August Mamis 2014

SaMo22 · 16. 12. 2013, 03:04

Wer wird auch im August Mami.???

Ist mein erstes baby freu mich soo, und würde mich gerne austauschen.

Jessy · 16. 12. 2013, 09:35

Ich wirdä im August zum zweite mal Mami :-)

SaMo22 · 17. 12. 2013, 03:45

Schön freut mich für dich. Ich habe morgen einen Frauenarzttermin bin schon so aufgeregt. Nur leider mag ich es nicht das ich ständig Vaginakuntersuchz werde, weisst du wann es eine normaler Ultraschall wird.?

Jessy · 17. 12. 2013, 15:48

Hmm ich glaub, dass isch bis zur 16 ssw eso. Dr arzt gseht halt mitem vaginalultraschall viel meh

Ragy · 19. 12. 2013, 00:52

Ich werd zum 4 mal Mama

Suenneli4 · 26. 12. 2013, 15:10

Ha grad positiv testet, nach mire Rächnig wärs o im August nache... Ha aber no ke FA Termin gha... Bi ja so ufgragt, wär de z erste...

SaMo22 · 28. 12. 2013, 23:42

Herzlichen Glückwunsch Suenneli4

Drück dir die Daumen das alles super läuft.

didem1983 · 30. 12. 2013, 00:06

Hallo ich wird au im august mami:-) ich freu mich au sehr!!! Han am dienstag die erst kontrolle gseh dän hoffe mis baby:-))

Suenneli4 · 30. 12. 2013, 13:51

Oo, so schön... Gratuliere!! Ha hüt grad dr erst Termin bim FA für nächst Mäntig abgmacht... Bi ja so gspannt was mi/ üs erwartet... Dänke de Morn a di, u bitte schrib de, wis gsi isch...

didem1983 · 30. 12. 2013, 17:18

Hoi sünneli! Ich gratuliere dir ganz herzlich.ja mal luege was morn wird si bi mega neugierig uf mis baby:-)) ich schrieb dänn hihi bis dänn

Artemis83 · 31. 12. 2013, 10:03

Hallo miteinander. Bekomme im August mein 4. Kind☺️

didem1983 · 31. 12. 2013, 15:37

Hoi sünneli! Bi jetzt bim arzt gsi.es säg erscht afang 6.wuche mir händ nüd chöne gseh:-( es säg zu frühe!i 3wuche han i wieder termin:-) hoffe dän gseh ich mis baby

Suenneli4 · 1. 01. 2014, 20:29

@didem1983: Ok... Aber schüsch isch bis itz aus i.O.? Cha dr Mäntig o chum abwarte, bi ja so gspannt... Wi geitsdr so? Hesch scho irgendwelchi Beschwärde?

Suenneli4 · 1. 01. 2014, 20:31

Hallo SaMo22... Wi isch de di 1. Termin gloffe? Aus guet? Gratuliere dir o zu dire SS... :-))

Jessy · 1. 01. 2014, 20:38

Gratuliere euch allne

Ha geschtert no notfallmässig is spital müesse welli plötzli bluetige übercho ha

isch zum glügg aber alles i Ornig! Ha scho z herzli schlah gseh

SaMo22 · 1. 01. 2014, 23:09

Hallo Suenneli4, mein erster Termin war ganz Toll zwar hat man noch nicht viel erkennen können, aber trotzdem war es ein sehr schönes Gefühl. Man hat auch schon sein Herzschlag gesehen. Mein nächster Termin ist auch wieder bald da wird relativ mehr sehen können

Suenneli4 · 2. 01. 2014, 02:02

Finges so schön, au das z läse... Dame ja i dere Aafangszyt schüsch no nid gross Lüt tuet iiweihe, u mä wet doch so gärn z Glücksgfüehl id Wäut use rüefe... Cool, gits so Sitene... Hoffe, cha öich o gli meh verzeue... Bi im Momänt nume geng so ufbläht u ha geng so chli äs Zieh im UL, schüsch merki nid gross öppis...

didem1983 · 2. 01. 2014, 20:51

Hoi sünneli! Du ich han mega apetit ich isse so viel und gmisti sache:-)) han sehr selte übelkeit aber han öffters ziehe wo aber normal säg! Wie gahts dir so häsch beschwerde und so?? Schriebsch wie es gange isch bim artz,bis dan !ach du no nachträglich es guets neus:-)

Suenneli4 · 2. 01. 2014, 22:54

Ig ha o meh Appetit, mues regelmässiger ässe, aus vorhär, am morge hani mängisch chli Übelkeit, erbräche muesi aber nid... Z zieh im Unerlieb uds bläht si isch für mi fasch z unagnämste... Hoffe, s isch alles i.O., bi so gspannt ufe Mäntig...

Suenneli4 · 7. 01. 2014, 00:11

Auso, ha mi erst Termin o düre, s sig aus i.O.ha aber ono chum öppis gseh, bi o ersch ca.ir 6 SSW, ha itz ändi Januar wider Termin... Denn sötte mir de z

didem1983 · 7. 01. 2014, 00:53

Hoi supii freut mi dass alles guet isch:-) aber ich ha mi verkältet bi sogar i spital gange am wuchenend ha fieber kah jetzt gahts mir besser:-)) han au die zweit termin gege endi monat will mer no nüd hät chöne gseh hoffe mis baby zeigt sich dänn:-)))

Suenneli4 · 7. 01. 2014, 07:17

O nei... De bisch itz ume daheim? Ja, de si mir zwo ziemlech glich wit, he?! No gueti Besserig u bis gli...

jerani · 21. 01. 2014, 15:35

SaMo22 und Suenneli4: wie alt seit ihr und von wo kommt ihr? Erwarte mein 1. Kind am 4. September

didem1983 · 21. 01. 2014, 20:33

Hoi sünneli ich han hüt mis baby gseh entli:-)) au herzklopfe es isch so ne schöns gfühl!

didem1983 · 21. 01. 2014, 20:35

Hoi jerani! Ich bin 30 und erwarte auch mein erstes kind am 28.8.14 :-)) wie alt bist du den? Wie lauft den deine schwangerschaft?

jerani · 21. 01. 2014, 20:55

Ich bin 25. Bis jetzt verläuft alles gut, habe den nächsten Termin erst am 25.2. Von wo bist du?

didem1983 · 22. 01. 2014, 14:41

Ich habe meinen dritten termin am 26.2.14:-))
Bin aus rüfenacht das ist bei worb BE
Von wo bist du?

jerani · 22. 01. 2014, 14:52

Schon dein dritter Termin...wow. ich bin aus Zürich

jerani · 22. 01. 2014, 14:52

Bist du eigentlich Türkin?

Suenneli4 · 22. 01. 2014, 22:23

Hoi zäme... Ha hüt scho zum FA müesse, wüui di ganz Zyt am erbräche bi... Ig nime ab u mim Würmli geits trotzdäm guet, bi grad mega happy... S isch itz 16mm gross uds Härzli schlaht wi verruckt :-)) Äs genials Gfüeu... I ha itz am 2.9.14 Termin... Ig säuber bi 29gi u us Thun BE. Mi nächst Termin hani o am 25.2. :-)

didem1983 · 23. 01. 2014, 10:12

Oooo sünneli es dued mir leid wege dim erbreche:-(( aber freu mi dass dim würmli guet gaht mim würmli gahts au ganz guet :-)) bis bald

didem1983 · 23. 01. 2014, 10:13

Hallo jerani ja ich bi türkin:-) ja isch min zweite termin gsi da ich bim erste termin zufrühe gange bi zum artzt und vorgester hät mer chöne endli mis würmli gseh:-))

jerani · 23. 01. 2014, 11:21

Hans doch denkt. Min maa isch ebe türk :-) git demfall sicher au en türkische name für dis würmli. Gäll isch mega schön wen mer zum erste mal das chline ding gseht? Häsch sherz au scho gseh?

didem1983 · 23. 01. 2014, 15:51

Ja scho min ma isch au en türk natürli werdet mir en türkische name geh am kind:-) es isch mega schöns gfühl, mir isch fast träne cho wo ich sbaby gseh han und herzli au köhrt han:-)) wie isch es den bi dir so gsi? Ich bi erst sit 4 monat in bern bi vorher au in züri gsi:/))

jerani · 23. 01. 2014, 16:01

Ja es isch würklich mega schön gsi und ich freu mich au uf min zweite termin, det gsehn ich den sicher scho viel meh. Schad bisch wegzoge vo züri :-(

didem1983 · 23. 01. 2014, 17:54

Ja scho da min ma selbständig isch da in bern bin ich halt uf bern cho:-( aber mir werdet evtl.im august uf züri zügle da ich mich gar nöd han chöne da iläbe:-)wo in züri bisch du dän

jerani · 23. 01. 2014, 21:25

Ich wohne in züri altstette. Isch mega schön da. häsch dini rueh, häsch alles i de nöchi und id stadt häsch au nöd lang

Suenneli4 · 23. 01. 2014, 22:35

Cha itz Morn z erstä mau id Akupunktur, mau luege, obs öppis bringt, hoffes... Schön, geits öine Chline o guet...

Shibasa · 23. 01. 2014, 22:36

I wirde im August/September Mami

me chani leider ersch am 05.02 sägä

Suenneli4 · 23. 01. 2014, 22:39

Hey Shibasa... ❤-lechi Gratulation zu derä Nöiigkeit.. Isches z erstä Ching?

Shibasa · 23. 01. 2014, 22:44

Nei isch mis 2. mini erschti Muus isch aber leider äs Stärnechind u wacht über üs

Suenneli4 · 23. 01. 2014, 23:47

Oo, ha o 3 Kolleginne wo

Suenneli4 · 23. 01. 2014, 23:50

S hetmr nid aus gno... 3 Kolleginne vo mir hei o Stärneching... Isches de bi dir scho lenger här? Wenn heschse verlore? Isch sicher ä mega schlimmi Erfahrig, das wünschtme niemerem...

Shibasa · 23. 01. 2014, 23:52

Ja isch kes schöns gfüeu. Mini chli isch 6 Tag nach dr Geburt gstorbe. Umso grösser isch itz d Fröid u glich hout eim d Vergangeheit drmit wieder ih. D Michelle- Alessia isch am 08.02.2008 uf d Wäut cho u am 14.02.2008 gstorbe.

SaMo22 · 24. 01. 2014, 00:41

Hey alle zusammen leider hab ich am Freitag in der 12 Ssw mein baby verloren

hatte eine Fehlgeburt .

Suenneli4 · 24. 01. 2014, 01:10

@SaMo: oje, das tuet mir unändlech leid... I bi i Gedanke bi dir. Wünsche dir gaanz viu Chraft u hoffe, dases gli wieder klappt u denn aus guet wird loufe... O das tuuret mi so, lueget zuenang...

Suenneli4 · 24. 01. 2014, 01:14

@shibasa: o nei, ersch nachdr Geburt, das isch ja mega tragisch... Weisme würum si gstirbe isch? Das isch itz scho lang här, he?! Brucht äuä scho lang, bisme so öppis verarbeitet het... Wünsche dir aus, aus Guete für di itzegi Ss...

Shibasa · 24. 01. 2014, 07:32

Nei dr gnau Grund weisme nid. FÄ het damals mir wöue tschuud gäh u gmeint i heigi äuä 1-2 tag vorhär fruchtwasser verlore u das nid gmerkt dür das hets e Infekt gäh wo när uf die chlii über isch. Aber äbä das si nur spekulatione.

Suenneli4 · 24. 01. 2014, 11:14

Nei, das isch ja no dopplet schlimm, wesi eim no d Schuld derfür wei gä... Wini gläse ha, het dini Beziehig denn o nid möge bestah, gäu? Wünsche dir itz aus Glück vo derä Wäut...

Shibasa · 24. 01. 2014, 15:34

I ha dazumau ersch im 7 Monet erfahre dasi Schwanger bi. Ha 3 Monätssprütze gha wo nid verhäbt het. Weni zrugg rächnw hetmi dr Erzüger vor chliine im 3 Monet zur Hütte usgschosse u woni im 5. bi gsi bini när mitem "papi" vor chliine zämä cho aber das isch när ca. 1 Jahr nachem Tod id brüch wiu ig psychisch u physisch bi am Bode gsi u är u sini Familie das nid hei chönne verstah.

Suenneli4 · 24. 01. 2014, 19:06

Ah, ok... Das tönt ja nachere rächte Gschicht... Ja, i dänke, das isch ä riise Bewährigsprob fürne jungi Beziehig u när isch z Ching o nid vo ihm gsi... Ja, du hesch i dämfau scho sehr viu erläbt, i dim junge Läbe... Itz bisch happy, mit dim Partner? Wenn hürateter?

August Mamis 2014

Kommentare

Hey & Hallo im Forum!

Quick-Links

Kategorien

Alles zu Schwangerschaft, Geburt & Baby

Triff Mamas und Papas in:

Verpasse keine Neuigkeiten:

Entdecke unsere Aktionen: