Einschlafrituale

Hallo liebe Mamis
In der Mütter-Väterberatung haben Sie mir empfohlen, mit dem „alleine einschlafen üben“ zu beginnen (Er ist etwas mehr als 3 Monate alt). Bis anhin habe ich einschlaf-gestillt, dies klappt nicht mehr. Im Moment schläft er nur ein, wenn er im Elternbett auf mir liegt oder ich ihn so lange wiege, bis er einschläft (er schläft meist nur bei mir ein). Tagsüber schläft er immer im Kindewagen/Tragetuch, da ich dann mit dem Hund unterwegs bin. Deshalb wollte ich Fragen, was habt ihr für Einschlafrituale? Habt ihr mir Tipps wie ich das mit dem Kleinen üben kann? Wie seid ihr vorgegangen?
Danke für Erfahrungsberichte 😊

Kommentare

  • Ha dir kein tipp aber finde das no viiiil zfrüeh zum irgendöpis üebe, würs eifach so wiiter mache wie bis jetzt ussert äs stimmt für dich überhaupt nöd
  • Ich singe meinem immer schlaflieder vor, streiche ihn über die Stirne und bleibe bei ihm bis er schläft. Das funktioniert abends gut,tagsüber nicht😅Durch denn Tag schläft er auch bei mir in der Trage oder jetzt (gottseidank) neben mir gekuschelt im Bett.

  • Hani ebe au so denkt....bin ebe au uberrascht gsi. Mich störte eigentli au nit, wies momentan lauft 😋.
    Vili heider mer trotzdem es paar ischlafritual 🤪
  • in däm alter isch das doch s perfekte ischloftual... mama kuschle & ischlofe, perfekt fürs baby...
    https://artgerecht-projekt.de/de/infos/schlafen.html
    do hets gueti artikel und büecher...
    mini isch 18mt und schloft immer no uff mir kuschelnd ii..
    und es isch guet so und blibt so, solang si das brucht & will... 😍düen vorhär immer zähnputze & büechli luege, stille & kuschle... aber bi so chline bruchts zähnputze & büechli noni... also stille & kuschle ☺️ich find du machsch das perfekt und würdes eifach so bibhalte...
  • Witer so, ihre das gäh wo sie brucht u für di stimmt 🥰
  • Finde das au viel zfrüeh 😱😱😱 wele Sinn sött das ha? Es isch doch es Baby und ischlofstille isch es natürlichste uf de Welt. Ich mach das mit gli 11 Monet no bi jedem Schlofe ussert mir sind unterwegs tagsüber, do schloft er im Auto i. I vielne andere Länder isch das 2 Johr lang normal...nur i de moderne westliche Welt leider nöd. Schad wird einem i de Schwiz so än Quatsch verzellt, es Baby mues nüt...es söll doch eifach nur Nöchi und Liebi übercho ❤️
  • Und Ischlofstille cha imfal au bi dir wieder klappe, es git Phasene wos nöd so klappt het au bi üs...🤗 Aber es Baby schaukle, kuschle und begleite find ich normal...öbis trainiere abnormal.
  • Müess sage, die beratig isch chli speziell gsi. Zum einte het si mier gseit, dasi wahrschinli bald muess abstille, will der chli zwenig zueg gnu het (er isch 64 cm und 5.9 kg schwer. Ja er isch nit der schwerst) und zum andre sött är jetzt scho elei ischlafe & en rhytmus ha... denn bini ganz verzwiflet use & han zerscht mal 2h heulend ufum bett ghockt & zgfühl gha ich si e schlächti mama. Jetzt wohni ewi meinige ghöre bini wirkli seeehr berüehigt! Ich wött minem chli eifach das gä, wo er brucht & han nit zgfühl, dass er elei muess ischlafe... und ich gniesse die gmeinsam ziit sehr & bi richtig enttuscht gsi, we si gseit het, er müess jetzt elei chönne ischlafe. Danke vil mal, dass ier mich da bestätigt heid!!!❤️🍀🌈Ah und inzwische bini bim KiA gsi & der het gseit, zgwicht isch tip top (er si uf perzentile 50) und er entwickelt sich wirkli super. Ich soll eifach uf miis gfühl lose.
  • Müetter und väter berotig ka ganz e gueti sach si wenn si gueti lüüt dört hend aber mängisch verstönd sis au nur müettere zverunsichere ha bi minere erste tochter au sone tolli berotig ka isch mir glich gange wie dir.
    De kinderarzt het mi denn au könne beruhige.
    Mir als müetter und vätere wüsse meinstens glich am beste was für eusi kinder guet isch mir kenne se au am beste.
    Drum wenn verunsicheret bisch nit verzwiefle hol dir e zweit meinige i.

  • Er isch 10mönät bi dir dinnä gsi 🥰 und den chammer das ned erwarte das er alei ihschlaft 😌 mini isch jetzt 14 mönät alt ... und ich Bade sie jede abe ..m de wird na gspielt und kuschelet und ej sie schlaft wider sit 2 mönät bi mir im Bett 🥰 !( hät vorher ih irem bett pfusset aber jetzt wot und brucht Sie mich wider ) und ich gnüss es au 🥰 so lang Sie na wot.
    Es gat doch so schnell verbie und den sind sie scho gross 😪
  • Ich finde das persönlich auch zu früh. Sowie du es gerade machst klingt es doch toll! Versuche meinem Sohn statt zu singen oft noch was vorzulesen. :)
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum