Arbeiten wie lange?

Maria32 · 2. 10. 2019, 10:22

Wie lange habt ihr voll gearbeitet also 100 Prozent? Ich bin jetzt in der 29. ssw und arbeite 100 Prozent, ich laufe und stehe den ganzen Tag, der Arzt sagt laufen ist gut. Ich bin am Abend schon sehr kaputt, und merke vorallem meine Beine. Wie war es bei euch? Wie lange habt ihr gearbeitet?

Füxli · 2. 10. 2019, 10:38

100% bis genau zur geburt. resp. hend en flügende wechsel gmacht vom büro direkt in spitol 🤦🏻‍♀️ abr han sitzenditätigkeit was abr au müehsam si chan. ärzt schrieben eim nüme so schnell krank in da schwangerschaft solangs eim gsundheitlich guet got.

Manaya · 2. 10. 2019, 13:42

Bin au nöd krankgschriebe worde. Han 3 wuche vor termin abgeh und mach die ziit unbezahlt. Ich find es bringt weder dir und am baby öpis no de firma wemer so lang durebiisst, aber scho schad mues uf die eigeti kasse goh.. min maa finds au richtig so, er het amel au mini gschwullene bei gseh..

Tanja87 · 2. 10. 2019, 16:03

Ich han bis zwei Monet vor de Geburt gschafft, ide Pfleg. Und denn no 1,5 Monet 50% die letste zwei Wuche hed mi de Arbeitgeber gar nümm iplant gha👍

Miette · 2. 10. 2019, 18:26

Hallo Maria. Mini FA het mich ab sofort vo 100% uf 75% la reduziere (Bi aktuell ja iner 28 Ssw). Da ich iner Pfleg schaffe (Narkose) bini eigentli der ganz Tag am stah gsi und hä eigentlich der ganz Arbeitstag en harte Büch kä (was teilwiis wirkli schmärzhaft ist gsi). Derzüe isch cho, dasi sehr hüfig schwär ha miesse lüpfe. Mini FA hätt mi lieber uf 50% reduziert, ha aber mit ihre abgmacht, dasi numal 4 wuche abwarte & vili de numal reduziere. Sit 3 täg schaffi nummu nu 6.5 h anstatt 8.5h und es geit mier und dum baby viil besser. Fühle mi wieder fitter und finde cha so en besseri leischtig bringe.

arijeta · 2. 10. 2019, 20:46

Ich bin ide 30 Ssw oder ben sit 1 monet 60% schaffe jewils vormittags und das lenget mir momentan. Schaffe ide Gastronomie abteilig im Büro, woni au vell mues hin und her laufe. Merke ame scho nachem Mittag dasi zimli müed werde. Passt so solang i mag esch das super.

nala89 · 3. 10. 2019, 04:33

Ich han bis i di 35 ssw voll gschaffet als polizistin und au kontakt met lüt gha wo mer velecht ned unbedingt wet ha i de schwangerschaft! 🙈 Denn het d FA gseit das s bebe chli z chli isch drum hani müesse reduziere und 4 woche vor de geburt het sie mi 100% chrankgschribe! Erstens weli immer en herte buch gha han und ebe wel d gfohre bim schaffe z gross gsi send! Sie seit au das es ned förderlich isch wenn mer bis zum termin unter aspannig und stress isch und denn set es kind uf d welt bringe!