Baby möchte nicht essen

Hallo Mamis!
Ich bi echt verzwiflet. Mini chlini Muus 9Mt. möcht absolut ke Brei. Ha gfange kha wo si ca. 4 monet isch gsi. Mengisch het si gessse meistens aber ned. Jetzt momentan nimmt sie absolut nüd meh ah und protestiert richtig drgege. Sie luegt immer weg wenn ich mitem Löffel chume oder shiesst ihn weg. Wenn si mal usnahmswis zmu uddued, denn spöit sis wieder use. Ha probiert ihre selber gmachte Brei zgeh wie oh scho fertigi Breis - beides erfolglos.
Ha denn ihre vom Tisch afa geh was mir so esse (eifach nid gsalzet z.b Hertöpfel) de nimmt sie de id Hand. Spielt chlei ume & das wars.
Sushd bechunnt sie nur MuMi. Ihres Gwicht isch eigentlich normal aber mache mer trotzdem chli Sorge. Ich weiss, dass dHauptnahrig bis zu 1 Jahr d‘Milch isch aber het sie ech gnueg? Bi exht verzwiflet und weiss nid was ich sushd no sell mache.. wot se ja au ned zwinge zum esse aber es laht mir ef ke Rueeh.. Hend ehr mer Tipps? Dankeee xx

Kommentare

  • De einzig Tip wo ich han isch, nimm Dir de Stress use und gib ihr MuMi. Han au so es Exemplar gha und han mich völlig veruckt gmacht. Bracht häts nur Träne. Jetzt isch er 4i und es git mer no Tög wo er fast nüt isst🙈. Wänns Gwicht stimmt nimms locker. Mini 2. Muus isch jetzt 8 Mönet und ich büt ihre Brei und Fingerfood a, mängisch gahts und dänn gits Täg wo sie nüt isst. Mach mir kein Stress me. Ich weiss es isch schwer, aber Du wirsch merke, dass es Dir und de Chline viel besser gah wird.
  • Es git Kind wo eifach nöd wänd, stress di nöd. Im 1. Johr isch Mumi sowieso dHauptnahrig alles andere isch weder än Muss no suscht öbis, sött Spass mache und wenn sie nöd wänd jo denn wänds nöd 😂 sie hät sicher gnueg und nimmt sich genau das wo sie brucht, vertrau ihre dött 😊 es git Kind wo sogar bis 2 nöd würkli esset. Biet ihre immer mol wieder öbis vom Tisch a, nimmt sies isch guet und wenn nöd isch au guet 😊
  • Mini Tochter isch 9 Mönet alt und het nie Brei wele. Vom Tisch gahts einigermasse mit esse sit sie 8 Mönet isch, vorher het sie immer gchötzlet. Sie isst ultrawenig, es paar bissli. Mengisch will sie au gar nid. Ich akzeptier das ez eifach so wel sie super zuenimmt. Chasch ja z.B. Regelmässig id MüBe zum kontrolliere, solang s Gwicht guet isch muesch der kei Sorge mache. Ah und ich stille au (eigentlich voll)😊
  • Mini tochter het bis si 14 monat alt gsi isch nur schoppe welle si het alles andere verweigeret. Seinzige wo mache chasch immer wieder abiete und luege was si macht. E kind kame in de entwicklig nur fördere, mache müend sis selber.
    Wenn sie parat für esse isch wird sie esse. Nur nit zu sehr deswege us de ruhe bringe lo. Das kunnt vo elei nur immer dmöglichkeite biete alles andere ergit sich.
    Ich weiss eifacher gseit als gmacht.
    Mini het user backezähn miteme jöhrig alli zähn scho ka aber esse nee jetzt isch si bald 15 johr alt und grösser als ich und isst wie e mähdrescher 😊
  • Bei uns ging's auch immer mal besser und schlechter mit Brei. Ich hab's einfach immer angeboten und wenn er nicht wollte, hab ich ihn einfach gestillt. Jetzt mit 13 Monaten hab ich langsam abgestillt und das Brei essen bzw. Essen vom Tisch in größeren Mengen kam von ganz allein. Mach dir keinen Stress. Ich würde sagen, dass die Kinder wissen was sie brauchen.
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum