Familienpolitik in der Schweiz

Ha grad das Thema geschter gha mit paar kolleginne..! Was denket Ihr so drüber? Findet Ihrs aok so wiis isch oder au de meinig währ schôn wenn sich was ändert?!

Im Vergleich zu anderen Ländern hinkt die Schweiz bei der Familienpolitik ziemlich hinten nach. Mit Ach und Krach wurde 2005 ein Mutterschaftsurlaub von 14 Wochen eingeführt.
Die Schweiz hält sich im internationalen Vergleich vornehmlich zurück bei der Unterstützung junger Eltern. Während die Hälfte der OECD-Länder eine Mutterschafts- oder Elternzeitdauer von mindestens 43 Wochen gewährt, kennt die Schweiz nebst dem Mutterschaftsurlaub von 14 Wochen weder einen gesetzlich geregelten und bezahlten Vaterschaftsurlaub, noch eine gesetzlich geregelte und bezahlte Elternzeit.

schaffe schaffe schaffe jo nit zviel fähle im gschäft, aber kitas voll übertüürt.vaterschaftsurlaub nur 2täg...!freuchheit so öpis.
P.s: Ich lieb schwiz :)..❤️...aber familiepolitik muess sich mau ändere,vorallem was vaterschaftsurlaub a goht.
Admin

Kommentare

  • Wer zahlt denn das? Weli chlii buude vo 3-6 maa/frau cha sich das leiste? Mir chönd meh stüüre zahlä oder chrankäkasse? Und min maa het 3 wuche ferie gno nach de geburt , will er 8monet vorher t ferie so plant het. Ganz ehrlich nach 3 wuchä han ich mich uf de alltag mit üsre tochter alei gfreut!
  • Und mir hend üs für es chind entschide wo mir gse hend mir chönd üs das leiste. Ich mue / wet nid sofort wider go schaffe. Mir chönd natürli nid i eim johr id skiferie , as meer und und und. Aber das hemmer gha und mir spared das mir i paar johr wenn die chlii au öpis devo het wider chönd go.
  • Bin de Stephanie 1987 irere meinig.
    Anderi Länder händ vilicht me vaterschafts/mueterschaftsurlaub aber lueget doch det mal anderi sache ah wo eifach total schief laufet. Ich glaub eus gats i de schwiz so guet das mer eifach nie zfride cha sie.. Die hütig Gesellschaft brucht eifach immer meh und meh.. Sind doch mal dankbar dasmer überhaupt bezahlte muetter/vaterschafzsurlaub händ.. I Anderne Länder gebärdet Fraue ufem fäld u schaftet gat witer.. Hehe ja ja ischmer klar das das öbis anders isch aber wiso?? Ich glaub wen die vo eusne Diskussione köred frögeds sich ob das euse ärnst isch hihihi
    Aber klar jede het sini meinig.. Mini isch hald gat chli härt.. Sorry für das anderi gsehnd das sicher anderst. Isch ja au guet so. Wer ja langwilig wen jede glich denkt :)
  • Grundsätzlich ishes guet so, aber bide unterstützig vo junge familie ish dshwiz hinedriih. Mir hend das selber erlebt. I ben mit 21 mami worde, min fründ het dazumal de job verlore, het emmer bewerbige gshrebe gmacht und da. Het aber langi zit nüt gfunde. Und mir sind soo it shulde gheit weli mit mim lohn ned alles allei han chöne zahle. Mir sind uf vershiednigi ämter gsi und eus het niemer ghulfe gha. Mini familie het swlber ned vell geld drum hend sie eus ned würkli chöne helfe/unterstütze und sini muetter au ned. De einzig wo eus shlussendli het chöne helfe ish min shwiegervater gsi. Er iah mit eus uf ämter cho. Und all hend gseit zersh familie und de fründeskreis helfe den de staat. Ja min shwiegervater het den finanziell das überno was mir ned hend chöne stämme i dere ziit. Aber sish happig wen jetzt niemer hesh wo dich finanziell bitzeli unterstütze chan. Chundsh kei hilf würkli über und gheish emmer meh it shulde..
    Also i ben jetzt 24gi alli shulde sind zahlt mir hend nix meh offe. Aber weni so zrugdenke happigi zit gsii..
  • Phu, dass isch es thema, wame glaubi nie die richtig lösig wird finde 😉.
    Ich finnds scho toll, dassme immerhin 14 wuche MU het. Ich gniesse jedi wucha mit minem würmli 🥰Was ich sehr schad find, dass kei Vaterschaftsurlaub git. Nit grat 14 wuche, aber vili 1-2 wuche, wäri doch nit zvil verlangt. Min freund het zur Geburt fo üsem sohn 1 tag bercho (und der heder im ernst vorher müesse igä!!!). Min freund het leider nur 4 wuche im jahr ferie & het denn zwei wuche grat nah der geburt igsetzt, damit er mier chli het chönne helfe & ich bi sehr dankbar gsi (het bi mier schlussendli en sek. Kaiserschnitt gigä & ha die erste wucha nit elei fom bett chänne ufstah, geschweige denn, zbaby vom bett use nä). Miner meinig nach wäri das doch nit zvil verlangt, we die väter ihre chinder au chli tarfe kennelehre.
    Aber äbe. Mächewer zbesta druss, us dem wa wier jetzt berchäme & gniesses darum umso meh. 👍🏻
  • also i bi sehr dankbar und eus gohts megaaa guet i de schwiz das esch e so..! i ha eifach mau so meinig wele wösse vo anderne☺️ het mi wunder gno..wel mir das letschtens ebe disskutiert hend und es git verschiedeni meinige. ich finde eifach das es vaterschafts urlaub au set gäh mindischtens 1 wuche wenn net 2 wuche...find das net korrekt..nur 1 tag...!!
  • Also mine Maa hed 2 Wuche gha letst Jahr und ich bin mega froh gsi heder au die Ziit chönne miterläbe. Klar es wehr scho toll wenn papis au sicher im Wochebett chönd bi de Mamis und ihrne Babys sii, wür vlt au d Spitäler und d Chöste chli entlaste🤔 aber ändere chömmer ned und müend so neh wes isch. De muetterschaftsurlaub dörft find ich 6 Mönet Beträge. Vorallem wenn ja d Who seid das mer so lang sett stille😊 Chönnt mer mit dem Argument äch ide Politik nüt bewirke😂😅?
  • Ich wär au defür 🤪 6 mönät für dMamis und 2 wuche für Papis 🙈🤣 das wär en Traum
  • Ich ha denkt das mitem vaterschafts urlaub isch unterschiedlich.. Also besser gseit chunt uf die Firma druffah.. Min fründ het e wuche Vaterschafts Urlaub becho vo de firma us.. Und het plus eini dezue gnoh wo sich selber eifach.. Finds scho toll wenn de papi au am afang mitem baby cha si und kontakt ufneh und beizihig binde.... Aaaabbber... Ich han kei ahnig vo politik 😁👀..
  • Ok, ich hoffe dasi grad nüt falsches sege oder au niemer mir bös nimmt, das thema isch echt nöd eifach. Ha mal öpis glese wo en elteri frau gseit het, für was brucht me de maa nach de geburt de chan eh nöd helfe, und das findi scho chli schad das chind isch ja nöd vo allei entstande isch. Manne gönnd go schaffe hend dette stress, muetter allei mit chind und den überforderet chind brüelt me weiss nöd wiso frau chan nöd alles allei mache, den chumt de maa vom schaffe gnerft und den gits stritt. Supper und kittas sind soooo tür, und es het würkli nöd jede mal es guets lebe es git immer wider schwirigi situatione und für alles mues me zahle, alles wird türer und den uf was söllemer süst no verzichte, kredite neh und nomeh id schulde cho, nei.. Schwiz macht sooo vill fürs land aber es isch nöd möglich alles perfekt zmache, aber es git gwüssi sache wome chönt andersch löse, die benker verdiene sooo vill wen nur 2% vo dene löhn ufteilt werdet, oder mal de lohn bliebe würd ohni kürzige vode ämter wemmer muetter isch, de würd chindergeld nöd nötig si für de maa, es bechumt ja eh nur ein elterteil das über oder?? Und kitas wiso sind die so tür, sorry2500. - und wen de lohn isch für 50% nöd grad 6000.- bide fraue amel nöd bi allne, also kei ahnig mir hends seeeehr guet da, me sött nöd mozze, aber es gebti sicher en anderi lösig
  • Mine maa het 4 wuche vaterschafts urlaub vom gschäft bercho und er het gseit es sig s best wo ihm het chönne passiere.. er het jedo sekunde so fest gnosse mit dr chline das het mer gmerkt und er het alles för eus gmacht jnd somit isch au för mich die ersti kennelern zit wunderschön gsi. I finde au es set greglet wärde uf sicher 2 wuche well es chind becho und en umzug uf ei wag setze findi gaht eifah ned🤷‍♀️
  • Also nid bös si: aber ich verstah so ussage wie: sind doch froh über das wo mir händ, früener hämmer‘s au gemacht, de Maa cha eh nid helfe, etc. nöd würklich. So bliebt eifach alles a de Fraue hange. Warum söttmer als Muetter und Frau nid meh fordere chōne? Grad immene riche Land, wie Schwiz, werded gueti Arbeitskräfte zwunge diheizblibe. Die andere Länder könnd sich sowas wirtschaftlich gar nid leiste. Das isch viel tüürer als Chrippeplätz, Vaterschaftsurlaub, etc.
  • Als vater chasch jo au reduziere! Aber denn hesch weniger lohn..denn cha t frau go schaffe.ob ide schwiiz oder italie ... de füfer und s weggli chame nid ha..
  • Es wär me möglich wenn mä a anderne Orte würd spare wo Schwiz sinnlos Geld usgit! Schwiz isch äs Kinderunfründlichste Land wos git, absolut hinne dri i dä Kinderbetreuuig, eigentli scho fascht ä Frechheit.
  • Wieso sollte ich weniger Geld haben, wenn wir beide betreuen und arbeiten? Es ist einfach ein Organisationsstress. Und der Fakt bleibt dann trotzdem, dass in der Wirtschaft auf gute Arbeitskräfte verzichtet wird. Halt einfach teilweise auf Sie und Ihn. Das kann’s doch nicht sein. Um es einfach auszudrücken: meiner Meinung nach würde die Wirtschaft / der Staat mehr als ein Weggli gewinnen, wenn Sie einen Fünfer in die Vereinbarkeit von Famillie und Arbeit investieren würden.
  • Also ich persönlich find 1 Tag Vaterschafts Urlaub en Witz. Mir hend e sehr Komplikations riichi Ss gha und nach de Geburt het min Sohn fasht 3 Wuche uf de Neo müesse verbringe. I ha zudem na e Tochter fasht 4ri zum versorge gha. Zum Glück, het min Maa na Überstunde gha und es paar Tag Ferie. Wüsst nid wie da susht hetti Selle funktioniere. Und i ha do gläse.. Erst chinder mache, wenn mers sichs chan leiste.. Ok stimmt ja scho. Aber mengisch bruchts nur e Schicksals Schlag und du hangsh ide Schulde. I bin nach mire 1 Tochter na 40 Prozent go schaffe.. Bin eigentli gratis go schaffe, wenn me berechnet, dass d Kita mit 90 Franke pro Tag au muess zahlt wärde. I gfind d Schwiz zimli Familie unfründlich und wie e vorrednerin scho gseit het. Sellets s Geld lieber für Sinnvoller Sache usgeh und d Familie Politik go understütze. Ich liebe d Schweiz, isch es tolls Land. Aber diesbezüglich, echt hindedri.
  • Also min Maa hed bi de Geburt vo üsne Zwilling dopplete Vaterschaftsurlaub öbercho.
    Statt 1 Tag, ganzi 2 Täg 😂
  • @MixUp 💪🏻😆
  • Mini erst Geburt isch 40h gange & min Maa hett denn no Minusstunde becho will jo nur 1 Tag zahlt bechunnsch😂👍🏻
    Die Usred mit: Wer zahlt denn da? Isch eifach usglutschet. Mir sind s‘einzige Land mit ÜBERSCHUSS a Geld. Die wönds eifach nöd zahle 🤷🏻‍♀️ lieber s‘Militär finanziere will mir ebe e Chance hettet wenn Chrieg wür usbreche 🤦🏻‍♀️
    Naja wie dem auch sei, bin scho recht enttüscht wie das so ablauft i de Schwiiz. Aber ändere chömmers eh nöd drum machemer eifach d‘Beste drus...
  • Die ussag „wer zahlt denn das“ chani ehrlechgseit echt nüm ghöre! Fendes echt trurig das me 14 wuche ok findet und daw de ma grad weder muess go schaffe.. i fende ide CH sind mehr seeehr hindenoche.. me bechunt fast ke hilf über und kitas sind übertrüret.. aber ew bringts net über das zsiskutiere leider.. bringt eh nüt.. i fend me set meh id familiepolitik investiere..
  • Und dann noch die asoziale Aussage, man solle erst Kinder kriegen, wenn man es sich leisten kann. Und was ist mit Denen, die es sich nie leisten könnten? Stellt euch vor es gibt Leute die tüchtig sind, aber einfach nicht genug verdienen. Sollen also die Ärmeren unter uns kein Anrecht auf Famillie haben? Finde ich sehr fragwürdig.
  • Jo das hani au dänkt die Ussag cha nur vo Lüt cho wo no nie unne duure hend müese, mitem goldene Löffel gebore sind oder eifach suscht extrem ernstirnig dur dWelt laufet. Es git Jobs do verdient me eifach nöd so viel und leistet viel me als mängä Bänker...wo genau die wo söttigi Ussagene machet vo dene Jobs profitiere...z. B Coiffuese, Bäcker, Bauarbeiter usw...söle die alli kei Familie dörfe gründe? So än Quatsch!
  • Da stimmi eu 2 @potztuusig und @Moonpie87 zue. Ha au no was wele shriebe aber die ussag het mi so sauer gmacht dasses ned guet cho wär.
    Und s andere ish, wie Moonpie87 seit, es geht soviel Jöbs womer ned vell verdient, aber enorm vell leistet. Vell wend au zersh Karriere mache und spare ect aber den sinds 35 und bechömed den s erste kind. (Kenne es paari wo das so planed worde esh, wederum kenni au es par wos erst den ihgshlage het. Aber meine die wo bewusst ersh ab 35 ahfanget kindr plane, fendi den fürs kind spöter au verruckt wens den heisst: ah bish mitm grosi am poste? Nei ish mis mami.) muss jede selber wüsse und ben au grad voll vom thema abgweicht sorry, aber sone ussag wegm leiste macht mi sauer...
  • https://www.vaterschaftsurlaub.ch

    ja für Vaterschaftsurlaub 2wuche
  • jupiiii 2 woche vaterschafts urlaub😊👍🏼
  • ENDLICH! 🥳🥳🥳
  • Ja en Tropfe uf de heisst Stei, wenigstens das!
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum