August-Babys 2020 🌞

2

Kommentare

  • Hey zämä, ig gratuliere euch aune ganz härzlich zur Schwangerschaft. 💕🤰
    Oh mir si überglücklich mit üsem zwöite, plante Bebeli schwanger zsi. 🥰
    Ig bi 27gi und mi Maa und ig wohne im Berner Seeland. Mir hei scho ä Tochter, wo jetz de im März 1jährig wird. 👧💓
    Üses chline Buuch-Würmli isch jetz scho 13 Wuche aut und dr ET isch planet ufe 31. August. Ig ha jetz de ire Wuche dr ETT und bi scho ganz ufgregt und hoffe aues sig guet. 😍
    Heit dir bi öich wöue wüsse wases wird? Mir drum bim erste nid. Und jetz bim zwöite Wunder si mir üs no unsicher öb mir wei oder nid. Würd mäs de überhoupt bim ETT scho gseh? Liebi Grüess
  • Üses erschtä Föteli 😍😍
  • Mir heis gester im spitau erfahre bi 16+2😍🙈 vorhär heimer e tendenz zum meiteli kah & het sech klar bestätigt67bad040-50f4-11ea-84bb-0391b1fbd15d.jpeg
  • Ich bin jetzt Wuche 15 und han letscht Wuche erfahren, dass wieder ein Bueb git 😍😎Alles sowit guet...
    Hend ihr au scho so en grosse Buuch 🙈🙈??
  • Ich bin au i de 15 Wuchä und chume au en Bueb über😊isch au min zweite Sohn, ja bi mir gseht mer de Buch scho guet😅mir sind am Näme suche finds grad so schwierig also wenn vo euch öper gueti Tips hät😅de grossi brüeder heisst Luis, wär schön würs chli zu dem Name passe😊
  • Gratuliere allne da ine!😗 mir wüssed s gschlecht nanig, bim ett hends na nix wele sege obwohl ich denk mer gsehts sicher scho oder?
  • Aso bi mim het mers ganz klar gseh... er hets aber au gad anegstreckt 😂😎

    Ja das Thema Näme... Maitli Name heted mer gha 🥴 aber bim Bueb werded wieder nöd einig 🙃 zum Glück hemer na Zit

    Was mached ihr Geburtsvorbereitend?
    Da ich ja en Kaiserschnitt wird ha... Bruch ich das ja nöd...würd aber glich was mache...nur scho zum anderi kenne lerne, ustusche und natürlich chli für Fitness 😉Mir chunt aber nur Joga in Sinn... was mached ihr so?
  • @HappyKugle ich wirde au wieder en KS ha, ha bi mim Sohn damals Schwanferschafts yoga gmacht aber det isch leider ned würklich so mitenand gredet worde, sprich ha det niemer kenne glernt🤷‍♀️suscht wüssti grad au nüt, es git i vielne spitäler geburtsvorbereitigskürs für KS abef da du ja scho eine gha häsch bringt dir dasvermuetlich nöd viel. Suscht fallt mir grad nüt ih...
  • also es gits schwangerschaftsyoga. aber mer chan eigentlich all sportarte wiiter usfüehre. natürli uf de körper lose. schwümme söt au na guet si, wobi ich mit wachsendem buchs bi de letschte ssw nüm so agnehm gfunde han. ich mach eifach krafttraining 😌
  • ha mou en anderi frog: könnt öpper vo üch schmärze i de schamlippe? wie muskelkater, ächt müehsam.
  • Nein ich selber kenne das nicht... aber schon gehört, dass es das gibt.
    Eine Kollegin, welche eine Krampfader hat, hatte das auch so wie du beschrieben...
  • d‘hebamme het hüt gseit, chönti vo de sech usdehnende gebärmuetter cho. weni gmüetlech loufe gohts 😉
  • hallo zämä, i bi 34i u usem Berner-Seeland. Mir hei scho ä Tochter wo ändi April 2-jährig wird. I bi mit üsem zwöite Bebe schwanger 🤰u dr ET isch am 17.08 planet. Sisch mini 4ti Schwangerschaft, zerste mau vor üsere erste Tochter heimer Trisomie 13 gha u letste Oktober no ä aport. Vor 2 Wuche hani leider no bluetige 🛌 gha. Am Bebe geits zum glück guet u i bi ou ume ufde Bei. Mir hoffe das blibt jtz so. I bi extrem Müed immerno, hoffe das leitsech no chli... wie geits euch?

  • Hallo sünneli85
    mir chöme usm kt.Bern & i bi mitm 3. chind ( äs meiteli🥰) ir 20.ssw😊bis uf liechti kontraktione geids üs einigermasse gued
  • Hallo sünneli85 so schön das freut mich für dich😍mir händ de ET au am 17.8... ich han au na mit dä Müedigkeit und leider au nachli mit de Übelkeit z kümpfe.
    Aber es wird immer besse😊👍
  • Hallo sünneli85
    Willkomme 😊 und witerhin alles Gueti
    Ich han Et am 19.8. und ich bin momentan au so unendlich müäd... aber wenn das seinzig isch... Bini froh 😊
  • Hoi Zäme
    Ich bin Cillia aus Winterthur und bechume 1. Kind .
    ET isch 21.8.2020 🤗
  • Hallo Cillia 🤗Ich bin au vo Winti.
    Willkommen i oisem Grüppli
  • Hey we gats oi so?
  • Hallo ihr Lieben
    Bin aus Winterthur, ganz neu hier im Forum... ich erwarte im August mein erstes Baby :#
  • Hallo Zämä
    I bi d Nicole, 30gi u chume usem Bärner Oberland⛰ I bi schwanger mitem erste Chind und üses Büebi het ET am 14. Ougust💙🥰
  • Ou man... ich has gfühl hane riiiiise Trommle und fühl mi we en Fisch ufem trochne... teilwis...obwohl i erst 5 kg zuegno han...
    Vorallem bim schlafe... entweder musi uf Toilette oder denn stramplet sMinimonsterli 😍so fest dass i vor Schmerze ufwache... 🙈🤕 eimal het mer de ganz Fuess gseh am Buch 🦶🏼😍

    We gats oi so???
  • Geit mir o so🙈 Är het letscht Nacht o rächt Party ka u mi chum la schlafe😜
  • Hallo Zäme ☺️ wie geits euch mit euchne chline Schätz? Nümme lang und de wärde die chline scho 6 mönet 😭❤️

    Mini chlini isch am 1.8. ufd Welt cho 🥰
  • Hallo Zämä
    Wunderbar😍 Mir hei am 13.8 es Büebi übercho u är isch e chline Strahlemaa🥰
    Zyt geit sooo schnäu verbi ungloublech🙈
  • @nic10 Du seisches. Es geit eifach vill zschnell. Ischs bi dir s erste?
  • Hallo Zäma, üs gohts in de zwüschezit au guet. Mir hen e zimmlich holprige Start ka 😣 aber jetzt gots au mir schu es zitli wieder guat.
    de chli isch am 23.8 per NotKS uf d Welt cho. i hoffe eu goht allne guet und ihr hen schöni Geburte ka.
  • @Lorina Was isch de passiert? Duet mer mega leid, dasder e schwierige start heit gha 😢

    Mir hei, trotz em fehlgschlagene iileite 12 Täg nach ET e schöne KS dörfe ha. Dasmau bini mit mir und de Geburt im reine ❤️ bim grosse hani lang lang dranne z bisse gha und au e wuchebettdepression gha.
  • @AnDu88 Ja äs isch mis erste Chind😊 Dis o oder hesch scho Chind?@Lorina O o das duet mir o leid!!🙁 Aber schön geits wider guet👍🏻I ha eigendlech e super Geburt ka u nume 3 Stund müesse chnorze🙈 Gägä Schluss hets du ono chli pressiert da dr Chlin nüm so het gatmet wie är hät söue u i ha über e Liter Bluet verlore u när hei si mi no mit Ise ufpäpelet😊
  • @AnDu88 und @nic10
    das freut mi, dass ihr schöni Geburts ka hen. I bin mir und minere Gschicht au im Reine, han bir ersta Geburt au länger z bisa ka, obwohl i dermol meh Komplikationa ka han. Chan mer aber nid erklära warum dass, das so isch.
    I freu mi eichach drüber, dass jetz alles guat isch und mir gsund sin.
    Was alles gsi isch isch fascht chli zvil zum per Handy do z schriba. i han aber do min Geburtsbricht gschribe, falls es öbber läsa möcht. freu mi über Kommentär.
    https://www.swissmomforum.ch/viewtopic.php?f=21&t=213625
  • @Lorina I has gläse u dir isch de gad gar nüd ersparrt blibe😔 Sone Schwangerschaft und e Geburt isch nid gad ging äs zuckerschläcke u mä cha nume hoffe das aus guet geit!! Bi froh geits dir ids wider guet u du bisch im Reine👍🏻

    Wie heit dirs de so mit Brei ässe? Klappt das o so guet? Üse isch e chline Frässsack u verschlingt das wie nüd😂🙈
  • @nic10 jo das isch würkich nid immer so es zuckerschläcke, aber ena alli gsund und über das sin mer glücklich.

    üse isst au mega guat. zmittag gmüessbrei und zvieri fruchtbrei.
  • @Lorina Oh mist, das isch ja es mega erläbnis gsi für di 😟 duet mer mega leid, dass das alles hesch müesse duremache. Bi froh, geits dir jetz guet und dases chasch gniesse ❤️

    @nic10 Mini Muus wett nüt wüsse vo Brei 🙈 het mi Gross au scho so gha i dem Alter. Er het nie Brei gässe.
    Si isst direkt vom Tisch mit und wett au alles selber is Muul stosse. Portione si halt no relativ chli deswäge aber das macht nüt 😄 dr räschte Stille mer halt no 🤷🏼‍♀️

    Wie schwär si üchi Schätz? Mi Bueb isch mit 6 mönet glaub schwerer gsi als sie jetzt. Vori simer uf d Waag gstande und si isch grad ca. 7,2kg. mit Body und Windle.
  • @AnDu88 Danke ☺️
    er het jetz 7.5 kg und isch biz schwärer als mini Tochter, wo si glich alt gsi isch.
  • @AnDu88 das gits haut das si kei Brei wei das hani scho meh köhrt u o mini Kinderärzti het gseit dases das git😄 I ha mi drum so gfröit ufs Breiele u äs hätti mi so agschisse we är nid hätti wöue😂😜 Aber hätti nüd erzwunge we si nid wei de wei si nid😊Üses Manndeli isch scho bir Geburt 4230g gsi🙈 Vor handerthaub Monet si mir bim Kinderarzt gsi u da isch är 8100 gsi😊 D Chleidergrössi 68 geit zum Teil o nüm u i miess im scho ds 74 alege😄
  • Hallo Mamis
    Wie loufts so bi öich und de Chline? Üse isch siteme zytli am afa krabble, rückwärts geits scho guet😜
  • Huhu @nic10
    Lauft guet, d Zit vergeit eifach wie im Flug 🥲 vill z schnell, i 3 Mönet isch üsi Muus scho Jährig 😭
    Si isch es sehr aktivs und fröhlichs Baby miteme zimmlech stuure Chopf 😄 Üse Gross machts au sehr guet mit ihre ❤️ si vergöttere enand sehr, aber strit gits zwüschine trotzdem 😂
    Nächst Wuche heimer d 9mt Kontrolle, bi gspannt wie si de d Impfig vertreit 😃 hend ihr d Kontrolle scho gha?
  • bi üs gohts au guat. er isst zwor zwüschdura nid guat und schloft schu sit öbbe 2 Mönet meeeega schlecht, aber das wird schu wieder. im moment machen min ma und i schichtbetrieb in de Nacht, dass mer je wenigstens öbba 4h am stuck schlofa chön 🙈dia gross machts mega guat mit ihm und si hen sich uh gern. er fangt jetzt a chrable, aber es klappt nonid so ganz.
    9 Monet Kontrolle hen mer endi Mai. bin au gspannt wia er d Impfige vertreit, aber bi dene wo er schu ka het isch es keis Problem gsi.
  • @Lorina Üsi schloft au nid super guet aber das isch i dem Alter normal. Si chunnt guet alli 2-3h. Es chöme au wieder besseri Zite 😄 guets dürehebe 💪🏼
  • @AnDu88 Säg nüd äs geit sooo mega schnäu🙈🙈 I hoffe üse cha de o mau grosse Brueder wärde aber ids dünkts mi no gad chli ds früeh u mir wei ihn no gniesse😄 Wägem schlafe chani mi absolut nid bechlage😄 Sit 2 Mönet schlaft är düre🙌🏻🙏🏻 @Lorina das mitem ässe isch bi üs o so🙈 Mängisch isst är viu und ufsmau gad nüm so. Är het chli müeh we grossi Stückli im Brei si😄Mir hei am 20 Mai d 9. Monats Kontrolle bi de gspannt wie gross und schwär das är isch😊 Bir erste Impfig het är keni beschwärde ka aber bir zwöite het är när chli fieber ka. Ids hoffi dases bir dritte o nid so schlimm isch🙈
  • U wie viel Zähn hei öiier? Die 2 unde het är scho u gli chöme die 2 obe😄
  • @nic10 Mir hei 4 Johr altersunterschied und für üs isches ideal eso. Weniger abstand hani nid welle und wär au gar nid bereit gsi für das.

    Ässe isch bi üs rächt guet, si isst alles solang si selber darf ässe aber stille duet si glich no hüfig näbebi. Mir hei jo direkt mit BLW agfange.

    Zähnli heimer die undere 2, aber die obere drücke scho langsam düre... cha also nümme allzu lang duure. Vor ca. 2 wuche het si die erste selbständige Schrittli gmacht ❤️ bi schön verschrocke 😄🙈
  • @AnDu88 Das isch sicher e guete abstand👍🏻 Mini Cousine het das o so😊 Aber i wirde o gli 32 u wet glich nid so lang warte🙈 I due ids de o probiere mit BLW ha ihm vori gad Brei gä mit rächt Stückli drin u das isch guet gange🙌🏻🙏🏻😜 I gloube das mit ufstah geit bi üs no es zytli😄 Är cha aber scho säuber vom Buch här härähöckle😊 U mängisch stuhne i glich wie schnäu das si öbis kapiere us gli druf chöi😍
  • Du seisches, plötzlich usem nüt use chöme sörigi sache 😂 und wie muetig und neugierig dass si si, eifach wundervoll ❤️
    Die entwicklig im erste Jahr isch scho wahnsinn - üsi Schätz si eifach es mega Wunder 🥰
  • Hey Mamis, wie geits euch mit eune Schätz? Mi Wirbelwind haltet mi ganz schön uf trab 😅 chas chum glaube das si scho bald 15mt alt isch, gfüehlt erscht gester isch si no so winzig i mine Arme gläge… 🥺
  • Halloo👋🏻👋🏻Wunderbar👍🏻 Üse chli Wirbelwind hautet üs o brav uf trab😅 Är isch am lehre loufe aber getrout sich no nid so frei ds loufe aber ar Hand geits tip top👍🏻 Mau luege wie lang das no geit😊 Eismau het är sich gad chli vergässe u isch paar Schrittli frei gloffe😄 Säg nüd äs geit ungloublech schnäu🙈🙈
  • Oh de geits de au gli los bi euch 😍 es isch es interessants Alter aber würklech sträng, nüt isch me sicher, muesch uuu guet ufpasse dass si kei seich macht 😅 und schlofe isch au es Thema für sich 🙈 bi froh wenni mau wieder chli meh als 3h am stück darf pfuuse 😂 Bi chli verwöhnt gsi mitem Gross, dä chasch lo mache und muesch nümme gross hindenoche oder helfe, isch e super schläfer mittlerwile und jetz fohts wieder vo vorne a mit allem 😂I glaube es 3. Baby wirds effektiv nümme gä 😂
  • Soo üses Stüngeli cha ids o loufe u macht das scho meega guet und sicher👍🏻 Ja äs isch sträng u folge ä schissträck u nume seich im Grind😂😂🙈🙈 Sit är 7. Mönet isch schlaft är düre🙏🏻 Darum ha i zum Glück sehr viiiu schlaf u cha mi nid bechlage😄 Was bi ihm eifach mega müehsam isch, isch das är sehr ä schnäderfräsige isch u nume Teigware und Kürbis isst🤪 Hoffe äs chöm gli das är mau no chli meh isst aus nume das🙈
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum