Geplanter Kaiserschnitt? Erfahrungsberichte?

MelisaMelisa

25

bearbeitet 11. 09. 2019, 08:06 in Schwangerschaft
mini liebe ich muess en kaiserschnitt mache da min chline sich ned dreit het .. bide tochter hani en spontangeburt ka und isch super gsnge..

han jetzt recht angst vom ksiserschnitt, wott chli wüsse wie isch es bi euch ksi? hender stsrchi schmerze ka? wie lang sinder im spital bliebe ect 🙏

Kommentare

  • muesch kei Angst ha 🙂 merksch nüt vom ks d Schmerze sind bi jedere Anders ich han fast kei gha am morge ks am obe scho die erste schrittli gloffe .. mir händs gseit säg eifach wichtig das meh allei laufe chan zum heigoh🙂 also ich han de planti ks schöner gfunde wie de ileitigs marathon bi de erst Geburt 🙂
  • @sArA91

    oh das freut mich zkhöre.. Ja bini mal gspannt und los uf mich lo zuecho
    danke dire
  • Also ich hane au problemlos gfunde. Ben 5 tag bliibe, aber das freiwillig, wel mer so schön bedient worde esch em spital :-)
    Seinzige wasi schlimm gfubde han send dnachwehe gsi
  • ah ich han am Mittwuch ks gha und am Samstig morge bini hei 🙂
  • Ech ha au en plante Kaiserschnitt gha. Mini Zwilling send bi 37+4 gholt worde, well de füehrendi Zwilling Beckeendlag gsi esch. Ech has trotz em KS en sehr schöni Gebort gha. Eigentlech wär de KS no 1 Tag früehner gsi, aber s‘Spital hed mer de aglüte, öbs au i.O. wär, e Tag spöter. Sie heigid so vell gynäkolog. OP‘s & hätted am andere Tag vell meh Ziit.
    Han i öbrigens no toll gfonde 😉

    Mer send am Morge ganz gmüetlech ufe, sie hend mer d‘Infusion gsteckt, probiert es EEG zmache, Katheter gleit, i OP go PDA stäche & am 10.04 & 10.05 send üsi Schätzis do gsi.

    Klar, en KS esch ned ohni. Ha scho au rächt Schmärze gha nochhär. Aber so oder so: en Geburt tued halt eifach weh. Mer send 6 Täg blobe, aber v.a. wells en Zwillingsgeburt gsi esch & s‘ganze Stille nonig so guet funktioniert hed. Ech has e tolli Geburt gfonde. Wenn ech z.T. Gschichte ghöre vo Kolleginne, was sie teilwiis erläbt hend, ben ech richtig froh gsi öber dä planti KS.
  • Ah ja und du chasch pberigends wünsche dass de Katheter erst nach der pda gleit werd.
    Vo däm han ich nämlich am meiste angst gha 😂
  • I ha vor 7 wuche e plante KS gha, und ha sehr schiss vor auem gha. Aber wo i am morge its spitau bi cho, hei si mer d infusion gmacht, z EKG a gschlosse und den der katheter gleit (wo mir nid het weh gmacht, chlei unagnähm, aber easy) den ha i es medi no becho, und bi de scho i vorbereitigs rum gschobe worde, den ha i d PDA becho, wo i e supper anesdesist ha gha, fasch nüt gspürt. Den isch ou scho mi ma zu mir cho, und si hei mi im ops parat gmacht. Z einzige wo de bim KS wirsch gspüre, isch chlei es zie, und rupfe (des duet nid weh) den isch ou scho üses meiteli da gsi. Den hei si mer se churz zeigt, u si re churz ga windeli a lege u chlei tröchne u scho ha i se its bonding duech becho, wo i ha chönne kuschle 😍. Den wo si mi zue gnäit hei gha, hei si di chlini gno für se z wäge mässe usw. den im ufwachrum wo i mini bei ume ha chönne bewege (ha eifach immer versuecht se z bewege das es schneuer geit) hei si mer se ume pracht. Am abe bi i de scho z erste mau churz uf gstande, und am nechste morge dusche, katheter weg, infusione weg. Und ja, am donnstig isch si uft wäut cho, u am mäntig bi ig hei. D schmerze, ja klahr hesch die, aber mi düechts wen de vo a fanga di iarsch chlemsch(sorry) und ufsteisch und louffisch, de geits fiu schneuer bis de wirder me/richtig chasch mache 😊. I bi zum bistpiu den am zistig när scho z erste mau mit de kind (gross 3 jährig) mit em poschi i nachbars ort 🙈).
    So mi roman isch jetzt fertig. Sorry 🙈🙈🙈
  • Danke eu viel viel mal ♥️♥️

    @Stöpseli oh liebs daaaaanke dir für din roman 😂🙏 hoffendli wirds bi mir au so sie dankeee 😘😘 bin gspannt hihi
  • @Melisa ich has gliche gha. Au BEL..s meiteli hwt sich ab de 27ssw nuem welle dreie. Mini 1 ssw. Ha u Angst gha...Panik und nachher ischs echt u e schoeni schnelli Geburt ksi ohni Komplikatione. Em meiteli gaz super sie isch gsund und het au alles schö ueberstandä. 😁 chents mer nuem anderst vorstelle 😜 d schmerze sind ushaltbar ksi und ett nach 4 Moenet de Buch recht zrugg und au d Wunde super am verheile..mr gseht nuem viel ;-) hebs guät. Mary😘
  • I ha genau vor 1 johr än ks gha. Am morgä en ks und am obig scho is badzimmer go zäh putzä. Am nöchste morgä bini denn au katheter-frei gsi.
    Ha null schmerze gha bis hüt.
    Mach dr ka Sorgä, du bisch im Spitol und es wird dir glueget. Und wenns nöd guet got, denn bliebsch eifach no länger. Kunnt guet!
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum