Keuchhustenimpfung in der SS

Hend ihr eu Impfe la i de SS? Ich han mich bi de erste SS dagege entschiede.. und jetzt bini mir nöd sicher.. Isches es grosses Risiko, wenn niemert gimpft isch, oder eher gring?

Kommentare

  • Ich has gmacht damis Baby dä Schutz die erste Monate au hät
  • Es Baby wo sich dämit hät agsteckt, isch gar nöd luschtig.
  • Ich hans gmacht und würds au immer wider mache ... genau so wie alli impfige... also mini tochter isch vool gimpft ... grippä impfig mach ich ned aber ich bin au gnueg alt und chan grippe sehr guet bekämpfe .. also bin so guet wie nie chrank
  • Has gmacht & würds immer wieder mache! 👍🏻 bi pro-impfe 😇
  • Has bi beidne ss gmacht demet s baby de schutz hed
  • Ich hans au gmacht und würs wieder mache.
  • Gits kei "nebewürkige"?
  • Also ich ha nüt gha 🤷‍♀️
  • Ich han au nüt gha. Gar nix.
  • Mer heds d‘Fraueärztin au empfohle & mi Maa & ech hend üs loh impfe. Ha kei „Nebewürkige“ gha.
  • Ech ha mi ou gempft gäge keuchhueschte. Wörds aber gloub nömme mache. Has bim 1. chend eifach gmacht wöu mers macht ond jetz bim 2. hani s gfühl gha cha ned bim 1. ond bim 2. ned. (Ha mi aber rächt met dem thema befasst ond ha mi eigentlech gäg mini istellig entschede.) Ech ha mer ou dänkt das es houbtsächlech i mi körper god ond ned diräckt is chline. Bim 3. wördis ouwäg nömme mache. Mer düend ou de chli im momänt ned empfe. Wenns bim 1. ned gmacht hesch wördis bim 2. ou ned. Öbercho chönts es jo so oder so öb gempft oder ned. (Esch mini persönlech meinig) näbe werkige han ech keini gha.
  • I und min Ma hends au gmacht. Ha au kei Nebewürkige gha. Has au fürde Schutz vom Chind gmacht☺️ aber mini Fraueärztin het nöd mol gfroged🤣 sie hät gmeint so etz tüemet no impfe wege dem und dem🙈
  • Wenns du machsch den münd ALLI wo in berührig chömed met em Baby au eini mache.

    Bi eus unmöglich.

    Und ech fende: mer dürf fash nüt ide Ss. seb ned ässä, das ned ässä, das medi ned.

    Aaaber e kombi impfig sell nüt mache 🤷🏽‍♀️

    vodem her min persönliche entscheid isch xi; ned impfe.
  • Hey @LoSo. Das stimmt nit ganz. Es langet we tmama dimpfig macht. So isch zchind bis zum 3. oder 4. läbensmonat gschützt (ha das mit 4 unabhängige ärzt agluegt 😂). Erst de, weme zchind nit gägs keuchhueste will impfe loh, muessti theoretisch alli wa in kontakt chöme sich loh impfe.
  • Isch wie d‘miette seit, @LoSoI han mi au impfe loh und wird i au i de jetzige ss mache
  • Mier ischs so xeid worde. 🤷🏽‍♀️
    aber ebe das es nur als kombi impfig git wers für mich eh ned in frag cho 😅
  • @LoSo ech fende du hesch rächt was die empfig a god. Mer luegt e so penibel druf was mer esst ond was för medis mer ned set nä ond denn duet mer eifach empfe oni sech henderfroge?! @Miette Hed aber rächt (aso so eschs mer gseid worde) das dor die empfig s chline die erste paar mönet gschötzt sell si. Mini fa hed gseid ech mös de onbedengt de chli (wärdendi grossi brüeder) ou gäg keuchhueschte empfe. Das möchemer ned. Mer wärdid ou ned s chline empfe. Ech persöndlech fends no öbbis anders wenn ech as erwachseni gempft werde, wo klar en teil is bebe ie god ond set schötze, weder wenn e sone empf dosis diräckt ine sooooone chline körper ie god. Mache werdis warschindli ou nömme.
  • Sorry aber die wo ned ihri chind impfed 🤔 das chani gar ndd verstah.

    Impfige söll pflichtig werde 😥

    Wenn Ihr euch ned impfed sinder sälberschuld ... aber sis chind ned impfe la isch echt für mich fahrlässig .. da stelled mer grad dhaar zberg 😤

    Duet mer leid für euch weni mi gard zu fescht ufrege aber nei das chani und willi ned verstah ... 😫
  • @JennyHelin bi dinere Meinig vorallem wil ungimpfti Kind Babys chönd astecke wo dä Schutz nonog händ. Finde au so Kind dörfet nöd i Kitas go wo Babys sind. Aaaaaber, es bringt nüt so Züg do innä zschribe, es git nur unnötigi Diskussione wo zu nüt führet! Glaub mir du wirsch nur aghässälät. Jedem das seine 🙄
  • @JennyHelin ech ha mi rächt met dem Thema befasst för ond degäge. Ech be froh das mer säuber daf entscheide öb mer empft oder ned. Ech oder mer ( min maa ond ech) send ned gäge s empfe mer send bed genpft worde vo eusene eutere. Mer hend eifach för eus entschede das mer eusi chend ned soo chli wend empfe. Fahrläsig fendi das ned, wemmer chrank werd, werd mer chrank öb gempft oder ned. Aber ech dänke do daf ond mues (zom glöck) jede för sech ond sis chend säuber entscheide. S @Sü;nneli30 hed gfrogt ond jede vo eus ged noch sim beschte wösse ond gwösse met erne erfahrige d meinig ab. Das esch haut emmer anderscht. 😊
  • @Moonpie87 ech fends schad wemmer a ghässelet werd wemmer sini meinig vertrett. Mer send doch aui erwachse ond ech dänke jedi do enne wot nome s beschte för eri chend. A gsteckt chammer so oder so wärde met oder ohni empfig. Ech persönlech fends es megs spannends thema ond verstoh wemmer empft ond wemmer ned wot empfe. Zom glöck daf jo ou jede säuber entscheide ond das set mer akzeptiere.
  • Do häsch du Recht. Aber Masere sind fascht usgrottet worde und dur Imfgägner flammts wieder uf was für Babys wo dä Impfschutz nonig händ sehr gföhrlich chan si. Da findi nöd so toll. Aber klar jede cha mache wie er wot und jede mues au mit dä Konsequenze lebe 😊 ich rede us Erfahrig wegem ahässälä...dörfsch gern mol bim Thema Stillen Ja Nein dri lese, denn gsehsch was ich meine.
  • Ok, danke für euii Kommentär👍 Mal luege wie ich entschiede..
    d Frag isch würkli nur gsi, ob ich mich als erwachseni i de Ss söll impfe, nöd was nachher isch.
  • Wenn wotsch das dis Baby die erste Monate de Schutz hät ischs sicher guet 👍 min FA het gseit, Neugeboreni mit dem Hueste seig sehr sehr müehsam, drum duet ers eifach sägä. Du wirsch scho zRichtige mache für dich 👍
  • Jo ech könns ou s a ghässelet wärde. Fends schad. Es esch haut es schwerigs thema. Aber sehr interessant. 😊 ech verstoh dech ou mega guet wörkli. Ech ha eifach afo stodiere woni kend gseh ha vo minne kolleginne wo jedes mou nochem empfe tage mängisch woche wiis glette hend wöu sie so heftig reagiert hend. Ond das hed mi stotzig gmacht. Ech be a mehrere vorträg gsi vo schuelmediziner, naturheilpraktiker ond so. Vomene schuelmediziner wo jetz normo homeöopatisch schaffet beni aber mega beidrockt gsi. Dä hed chönne sini gschechte verzelle won är erläbt hed ond hed ned statestike ufzeigt. Aber äbe das esch mini meinig ond zo dem stoni. Swechtigschte esch das mer metem partner einig esch ond das zäme entscheidet ond konsequänze zäme treid, sie cha emmer ergendöbbis. 😊 ond bi eim semmer eus gloub alli einig, mer wend nome sbeschte för eusi chend ond hoffid das alli gsond ond monter gebore wärdid ond blibid das esch eh s wechtigschte ond öbis wo ned säubstverständlech esch. 😃
  • @Sü;nneli30 Ech gloub ou das du dech rechtig entscheidisch so oder so. 😉
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum