PDA - Erfahrungen

YulYul

226

Symbol
bearbeitet 31. 01. 2020, 09:58 in Geburt
Sali!

Ich bi meega neugierig und wür gern wüsse was für erfahrige ihr mite PDA sprützi gmacht hend, oder ob ihr normal ohni betäubig /anderi hilf hend chöne gebäre?

Ich wür sehr gern druf verzichte aber ich bi soo chli und zierlich das macht mer chli sorge dass ich es nöd chönt ohni PDA..

Kommentare

  • Ich han bi de erschte geburt nach über 10h e PDA gha. Hans die Erfindig gfunde und eifach super. Han mich chöne wieder erhole da ich eifach kei chräft meh gha han. Ich han au no Pressdrang wargno. Ich han mir aber vor de geburt nöd wüki gedanke drüber gmacht will ich schlichtweg nöd gwüsst han was uf mich zuechunt.
    Bim 2 hani mir gwünscht kei PDA zmache. Will ich devo überzoge bin dases dütlich schneller gaht wenn ich mich chan bewege während de wehe und schwerchraft scho vieles bewürkt. Bi de pda hani ebe wieder weniger wehe gha und de wieder wehemittel brucht und nur no glägge im bett😏
    Han mir aber au im vorfeld gseit ich muess den während de geburt entscheide will ich ja nöd weiss wie langs gaht.
    Han den bi de 2te kei pda gha, wills gar nüm glanget het😅 isch so schnell gange. Ich hans super gfunde ohni aber au nur wills nöd stundelang gange isch😂
  • Ich ha 1 tochter geborä .. und ha echt eh sturz geburrt gha 🙈 nach 1 ½ stund isch die chli scho da gsi 💕 vo de erst Wehe bis zur geburrt ..
    Han nur 3 presswehe gha ...
    Hät gern im Wasser wele gebäre aber es hät ziitlich ned glangt ..
    Also wärs länger gange 🤷‍♀️ filicht häti de im wasser .. das söt au berühige ..
    Wasi jedoch probiert ha isch Lachgass .. aber durch das hani mi nümme ufs Athme chöne konzentriere 🤷‍♀️ ..
    Sust hani nüt gha da sie mir kei zuegang händ chöne legge ...
  • Was für mich schlimmer gsi isch .
    De drang zum 💩 🙈 das tönt jetzt blööd aber das isch für mich de Horror gsi ... so lang ich mich bewegt ha isch es gange...
    Hät gern na eh Ihlauf gha aber das hät au ned glanget 🤷‍♀️ also de muesch dich gar ned schäme wenn na öppis usä chunt ..

    Und wenn du PDA wotsch de isch das so ...probiers so wiit du chasch 😘
    Wenn dis wunder bi dir isch hesch alles vergässe 💕😍
  • Ich ha wie uf Knopf drugg wehe ka und zwar direkt sehr stark... ich ha vom halb 6i am morge sturmwehe ka, do d MuMu nyd recht ufgange isch hän sie mi denn no ind wanne gsteckt und das het natürli erst recht no akurblet. Am Mittag am 1 hani nym könne, will ich bi au nym nocheko mit verschnuufe🤷🏼‍♀️ ha denn e PDA beko und mol w stund rueh ka. Dos denn abr sust nyd witergange isch, hani dr Wehetropf beko, das het abr au nyd wirggli gholfe und am end hets e KS gä.
    Nach däm sie denn abr dr Wehetropf abgstellt hän zum Vorbereite fyr dr OP, isch dr MuMu denn vollständig ufgange ohni Wehetropf und so. Binere 2. Geburt wurdi das uf jedefall mol vorschloh zum stoppe und luege was passiert
  • Ich bin normal gross und sehr schlank. Ha ohni PDA gebore. Wieso dänksch das dini Figur e Rolle spielt?
  • Ich wür behaupte grössi und figur het absolut kein ifluss
  • Ich bin 165 und 50 kg und han zwei kind gebore ohni jeglichi betäubig. Mach dir kei gedanke das chunt guet💪🏻
  • Danke erstmal für all die rückmeldig, 😁 ❤️😍
    Also grosse angst hani nöd.. Mini mami het mich mit 15ni übercho und mini mami isch chliner als ich und alles isch super glofe ❤️ ich bi 1.55 und afangs schwangerschaft 44 kilo gsi.. Jetzt zum glück scho 51 kilo (18ssw).. . Es gaht drum dass ich vieles gläse han, schlechti erfahrige und mir gern vo allne meinige wür gern ghöre..
    Dkollegin vo mir isch dünner als ich und sie het bi de geburt viel komplikatione kah und schlecht erfahrige mite PDA.. Vieli seget nimm das nöd das isch en scheiss mimimi... 😅
    Ich wet eifach nöd dass mis baby alleige kämpft falls ich mich irgendwie nüme gspür.. Oder ich wet nöd nach de geburt nur im bett liege ich wet fürs baby da chöne sie..
    Und wenni gseh dasses mami git wos ohni dem chöntet schaffe willich das au 😁🙋‍♀️ eifach mis baby zguet..
  • Mi Tipp, mach dir dini Gedangge und di Plan. Verstiff di abr nyd z fest und überleg dr au was isch e gueti alternative resp was wär wenn. Denn es kunnt immer anderst als mes plant🙈
    Ich ha au gsait wills ohni probiere und bi denn froh gsy woni sie ka ha🤪
    Froog mol denn in dim Spital ibs e hebammesprechstund git (wenn de nyd dini eigeni Hebamme mitnimmsch) dert kasch viellicht au bespreche was dini Wünsch und Aliege sin. Was de uf kai fall wottsch und was evtl e Option wär während dr Geburt.
  • Ich han e PDA gha und das isch die besti Entscheidig gsi. Han drü Presswehe gha und die Chlii isch da gsi. Ich han nüme möge!
    Bin nach de Geburt ganz normal ufgstande, han au immer mini Bei und Füess gspürt. Ich würs immer wieder mache.
  • Ich würds nöd zfrüeh mache, also bitz dure hebe. Denn mitere PDA chasch di nümm so bewege wie ohni und chasch nümme is Wasser und glaubs mir ich weiss vo was ich rede...36 Std Wehe im Minutetackt aber ich has ohni PDA überstanden...ruhig blibe, Wasser und bewege het mir gholfe 😊👌 ha mir immer gseit, Schmerze ghöret eifach däzue, bi gwüssne länger und bi gwüssne weniger lang.
  • @moonpie87 ah ich wür mega gern e wassergeburt ha, danke euu
  • Mit PDA goht da aber nöd. Drum sägi versuech a di zglaube...du chasch das und es git au Alternative zur PDA 👌 wichtig isch tüüf und guet Schnuufä, das hilft ungemein. Viel bewege und ä Begleitperson wo dir dini Wünsch erfüllt. Es git Momente wo du dänksch du chasch nümm und ä PDA isch sehr verlockend...ha ich au gha i 36 Std glaubs mir 😅 aber ich ha mir immer gseit, anderi chönd das au und früehner ischs au gange...
  • i han a Belegshebamme ka wo mi vor wärend und noch da Geburt begleitet het. i chan das nu empfelle. i han kai PDA wölle und sie het das gwüsst. bin perfekt dur die Geburt begleitet worde und bin persönlich uh froh gsi öbert dabi zha wo waiss wasi will. han am schluss a wassergeburt ka. falls die Möglichkeit hesch würi das nutze
  • Wassergeburt isch uf jedefall min wunsch! ❣️
    Danke für eui nachrichte🌸
  • Hoi liebs mami 🤗 han immer gseit will nie eh PDA schaffe das ohni, han au angst gha devo. Aber alles chunt anderst als mer plant. Han nach so viel stunde wehe eifach nüm möge. Min chliine knirps isch es sterneguggerli gsie und durr das isch er chli fest klemmt, somit hani presst und presst und er isch nöd cho. Bin so am endi gsie und han denn mich für eh PDA entschiede. Obwohli so brüelled gha han will ich mich schlecht gfühlt han, dass ich es nöd ohni schaffe wie anderi und dezue angst gha han vo sonere sprütze. Aber wenni rückblickend druf luege isch es sbeste gsie wonni han chöne mache. Es isch nemli wiiteri ca 6h gange bis er cho isch und au für sis wohl da ich nüm richtig gschnufft han ischs richtige gsie. Würs ufjedefall binere 2 geburt wieder ohni probiere. Aber falls es anderst chunt bini dasmal offener. Binere geburt chan mer glaub nie plane wie mers wott und schlussendli ischs egal, hauptsach du hesch nacher dis gsunde baby im arm 👶 🤗 also nimms so wies chunt, es chunt alles so wies sött cho 😊
  • Also ich han mer so eh Wassergeburrt gwünscht 🙈 uf jedefall hani dihei Wehe becho und natürlich im spital ahglüte ( die händ gmeint erscht cho wen dWehe regelmässiger chömed ) ja toll 🤔 nach 30 min bini in spital 🤷‍♀️ isch ja mis erschte chind gsi .... Sie händ alles kotrolliert und siehe da scho 5cm offä 🙈 danach händ mer eh zuegang welle legge... ich mit supper Wehe aber nüt troffä 🤪 dän endlich simmr übere in Kreissaal ... bin uf de Bode ghockt vo schmerze 🙈 den häns mich 3te ufs Bett treitt 🤣 und dan FB platz .. 3 Press wehe und Sie isch da gsi 💕 mir chömed jetzt scho wider Tränne 😥 am Sunntig isch es scho 1 Jahr her 🙈

    Uf jedefall loss uf dis Buchgfühl ... wäri ned is Spital gange den wär Sie filicht dihei cho ..
    Seinzige wo ich na becho ha isch Lachgass aber devo bini so PlämPläm gsi 🤪

    Ich finds schaad das wämmer kei PDA hät brucht den wird das überall gross gschrieb ....
    Wenns bruchsch isch doch glich .. also wärs bi mir ned so schnell gange de hätti eini wellä 🙈

    Hauptsach dir und dim Baby gats guet .
    . Und nachher chönder kuschele 🥰


Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum