Schwangere Umgebung Burgdorf

Hallo zusammen
Ich bin 27 Jahre alt und Schwanger mit meinem ersten Kind. Der ET ist am 20.07.2020. Wir kommen aus Heimiswil. Da vermutliche der Geburtsvorbereitungskurs abgesagt wird, bin ich jetzt online auf der suche nach gleichgesinnten aus der nähe.
Wäre toll ein paar kennenzulernen.

Kommentare

  • Hey, bi zwar nüm schwanger abr hesch ä guete ET (ha denn Geburi :))
    Mi erscht Sohn isch im Septämber 19 uf d Wäut cho, ds Burgdorf. Geisch o dert ga gebäre? Bi mega ds friede gsi.
  • OliOli

    29

    Symbol
    bearbeitet 20. 03. 2020, 21:18
    Ja i has vor, wär eifach gärn a die Füehrig gange aber ds isch aus abgseit wägem Corona. Mau luege obis genau uf den schaffe😉 wär ömu würk es tolls Datum. Ohh e Bueb😍 hesch dr eine gwünscht gha oder hets dr nid so e rolle gspilt? Hesch du bis am Schluss vou gschaffet?
  • Mir si ar Füehrig gsi, finge wär nid nötig gsi. Verpassisch nüt. Chasch zwar Gebärsääu ga aluege abr gloub wet när ide wehe bisch ischs dr egau ob weisch wis dert usgseht 🤣🙈Has nid unbedingt gwünscht, isch mir glich gsi. Hätt gärn mau äs Päärli 😅 du wünschisch dir ä bueb? Nei ha öpe 2 monet vor ET uf 50%reduziert u när ischer 3 wuche ds früeh cho. Ha auso no gschaffet a däm tag 😂
  • Bi zwar o nüm schwanger, aber o i ha mi erst bueb im dezember 19 z burgdorf gebore☺️ i bi o ar füehrig gsi u mues am tami_ rächt gä, s wär nid nötig gsi😅 uf dr internet siite chasch e virtuelli füehrig mache, da gsehsch alles😜 u bi mir isches ner o so gsi dass mir ner so scheiss egal isch gsi wie das zimmer hed usgseh, i ha vo luter schmärze meistens d ouge zue gha😂😂😂. Dr räscht vom ufenthalt hani super gfunde, s personal isch super nätt u hei mr sehr guet gholfe gha. Ha drum chli startschwirigkeite mitem stille gha.
  • @tami_ Auso vor dr SS hani geng gseit i wet e Bueb aber jtz spilts mir eigendlech garke Roue, mängisch dänki meh das u am nächste Tag meh das. Aber hät o gärn de mau äs päärli😍.
    Ds beruhigt mi we dr beidi säget dases nid nötig isch. Hei de öii Partner im Spital geng dörfe zu euch cho oder nur zu de Bsuechszite?
    Darfi frage aus was du schaffisch @tami_ oder gschaffet hesch?
    @taniia Und wie hesch dus gmacht wägem schaffe vor dr Geburt?
  • I ha bis 1Monet vor ET no 100% gschaffet. I schaffe ire Bäckerei als Verkäuferin. Ha aber ner nüm alles müesse mache. Dr letscht Monet hani ner nur no 50% gschaffet. 3 Täg vor ET bini ner dehei blibe. Ha ner aber no 11 Täg übertreit. Mir hei de müesse ga ileite is Spital. Am abe am 8i heimer müesse dert si. Mi Partner hed ner es Klappbett übercho u hed so bi mir im Zimmer chönne blibe. Paar stund später isches losgange u am morge vietel vor 11 ischer ner da gsi😊 mi Partner isch de aber am Abe hei ga schlafe u isch nüm bi mir blibe, da er am nägste tag wieder ga schaffe isch. Er isch ner jede abe nachem schaffe verbicho u er isch nie heigschickt worde.. Bi aber allei im zimmer gsi, weiss ni wies isch wed s 2. Bisch... I weiss eifach dass we dr houptigang zue isch me dr notfall igang mues benütze.
    Weme wott chame o scho einzelzimmer "bueche" das choschtet ner eifach ussert du bisch guet versicheret u s wird überno. U ou wed wosch dass dr Partner bi dir cha schlafe chasch ds bueche.
  • Ah de hoffi das mi Ma de ou cha ume si. Nei i bi normau versicheret, aber jeh nach azahl vo de lüt hets ja de einzu zimmer, hoffi ömu😉.
    Ah de heit ja dir beidi mega lang gschaffet. I wirde sicher im juni scho 100% krankgschribe aber o wägem lüpfe, stah u wäg de schleg, wöui ire Kita schaffe. Evt. Ou früecher afa zumne gwüsse Prozent, aber ds luge mr nah dis nah.
  • Isch bi mir o so gsi, vor luter schmärze d ouge meischtens zue gha 😂 personal isch würkli top gsi.
    Gloub bis am abe am 9i heter gemg dörfe bliebe im Doppuzimmer. U am Morge am 10ni wieder cho.
    Ha aus Hotelfachfrou gschaffet, auso no fasch bis am schluss putzt u so 🥴Mi Maa het ono äs Klappbett übercho, has Fruchtwasser verlore u isch när no chli gange bis d wehe si cho us los gange isch 😅
  • Ah aber finges super we si so uf eim igö. Ds beruhigt mi ömu. U wi ischs so di ersti zit mit schlafe uso? Heit drs guet überstande?
  • Am afang si d nächt scho hert gsi abr i has scho vrgässe wis würkli isch gsi... 😅 gibe dr ä tipp, schrieb soviu wie müglech uf vor erschte zit wot sichr nid wosch vrgässe 🙈
  • Im spital si d nächt nonid so toll gsi, ha den fast nüd gschlafe. Die erst nacht dehei drfür e troum, scho 5 stund am stück hettr gschlafe. Ez mit 15 wuche schlafter ir nacht scho 8-10 stund🙈 ja i ha es ahfänger baby😂😂😂
  • Ja im spitau si bi üs d nächt o nid gange abr i schlafe eh nie guet uswärts 😂Mir hei o äs afängerbaby 😅 hei gueti u weniger gueti nächt, das änderet säch geng chli... mau ischs dr schub, mau het mä riese hunger u itz sis grad zähn 😜
  • Ou zahne isch mega schlimm. Ah schön hoffe mis kind schlaft de oso düre🙈
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum