Geburtsvorbereitungskurs - wann und wo?

Hey Ladies
Hend ihr en Geburtsvorbereitigskurs gemacht, wenn ja wo und wenn?🙂Will ich ha mich jezz im KSBL Liestal ahgmäldet, de ish aber sho Next wuche, denn binni erst SSW 22, fast 23 aber ish de einzig wo no gsi ish, de Next wär erst um und nach mim Geburtstermin🤷🏻‍♀️😃

Sish mega frieh aber sish mir als erst gebärendi sho mega wichtig eine zmache.

Wie Hend ihr das gmacht oder wie machet ihr das? &‘ ich will Ebbe aau dött im Spital gebäre, wägg dem hani denkt am beste dött😊

Kommentare

  • Huhu ich ha eine gmacht und es isch mega witzig gsi 😅👌 tolli Gruppe gha. Ich bi dänn öbbe i dä 32ssw gsi, mä hät mir gseit vorher seig eigentli zfrüeh. Viellicht findisch jo no än andere...😊 Spielt findi nöd so ä Rolle ob dötte gebärsch oder nöd...mini Meinig 😊

    Aber eine mache würdi scho, es wärdä viel Froge beantwortet und je nach Kurs häsch würkli ä tolli Zit. Ich ha aber eine gmacht wo Fr Obig bis und mit Sunntig isch gange, hani sinnvoller gfunde als 1x än Obig pro Wuche.
  • @Moonpie87 Okay danke viel mol für dini Antwort😊 ja Ebbe finds aau mega frieh aber ish no rächt schwer öbbis zfinde wo passt, bin au sho länger am sueche. Ich lueg mol no wihter - dankeeee☺️
  • Hey
    Ech han damals mit de Hebamme wo mech den au im Wuchebett betreut gha het, en Geburtsvorbereitigs-Kurs gmacht gha.
  • Heyhey. Mine fründ & ich hei isch gägs e kurs im spital entschide, das zu dere zit nur kurse gä het, wo öppe an 3-4 abende oder ame ganze Wochenend stattgfunde hei. Das isch für üs chli zvil gsi (organisatorisch, da wier beidi 100% gschafft hei & ich nu im schichtbetrieb garbeitet han). Heind de i der 36. ssw eine mit üser hebamme gmacht. Sie isch denn 2h zu üs cho & het der kurs „abgkürzt“. Ha das supper gfunde. Isch echli ime persönlichere rahme gsi & hei isch denn au getraut alli frage zstelle. Zuedem hei mer üsi hebamma besser kenneglernt. Fer üs het das so am beste passt. Es git vili variante & es muess eifach ver euch stimme. Aber so en geburtsvorbereitigskurs macht definitiv sinn 👍🏻. Ich würd ne definitv au echli spöter mache (ich säge nur schwangerschaftsdemenz). Nu en gueti schwangerschaft 😉
  • No die anger sicht mir hei keine gmacht
    I has ou ned vermisst🤷🏼‍♀️ aber bi ou eher de mönsch das woni wott wüsse informierimi u das was ni mues si bruchi ned🙈 jedi geburt isch soo angers u eh angers wie vorgsteut drum näh wues chunt u so verstiftme sich ou uf nüt
  • Also ich ha keine gmacht ... und hät glaub au keine brucht 😂 es chunt eh fascht nie so wie du dir das vorstellsch 🤔 min wunsch wassergeburrt und gmüetlich entspannt -> schlussendlich sturzgeburrt .. 3 presswehe und hans grad na so in gebärsaal gschaft 🙈😂

    Wichtig isch nur immr guet schnuufä und so lang wir chasch ide wehe in bewegig blibä den chunt das guet 😂👌
  • Han au keine gmacht. Und has nie bereut. Wie d JennyHelin seid es chund eh ned so wes du dier vornimmsch😉 und han mich via lese uf d Geburt vorbereitet und es hed mier glanget. Aber ebe das Muess jedes für sich entscheide wenn dich dernah sicherer fühlsch würis mache😉👍
  • Au wenn Geburt andersch chund ala plant, find ech en Vorbereitigskurs na praktisch. Mer hend ja üse bi de Hebamme gha, sprich s'dritte bi eus deheime. Mer hend entsprechend viel chönne frage, zum Teil au Sache glernt, wo mer ned gwösst hend.
  • Danke viel mol für euri Antworte😊 jaa ich würd vorallem aau gärn eine mache, zum no anderi schwangeri khenne zlerne, will sish iwie gar nid so aifach und wär no cool denn nachhär aau lüt zha für gmeinsami unternähmige &‘ so.. das es sicher nid so khunnt bi de Geburt, wie meh sich das vorstellt, glaub ich euch sofort 😅
  • Ich han vili schwangri bim schwangerschaftspilates kenneglernt & han jetzt mit dene nu sehr en guete kontakt (mier gange zäme i trückbildig & ga käffele)
  • Bi somnä Kurs gohts nöd drum ä Geburt plane oder so. Für dMänner ischs würkli mega toll händ damals alli gseit, es beruhig sie und mä hät viel Froge chöne stelle. Mir händ Spieli gmacht, zämä gässä und üs eine abgrölet 🤣🤣👍 es goht au um viel Themene nach dä Geburt, ums Baby, um Finanzielles und ums Paar selber. Däzue lernt mä no neui Lüt kenne. dMänner händ am Schluss alli gseit, sie seiget froh händs da gmacht mit dä Fraue.
  • @Moonpie87 Ja voll so ähnlich hanis Ebbe aau khört und möcht unbedingt eine mache😊 &‘ ich dänk zverliere het mr nüt 😃
  • Genau, verlüüre chasch nüt und ich finde es isch au bitz anderst als äs Züg im Internet lese oder imnä Buech 😊 hoffe findsch eine wo dir passt und suscht machsch lieber eine zfrüeh als zspot 😂
  • Ich ha mit mim Maa en Hypnobirthing 1Tageskurs gmacht zur Geburtsvorbereitig. Ich het ihn nöd i meh bracht 🤣 Und den händ mir s glernte diheime güebt. Ich chas nur empfehle. Es het eus beidi enorm gstärkt und es vertraue geh i alles. Ich ha bewusst uf all Informatione verziechtet wos suscht so zu de Geburt git. De Grund isch xi dasi kei Angst devo bechume, was alles passiere chönti. I dem Hypnobirthingkurs wird ebe uf das verzichtet. Ich bin öpe i de 33 Wuche xi. Und Spital bini eifach amene Infoabig go aluege, aber de Kurs hani nöd det gmacht.
  • Jaa do ish min maa zum Glück anderst und losst mir offe, was ich gärn mache möcht, will er seit, ich muess gebäre, er will mi aifach so guet als möglich unterstütze😊 ish halt aifach au schwer, will mr beidi 100% shaffe. Mir Hend uns gesht jetzt aau verschiedeni Hypnobirthing kürs ahgluegt und wärde wenn mr no Platz finde im Mai so eine mache😊Danke viel mol für all euri feedbacks☺️
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum