gsi.

    Sind ane Reaborderberatig vode Zwergperte gange. D Autotür uf und sie het nur de Chopf gschüttlet. De Sitz het so gar ned i üses Auto passt. Er isch viiiel z steil gsi. Aber mir hend das ja ned chönne wüsse 🤷🏼‍♀️ de Arm het au Schmärze gha und somit gschraue wie am Spiess 😔Hend de neu Sitz grad mitgno und de isch vo Tag zu Tag besser gange. Er het det au hindere gluegt.
    Er liebt sin Sitz hüt no. Mööget nur öpis im Züg une wenns ihm langwilig isch, suscht isch rueh.

    Würd dir en Beratig empfähle bide Zwergperte. Es lohnt sich so fescht und git wieder Lebensqualität zrugg ❤️🍀
  • @Tessi oh wow 😯 gnau so wenig wie dass es die alti Fasnacht git, hani gwüsst das es Zwerperte git 😳 das chönnt echt no si das dä Sitz au zu steil isch, weil d Isofixstation isch nit grad ufm Sitz 😬
    Wobi wenn ich mit ihre hinte höckle, denn gahts guet 🤷‍♀️ sind aber au noni länger als 40min unterwägs gsi 🤔 i kontaktier mal dä nächsti Zwergperte, danke dir 🤗
  • Mer hend euse au vo de zwergperte :-)
  • Ich han au scho viel bi Maxicosi ghört das Kind ned so gern Autofahred. Mal e anderi Marke usprobiere lohnt sich. Vilicht kensch ja öper wod mal eine es paar mal chasch usprobiere.
  • 2f7dc150-d49f-11e9-84fb-af88331f6303.jpeg so Chinderliedli het min Sohn gliebt.
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum