Brustentzündung

Kommentare

• Moonpie87

  339

  4. 01. 2020, 19:13

  Huhu ich ha au scho eini gha. Für Fieber chasch äs fiebersenkends Medi nä...aber bi Fieber sötsch eigentlich zum Frauearzt, wil denn ischs ä richtig schlimmi Entzündig 🙄 suscht chasch Quarkwickel mache, vorem Stille Brust wärme ca 20min und nachem Stille immer küehle mit Quark oder Coldpack. Spannt Brust? Häsch än Chnubbel neumets? Und häsch das öfters? Wenn jo sött ä Stillberaterin mol luege warum, ischs Baby evt nöd richtig adockt und Brust so nöd richtig entleert usw.
• Moonpie87

  339

  4. 01. 2020, 19:44

  Wenn Facebook häsch chani dir Gruppe Mittermilch und Stillen empfälä...das sind alles ehreamtlichi Stibes und super geniali Fraue wo die immer helfet und super Tipps für evt zuekünftigi Problem oder au wenn ä eifachi Frog häsch
• taniia

  53

  4. 01. 2020, 20:28

  @Moonpie87 i ha gloub vorere wuche scho ne liechte milchstou gha, wo aber sehr schnell wieder furt isch. Hüd morge woni ufgstande bi het mr die recht brust sehr weh ta, jedi berüehrig isch schlimm gsi. Ha mr aber nid viel dänkt drbi. Ha dr ganz morge so chalt gha u mega kabutt gsi. Ha den mal fiebergmässe u isch 37.9 gsi u später 38.2. Ha den mal dr hebamme ahglüte u sie hed gseit i söll dafalgan nä u luege dassi so oft wie möglech chöig stille. Isch aber nid so eifach wes so weh tuet🙈 das mitem quark hed si o gseit. D brust tuet ez o nüm so weh aber s fieber isch no ufe uf 38.8. I hoffe isch bald wieder besser.
  
  
• taniia

  53

  4. 01. 2020, 20:30

  @Moonpie87 ah merci de luegi no i die gruppe ine. Danke😊
• Moonpie87

  339

  4. 01. 2020, 20:34

  Stille, stille und no me stille au wenns weh duet 😊 isch dini Brust rot? Wenn jo und Morn immerno so Fieber häsch, sötschs aber go zeige. Ich ha damals i de Stillpausene au i de Nacht stänsig so Coldpacks druf gha bzw im BH und die immer ustuuschet, das het mir am meuste gholfe. Ha sicher 3x än Milchstau gha und mega Schmerze bis ich usegfunde ha, dass die Stillbhs woni ha gha druckt händ, sit ich sie ustuuschet ha, ha ich nie me eine gha. Jo super wenn i die Gruppe gosch, sie isch würkli Gold wert. Es goht oft schnell bis sie antworte und telefoniere sogar mit dir bi Notfäll. Denn wenns ums Stille goht, sind Hebammene ebe doch nöd so informiert wie ä Stibe 😊👍 Gueti Besserig