Baby zahnt und trinkt nicht

Guten Abend liebe Mamis!

Meine Kleine, fast 7 Monate alt, bekommt gerade ihre ersten beiden Zähnchen und will nicht trinken. Zudem hat sie seit Sonntag auch noch die erste Erkältung ihres Lebens 🙈😅. Habt ihr Tipps, wie man ihr das Trinken wieder schmackhaft machen kann? Ich habe das Gefühl, der Sauger tut ihr weh.
Das Problem ist, dass sie nur die Hälfte dessen trinkt, was sie normalerweise trinkt.
Mit Löffel geben oder per Tasse habe ich schon versucht.

Liebe Grüsse und einen schönen Abend!

Kommentare

  • Mini chli hät die 1te zähnt mir 4 mönät becho ...
    Han au alles probiert .. am beschte isch gsi en shoppä mit chaltem wasser dzue neh und abwächsligs wis zgeh ..das hät beruhigt .

    .. oder eh gurkä wo sie umä lutschä chan.
    De Zahnigsgel vo osan das isch pflanzlich..
    Wenns ganz schlimm gsi isch und würklich ned trunkä hät de häts au mal es zäpfli geh ... wo dHebamme mir de au grate hät 👌 ich wünsche dir viel chraft ... am beschte isch au viel kuschele 😍
  • Nachher wirds de besser ... sie isch jetzt 8 mönät und hät scho 8 zähnt aber wenn sie ihre chalt lupe hät zum chätsche oder de biiisring de isch sie zfride
  • 8 zäh???? echt? wow üsi sind jo fast glich alt und min kli het vor 2 woche 2 zäh kriegt hahaha 😂 di erste
  • @Füxli ja mitem zahne git sie vool gass 😂 jedoch isch sie sust eh langsami und gmüetlich ... dreit erscht mit 6 mönät und chrabble duet sie nanig 🤣 nur sitze und mitem fuddi umerutsche..
  • @JennyHelin do gseht me wie unterschiedlich sie sind mine lauft gli hani sgfühl 🙈 er stoht überall uf und isch a mega krabelragete. uh schnell chum fast nüme no 🙈😄
  • @Thea also zwible nützrn bi üs guet und kli hochlagere im bettli mit Ordner une dra. bi momentan erkältigs und kranketsexpertin sit üse zahnet het ischer stendig krank. sit afangs september simer durgast bi da KiA 🙈jetzt simer bim pseudokrupp acho kombiniert mit mega schnuder und fiebr. han so en nasesuger er isch super abr da kli tut amel uh wild weni mit dem chum. da tagdur gibem viel kochsalzlösig. git au sprey und nöd die doofe ampulene. mit sprey gots viel besser. und sus chani nu säge viel geduld liebi und nöchi geh. sind armi tröpf und dJohreszit machts nöd eifacher. 🙈
  • @Thea Viburcol zäpfli hanem da tag dur geh sind pflanzlich und hend amel gholfe wener so weinerlich gsi isch. uf dNacht hemr den je noch dem es chemisches geh. stillsch du odr gisch da schoppe?
  • Danke vill villmal für all eui Tipps!
    Ohje, das sind ja ersch die erste zwei Zäh.. demfall gahts so wiiter 🙈😆.
    Sie bechunt zweimal am Tag Brei und sust Schoppe (3-4mal).
  • i stillen ebe und wärend em zahne heter mi amel gern bisse 😒🥴jetzt gots wiedr. hoffe das di andre zäh nöd so schlimm si werden
  • @Füxli aua!! 😫 ich han mi immer gfrögt, wie d Mamis mit Chind wo scho gli nach de Geburt ahfanged Zahne das ushaltet! 🥴
  • jooo das hani mi au scho gfröget bin froh gsi heter so spot agfange. abr lustig isches definitiv nöd.
  • Es isch wieder ganz schlimm bi eus: Diesmal sinds die obere mittlere. Mer gseht sie noni, aber sie drucked... die Chlii hät immer wieder mal Fieber / chli Temperatur, mag nöd ässe (trinkt aber vill Milch zum Glück) und hät ganz en schlimme Durchfall - alles rot und entzündet, obwohl ichs immer grad wegwäsch...
    Ischs Zahne bi öper anderem au so schlimm? Sie duet mir sooo leid.. ich chan ihre gar nöd würki hälfe 😞
  • Jo bi üs ischs au so schlimm @Thea 😭 wenns gar nöd goht gib ich ihm es Zäpfli. Er isch denn au immer rot und ich due eifach so viel wie möglich Windelfrei si Tagsüber.
  • Hoi zemme. Ich ghöre zu den glückliche Mamis wod chind scho mit 2 Mönet akfange hend zahne. Und zwar nöd nur eis chind sondern grad zwei. Ich dreh absolut durre mit minere twins, ide nacht schlafi wenns guet lauft 3 stund meh git nöd. Letzt nacht hani gar nöd gschlafe, ha kids am 5i morge müsse zu de schwiegereltere fahre damit ich überhaupt bizli schlafe chan. Ich gib ihne globulis, zahngel und dafalgan zäpfli, das zahngel nützt irgendwie kaum öpis ide Nacht mit de globulis sind ca 15 min ruhig und mit de zäpfli öpe e halb stund. Und den gaht alles vo vorne wieder los. Problem isch, wenns einte chind ruhig isch, isch de ander am schreihe, hört das schreiende chind uf fangts andere chind a. Ich bi total am endi mit de nerve. Hend Ihr irgendwelchi hilfreichi Tipps? Ich wör eu extrem dankbar.
  • Bisch der sicher das sie scho zahned ... dad hani au dänkt debi isch es en schub gsi ... es git eh suppet Buech au App ... ohje ich wachse .. da chasch dich ih lag vode Babys ihfühle ...
    Wichtig isch immer durreschnuufe und das hilf vode schwigeältere hesch isch supper 👌 ich ha ja quasi nur 1. Und ha de eifacht am Tag pfuused ..
    Mit 2i wider das sicher schwiriger si ..
    Ich würd luege obs würkli zahne isch .. oder übberreitzig oder sogar Kollike ?

    Aber chan der die App ohje ich wachse echt empfele ...
    Jedesmal wenn ich mini chli nümmer erkänne ( da sie sust es ahfängerbeby isch ) gsehni das sie grad imene Schub isch 🤣 .. den weissi es gat öppe 1-2 wuche den isch alles woder wie vorher ...
  • 28c35070-2ef7-11ea-9c20-8bd62316231e.jpeghier ist ein Sreenshot der App ... und bei mir hat es immer gestummen ...
  • Das app isch würkli guet. Hani au und chas nur wiiterempfehle👍
  • @JennyHelin ja sie sind würkli am zahne, de eint zah luegt scho chli use und bim andere sind sogar 2. Ich ha damals scho 5 wuche nach de Geburt akfange zahne😂
    Min maa und ich sind hüt de ganz Tag im Notfall gsi, also weg mim Maa. Und schwiegermuetter het gseit sie hend de ganz tag durregschroe.Gib sie eig gar nöd gern minere schwiegermuetter ab, aber ebe wenns sie muess. Wenn die Nacht genau so schlimm wird gahni morn zm kinderarzt, bzw mäntig. Danke für die App die hani no gar nöd kennt 😘
  • @dina ohh je 🙈 und das grad 2x ..
    Das chunt scho guet und gat bald verbie ..
    Tränke düends gnueg ? Das isch ebe bi minere sproblem gsi jnd sie hät mit 3 mönät die 1. Zwei zähnt becho .. und jät de zviel abgnoh 😣 ..

    Dina .. isch eh schönä namä .. so heisst au mini Schwägerin .. und hät so gern mini tochter Helin-Dina gnännt aber leider isch das ned gange 🤷‍♀️
  • Chasch Tandemträgä im Tuech? Das chent helfe tagsüber...evt.
  • Minä hät au früeh agfange Zahne...Fieber, rots Füdli, gschraue, wenig gschlofä es ganze Programm ebä. Trägä, viel Stille und Zäpfli händ gholfe sowie es Osa Zahngel es rote.
  • @dina Bi eus hälfed momentan au nur no Zäpfli. Es isch schrecklich! D Zäh wänd eifach nöd cho, es isch aber alles dick rot ahgschwulle 😣
  • Mir hend sones rosarots zahngel au vo osa. Ha aber irgendwie sgfühl es hilft nur zäpfli.
  • Das Zahgel hilft bi eus irgendwie au nöd.. die Chlii schlaft im Moment vo 20-24 Uhr und wacht denn im 20min Takt uf 🙈😢
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum