Wie bereitet ihr Babybrei zu?

Hallo liebi mamis
Mir freued üs scho uf die erst erfahrig mit brei 😋 bald ischs so wiit. Han wölle wüsse, wie ihr dä zuebereitet. Händer en speziells grät defür woner chönnd empfehle... oder eifach old school koche und püriere?

Kommentare

  • Mer hend de Dampfgarer vo Philips Avent. Dä cha dämpfe ond mixe i eim, mer send sehr zfrede demet.
  • Huii jeah🍎🍌🥔🥕
    Also ich mach en old-school messig mitem Pürierstab 😏
    Es git Ja für alles immer seperati Grät... Aber bin dert dure vlt echli altmodisch und gibe s Geld lieber anders us😉

  • Wo ich no kei steamer gha ha hanis au mitem avent breichocher gmacht. Ez bim 2. kind machis im steamer und dues na mixe.
    De avent isch ned schlecht. Hesch eifacht ewigs wenn mal chli uf vorrat wetsch mache.
  • Z‘ersch im Dampfkochtopf u när no im Nutribullet zum „püriere“
  • Oldschool🙈
  • Hie ou Oldschool, zerst choche und den mit em mixer püriere 😊
  • Äbe sones grät bruchts gar nit 🤔 Oder was macht so en breikocher anderst? 🤔 @TiMay @Copamai
  • au oldschool🤩 dämpfe & püriere..
  • Mer hends ursprünglech kauft well mer id Ferie send (Hotelzimmer) ond so ke Möglechkäit gha hend de Brei sälber z choche. Fertiggläsli send för üs ke Option gsi. Well s Grät so praktisch gsi esch hemmers denn dehäi grad wieter brucht😊
  • @reni nei das isch ned es must have. Praktisch isch halt das s gmüess chasch ine due, dämpfe, denn de topf cheere ond de püriere. Osch praktisch. Aber ebe, wenn mal chli uf vorrat wetsch brei mache, de bisch ewigs dra.
  • För mich gads ez vell schneller wenn s gmües schnell chasch i steamer ine due ond de mixe ond fertig.
  • Ich hans au mitm Dampfgarer vo Avent gmacht. Ech chan söscht ned guet choche, so beni mer chli sicherer gsi bi dere sach 😅
    Als tipp für d'iführig vom brei: ech han am ahfang die einzelne gmüessorte in iswörfelbehalter igfrore und den i so gfrürsäckli do. Den hani chönne sovell use näh, wie sie grad gesse het. Am ahfang het ein sone iswürfel glänget. Nach und nach hani eine meh chönne näh, den mal eine pastinake, eine süesskartoffel und han so chönne mische. 😊
  • @mischmiisch wie hesch denn die ufwärmt?
  • Wänn fanget de ir all ah mitm Brei? Nimmt mi Wunder....hets Azeiche bi üchne Chind schu geh?
  • Azeiche unteranderem;

    Chan met wenig hilf sälber sitze,
    nimmt s ässä sälber id Hand und is Muul
  • @jara meistens hanis ines schäleli doh und im wasserbad erwärmt. Oder mikrowelle, da teilet sich aber d'meinige.
  • @Maryon üsi hed immer em Besteck nah gluegt wenn mier gesse hend. Und denn afange s Müüli uf mache wenn mer mitemne Löffel here isch.
    Chum hani mini Brei Produktion gstartet hed sies de aber irgendwie nümm so toll gfunde😏 oder mini kochkünst😁 wie au immer nach immer wieder neue probier Aktione isch sie etzt sowiit ( inere Wuche wird sie 7 Monet) das sie alles vom Tisch möcht esse. 🤷‍♀️
  • @Tanja87 also mit 7 moenet het sie erst Brei agfange esse korrekt ? Aber hets etz besser gfunde vum tisch und du machsch kei brei odr au i dr Kombi ? ☺
  • Nenei sie hed mit 5,5 Monet täglich Brei becho, aber hed ned immer gesse. Und vom Tisch wür sie glaub alles mampfe 🙄 aber gibe ihre natürlich ned alles. Nur scho weg de Verdauig....
    Brei bechund sie gliich👍
    Z Nüni/ z Mittag Brei, z Vieri/ z Nacht Brei. Nimmt ebe meistens ned alles uf s mal und drum teils denn amig uf. Oder denn bim z Mittag no öbbis wenigs vom Tisch. Je nach dem wasi koche☺️
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum