Darfme würkli gar kei ufschnitt esse 9mon.?

i ha sooooooo luscht uf fleischchääs😫🤤...darfme die ganzi schwangerschaft kei ufschnitt esse..??? isches sehr schlimm weme eimol e usnahm macht?bi i de 15+3 ssw..!!

Kommentare

  • Also Fleischchäs isch ja kochet. Das dörfsch ässe. De Ufschnitt mues eifach kochet si, z.B. Chochschinke gaht au. Ich würd au luege, wennd de Ufschnitt im Päckli chaufsch, dass de Inhalt nachher ines Tupperware wo mer guet verschlüsse chan in Chüelschrank duesch. So han ichs gmacht. 🤗Eifach kei Ufschnitt, wo nur pöklet, tröchnet oder roh isch ässe (also kei Salami, Rohschinke, Bündnerfleisch..). Aber ganz ehrlich, ich han am Ahfang vo de SS au mal Rohschinke gässe gha - isch nüt passiert. Ich kenne au gnueg Fraue, wo Sushi ässed. Mer chan Päch ha, klar. Aber denn müesst mer eigentli au Salat weglah, a dem chönts nämli Toxoplasmoseerreger ha - und öb mer die immer abwäsche chan.. 🤷🏼‍♀️ Ich glaube, mer mues Choste Nutze chli abwäge und vorallem nöd verruckt mache lah.
    Ich han ei Schwangeri im Umfeld erläbt, die het so Panik vor allem gha, dass sie abgnoh anstatt zuegnoh hät. 🙄 Und das isch ja denn no schlimmer. S Chind isch au sehr liecht ufd Wält cho - obwohl übertreit.
  • I würd ou säge des isch nid schlimm. Mues zuegä ha i beidne schwangerschafte alles gässe 🙈. Und mini kind si gsund uft wäut cho. Und des mit em sushi, des darfsch ersch rächt ohni bedänke ässe, het mer sogar mi FA erlaubt da i sooo glust ha gha uf des. Und wens so wosch a luege früecher hei si ou aues gässe, ou gröicherts fleisch und so sache. Auso wiso söus jetzt hüt wo me ja eh bi auem strengeri regle het nüm dörfe. Finds e quatsch. Auso i würd säge „ iss des wo DU lust hesch 😊“
  • Da bini stöpselis und theas meinig. Mini FA het gmeint, dass wier iner schwiiz wohne & da hygiene ja sehr gross gschribe wird. Si het mer eifach gseit, dasi möglichscht keis rohs fleisch soll ässe (so wie tartar). Ufschnitt si keis problem. Ha eigentli alles gässe, was mer gluschtet het 😉. Bi aktuell iner 38. ssw. und dum baby geits guet. Aber natürlich isch das wieder en ermässenssach und jede muess das ver sich sälber entscheide. Darum mach das, was dier dine „buch“ seit 😉😉😉 & lah die nit la verruckt mache 😊 👍🏻
  • Ja ich ha au alles gässe 😁🤣 ussert tartar Und uf das hani megga luscht gha .... und sushi hmmmm 😁 aber ha mi au ned getraut 😫 bis stöpseli mir mal gseit hät das es nüt macht solangs frisch isch ...👌🤗 und mini chli isch gsund uf dwält cho... graucht hani aber nümme 👌 das isch mer am wichtigste gsi 💕
  • Danke für d‘Antworte, ich wird mir demfall de fleischchääs jetzt e mol gönne😍 ha sooooo luscht sit langem...und zwar de vom coop🤤...!!
  • Namal e Stimm für alli obedra... 👍🏻I ha so gern Fleisch...und ha immer wieder mal alles gesse (Usnahm: Tatar)
    Mini FA het gseit, Sushi vom Vertaute Resti, und so Bündnerfleisch so sSache zerst 3 Täg igfrühre, denn isch alles tot. Mir und am Chline (etz 1.5 jöhrig) ischs immer guet gange....0
  • Ich dänk au so chli gsunde Menscheverstand walte lo, wenn nöd grad än Shake mit rohe Eier und däzue Tartar issisch und als Dessert no Sushi vo letscht Wuche ischs jo me eifach chli Vorsicht. Ich hs au Ufschnitt gässä sber z. B kei abpackte Salot.
  • I ha ou nid zu dä übervorsichtigä Schwangerä khört. Salami, Trochäfleisch u abpacktä Salat hani verzichtet. Sushi u Tartar hani nid gärn.
    Ha aber Rauchlachs u 3 Minutä Eier u ou ds Fleisch no rosa.
    Übrigens Rohmilchchäs wo guet griift isch wiä Greyerzer,Sbrinz oder Parmesan darf mä offiziell ässä, wüssä ou viel Frouä nid.
    Wed vorsichtig bisch, chasch druf gah, alles wo kocht isch oder pasteurisiert isch keis Problem, steit ou uf dr Verpackig
  • Hend ihr eu scho mal en kebab oder öpis vom burger king gönnt? Ha das sie glah wegem salat wos dine het.. Weiss nöd wie suber die das machet.. Und weg de sose.. Mayonaise und eihaltige souce..
  • Ohh, ich bi mc & burger king süchtig sit der schwangerschaft 🤪. Weni an einem verbi laufe, de MUESS ich en burger ha😍! Cha mi nimme zrugha. Jamjamjamjam.
    Vome kebab han ich leider mal salmonelle gha, sit denn gits für mich kei kebab meh (isch aber ame festival gsi...)😊.
  • 😍😍😍 ich lieb mc sit ich schwanger bi nomeh..isch net gsund aber verdammt nomol fein😆😅🤤ha grad luscht becho
  • Haha, ha mer grat uberleit, ob ich schnell min fründ soll schicke, mier en burger ga zhole 😍 (schad gits kei lieferservice)...
  • mc donalds pommes😍
  • Bin zwar ned schwanger aber bin grad in BK gsi 😁🤣🤗 ich liebe de long chili chees
  • Ich han mer ab und zue Nuggets oder Pommes gholt 😋
  • Mayo isch keis Problem(höchschtens sälbergmachti wäg Salmonelle)aber so koufti oder ou bim Mac isch haltbar gmacht
  • Wuaah ich het grad so luscht en whoppee menüü oder oder bigtasty 😭😭 aber derf nööd min und ich hend grossi ängst wegem salat und wills ungsund isch.. Aber ich göööns euu ladies ❤️
  • chasch au ohni salat bstelle
  • Ja.. Hani mal bim kebab gmacht 😁 gaht gar nöd! 😂 Dganz nacht hässig gsi nachdem kebab
  • Du chasch der ja säge, eis mal im monat gönnsch der eppis ungsunds. Ich ha ca 1 mal pro wucha eppis fam mac gesse & hä in dene 38 ssw. 8 kg züegnu. Und du chasch ja zwischedüre extrem gsund esse 😛
  • Mini froue ärztin hed gseid do bi eus eschs eigentlech keis problem met so züg. Sushi sig aube i gfrohre gsi ond aues wo nömme blüetet (auso ou greucherets züg) chammer ohni problem ässe. Ech be bi de 1. ss eigentlech vegi gsi osser späck ond worscht hani nüd abe brocht. Jetz ide 2. ss essi chli fleisch aber be ned scharf druf. Sushi hani so oder so ned gärn ond ufs tatar verzechti. Trochefleisch ond rohmöuch chäs essi mer hends aber säuber vo eusne tier. Das metem salot hani garned gwösst das essi mega gärn ond ou oswärts. Ech wörd chli uf dis gfühl lose. Wenn loscht druf hesch wördi ämu chli mä mouesch jo ned grad es ganzes pack oder jede tag i mac. 🤷🏼‍♀️
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum