Natürlich gebären nach Kaiserschnitt

sunny83sunny83

192

bearbeitet 16. 12. 2019, 11:11 in Geburt
Wär hät noch em Kaiserschnitt natürlich chöne gebäre? Ech ha scho chli schiss mach mir sorge das plötzlich d narbe chönt riise🙈...chönd ehr mir d Angst chli nä?

Kommentare

  • Nach eim Kaiserschnitt und über 1 Johr däzwüsche, muesch dir do eigentlich kei Sorge nache...het mir min FA gseit 😊👍
  • @sunny83: also es heisst es esch möglich ond d Wahrschiendlichkeit esch chli ABER ei bitte lass, wenns ergendwie goht/ mögli esch, d Narbe vo inne regelmässig kontrolliere ond bestoh druf das es gmacht werd psonders wenn d Gebort langsam chönti nöcher cho. Wennd nor chli schmerze hesch, au rogge, lass es kontrolliere psonders d narbe. Wenn s baby es grosses esch, en grosse buch hesch, öberleg dr ebd ned gschieder weder en KS willsch machä.
    Was psonders wichtig esch, wennd jetzt bim 2. en spontangeburt hesch wasi för de hoffe ond es drittsmol schwanger wersch, dänk uf kei fall bim letschtmol esch alles guet gange also muesch dr kei gedanke meh mäche. Bestoh bitte bi jedere schwangerschaft druf das d narbe kontrolliert werd vor dr Geburt.

    Ih will dr kei Angst machä uf gar kein Fall aber ih will das dr bewust druf zue gahsch unds immer im hinderchopf hesch.
    Ih säge das nid us diräkte eigete erfahrig aber us em erläbnis vo dr Familie woni do jetzt absolut ned nöcher drufih gah.
    Wie gseit mehrheitlich gits keini komplikatione aber die wenige % müänd eifach uf dr huet sii und lieber z vel reagiere wie z spoht.

    Alles gueti.
  • Mi fa kontrolliert d narbe bi jedem Ultraschall ond min letzt ks esch 3.5 johr här
  • @sunny83Denn esch super wenn er sie immer inne kontrolliert. Ufd Johr döfsch gar nüt geh das heisst leider gar nüt. Wie gseit au bi de dritte/ vierte... schwangerschaft genau so vorsechtig sie wie bi de zweite. Bi eus hets bi de dritte Geburt komplikatione geh ond die erscht esch KS gsi die zweit esch en komplikationslosi spontangeburt gsi.
  • Ich han nach 26 mönet 2. kind normal gebärt 1. isch kaiserschnitt gsi. Ohni probleme. Ich denke wen d'narbe suber zuegnejt worde isch. Den sets keis problem sie!
  • Ich han au bim erste e Not Sektio gha und szweite normal gebore. Alles guet gange Narbe technisch. 👌
  • han au bim erste noch ileite en unllante ks gha und jetzt bim zweite chöne spontan gebäre... isch alles guet gange... mini FA hed mehrmols kaiserschnitt naht kontrolliert und de arzt im spital hed under de Geburt, vor de pda inwändig d naht kontrolliert und den nomol s go gä für en spontan geburt....
  • han mir aber au lang überleid was i sel, d ärztin hed mir den s go gä für en spontan geburt und den hani mir gseid ich möchts probiere, aber ned um “biegen&brechen”... wenns den ned gange wer, wer en ks au ok gsiii....
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum