Het scho wer Baby-Party gmacht?

Kommentare

• Mimi

  134

  

  31. 01. 2014, 14:58

  Hoi shibasa. Also ich bin mol zu einer iglade gsi. Finds no e witzigi sach und s mami het mega freud gha.
• Shibasa

  684

  31. 01. 2014, 15:21

  I bimers äbä am überlegä. Ha aber nid würklech Ahnig wie so öppis ablouft
• Mimi

  134

  

  31. 01. 2014, 15:49

  Also bi eus isches eso gsi, dass d schwöschter vom angehende mami hinter ihrem rücke organisiert het. Mir hei eus alli vorher bi dr kollegin dehei versammlet und hei d wohnig dekoriert. D männer und kinder sind übrigens au drbi gsi. Jedi het e pack windle, sünschtigi gschänkli, kueche, rimus etc mitbrocht. Und denn isch sie hei cho und het mega freud gha. Also mir hets gfalle gha. Hei abr nid lang gmacht, will sie isch hochschwanger gsi und het fascht nid möge.
• Shibasa

  684

  31. 01. 2014, 16:42

  Jöö so cool da hätti mi auso o gfröit i wets aber scho früeh gnue mache dasis o cha gniesse
• Mimi

  134

  

  31. 01. 2014, 17:39

  Jo, ebe. Sweri scho besser gsi, wenns früehner gsi weri. Sie het würkli fast nüm möge.
• Shibasa

  684

  31. 01. 2014, 18:31

  Das chani mir absolut vorsteue
• Nikki1701

  263

  

  31. 01. 2014, 20:53

  Meinsch e babyshower? Ha das o gmacht woni schwanger bi gsi weus ja normal isch Im änglisch sprechende ruum u mi maa amerikaner isch... Ha online spili u alles bstellt MIT kafi chueche etc het u gfägt gha:D
• Shibasa

  684

  31. 01. 2014, 22:42

  Nikki genau das meini hie kenntme das ja nid sooo würklech därum intressierts mi. I würd drum gärn so öppis mache
• carigo

  103

  1. 02. 2014, 01:06

  i fänd das ou mega kuul aber ha irgendwie geng z gfüeu das chunnt so übere aus wettmr eifach gschänkli... heit dir das nid?
• Säri

  110

  1. 02. 2014, 09:48

  Jaaaa babyshower, dr tag zu ehre vom mami wo schwanger isch:) mir hei brunchet u am nami/ abe brötlet. D gest hei bodys bemalt, näme grate mit nachgeburtlicher "tombola"buchumfang grate susch spili gmacht. Isch toll gsi . Es geit ni drum as me gschenkli wot, abr isch e sehr nette nebeeffekt:)
• carigo

  103

  1. 02. 2014, 11:35

  @säri ja mir giengs äbe ou nid um das sondern ums nomau chli zämesi vorem baby und haut glich z beschte wo iz de chunnt aus thema.... i ha nur angst dass d lüt das so uffasse wägde gschänkli und mi drum nod derfür das z mache
• Shibasa

  684

  1. 02. 2014, 14:04

  Ach das isch doch übetau ts gliiche. Geburtstagsparty, Ihweiigsparty ect. Da wird ou kene zwunge es päckli ts bringe u glich duets fasch ä jedä i wirdes uf jede fau mache
• Säri

  110

  1. 02. 2014, 19:55

  @carigo du seisch ja ni as gschenkli erwünscht si. We dis wunder da isch bringe d lüt, selbst die wos nie erwartet hetisch gschenkli. Niemer mues. Gniess d zyt mit dine liebste no bevor dis chline da isch u dis lebe grundlegend veränderet:)
• carigo

  103

  2. 02. 2014, 12:19

  okey i gloub de muessimr iz das glich nomau düre chopf laga
• Nikki1701

  263

  

  3. 02. 2014, 02:50

  Auso ig ha Mega Spaß gha wirdes bim 2 Bebeli sicher o wieder mache u sicher nid Wege de gschänkli sondern weus schön isch mit de fründe es neus läbe z begrüesse:)
• carigo

  103

  3. 02. 2014, 15:19

  und i welere wuche heiterse de gmacht?
• Nikki1701

  263

  

  3. 02. 2014, 17:06

  Im januar uts bebeli isch am 18 april cho... Dr buch scho recht gross gsi aber no fit gsi... Bi froh nid im märz de bini scho schnell müed worde u ha mi gfühlt wie es nilpferd lol
• carigo

  103

  3. 02. 2014, 18:27

  hehe perfekt de muessi gas gä? üse chunnt o mitti apriu
• Nikki1701

  263

  

  3. 02. 2014, 21:05

  Chasch ja schomal de lüt dr termin düregä wenns wotsch mache ig ha keni iladige verschickt:p u d spili u so chasch gebig online bstelle;)
• carigo

  103

  3. 02. 2014, 23:26

  merci nikki grad luege