Unterleib Schmerze

bearbeitet 25. 04. 2020, 16:50 in Schwangerschaft
Hallo Fraue 👋 ,
Bi in de 6 ssw (5+1) und ha fast täglich aber immer am obe spot so uf die 11-12 unterleib schmerze wo ca. 15min goht und den sind sie weg. Het das au öper? Oder ka? ha viel im internet glese dases normal isch aber ich wird zur sicherheit am Zistig trotzdem no es minere FÄ verzelle und froge.
«1

Kommentare

  • Also ich has am afang au ksh.. Zwar hani nöd uf uhr gluegt wenn...
    Aber es het sich so ahgfühlt als würdet mini täg jetzt denn cho. 😁 Han am afang au angst kah bis mini FA mich beruhigt het
  • Ist es normal, in der Schwangerschaft Unterleibsschmerzen zu haben? Die kurze Antwort: Ja. Schwanger sein bedeutet nämlich auch Dehnungsschmerzen zu haben. Am Anfang können sich die Einnistung der Eizelle oder die Dehnung der Mutterbänder mit leichten Schmerzen im Unterbauch bemerkbar machen.
  • Ich han imfall au immer mal wider chli schmerze und irgendwie so en druck im unterliib. au vor allem am abiig oder weni länger nüt gässe han und hunger han. ich druck dir fest d dume dass dini untersuechig bi dinere FA guet verlauft und alles in bester Ordnig isch:)
  • Ah okei guet! Ich han morn scho die ersti untersuechig bi minere FÄ und wirds ihre sicher mol sage 😊
  • Meinet ihr das me öpis gseht morn? @Yul @Miette @Thea au wenn ich erst 6ssw bi? (5+3 morn)
  • Also ich denke en chline pünktli gsehtmer sicher.. Öpe eso (isch es bild. Vom google) 2065a3c0-7820-11ea-8e83-8b4bb1bcc058.jpeg
  • Aber sherzli wirsch glaubi nonig chöne gseh da isches eifach no viel zchli
  • Ich denke au, dassd öpis chlises gsehsch, aber s Herzli pöpperle gseht resp. ghört mer glaubs ersch ab Ahfangs 7. SSW. Aber trotzdem wirds ufregend und ich wünsch der ganz e schöni Erfahrig morn und dass alles sowiit guet usgseht 😊🥰
  • @Yul Ah okei danke ich gib euch den bscheid 🥰

    @Thea Danke 🙏🏼 freu mi sehr!! Und bi au mega ufgreggt! 😍🥰
  • Isch no chli früe ver zherzli zghöre. Aber den gsehsch din chli wurm zerst mal 🥰🥰🥰. Wunderschöni erfahrig. Viiil freud wünsch ich dier 🌈❤️🥰😍
  • Hallo Fraue ich wieder 😂 aber ihr sind eifach mini rettig! @Miette @Thea @Yul
    Ich han euch jo verzellt das ich regelmässig die unterleib schmerze ka han (was jetzt nüm regelmässig isch sonder nur no jede 2te / 3te tag). Mini FÄ het au gseit isch normal und isch alles ok.
    Jetzt mini frog! 😂: ab welleri SSW gönd sie weg? Oder besser gseit wie lang muess ich mir die schmerze mit schleppe? (Ich han ebe immer an starki Menstruations schmerze glitte und hass de schmerz so!! jetzt han ich wieder so schmerze eifach vo de schwangerschaft 😅🤦🏻‍♀️ und zum glück nit so stark wie frühner
  • Hmm. Bi mier is glaubi so bis öppe wuche 16 gange... denn we der chli en wachstumsschub gmacht het, denn hets wieder agfange zieh. Aber das isch kei schmärz gsi, eifach unangnähm. Aber ebe, das isch fo schwangerschaft zu schwangerschaft verschiede.
  • Ja isch wie miette seit isch glaubs zu schwangerschaft anderscht 😁👀 bi mir isches irgendwenn zwüsche 12 und 16 ssw weg gange, han aber ahgfange magnesium trinke. Frögsch dini FA, weg de mengi. Es chan Durchfall als nebewürkig geh 👀 (hilft au wenn versropfige häsch, hoffes aber nöd das die häsch)
  • Doch verstopfige hani au 😅 und mini FÄ het mir gseit ich söll Magnesium trinke und allgemein meh trinke oder mit Femibion ufhöre und nur Folsüre neh. (Will Femibion au isse enthaltet).
  • Ohh die versropfige sind de horror gsk die erst paar mönet, aber andreamag magnesium 300mg hilft super.. Frög mal dineri FÄ nach Natalben plus. De isch super het slles dine wo bruchsch. (ich chan zbsp kei fish esse ohni dassi muess erbreche 👀😂, aber natalben het omega 3 fettsüri.)

    Derfsch magnesium und Natalben plus eifach nld glichzitig ine will suscht de ise vom natalben nöd richtig ufgnoh wird wegem magnesium.
  • @Yul Oh sorry! ha di betrag irgendwie überseh und vergässe zrug schriebe!
    Ok danke 🙏🏼 wird ich nögst wuche minere FÄ froge ..

    Bi am samstig in Ssw 8 inne cho und ha sit gestert extrem Übelkeit 🤢 ha fast nüm chönne esse will mir scho nur bim esse ahluege schlecht worde isch. Was händ ihr fraue während so täg gesse? Ich ha au gar kei hunger .. @Yul @Thea @Miette @linskyy
  • linskyylinskyy

    165

    bearbeitet 20. 04. 2020, 10:52
    Ich mach mer amigs fasch chli sorge well s mer immerna so guet gaht. (hüt ide SSW 7 plus 3) Han fasch kei Übelkeit. Ab und zue nur ganz liecht oder en flaue Mage. Aber so richtig übel isches mir bisher nanig gsii. Isch da es schlechts zeiche??😕 so doof, ich wür mer fasch wünsche dases mer schlecht isch well mer ja seit dases em Baby ja denn guet gaht. 🤣
    Bin so droh weni am Donstig eeendli min erste Termin bide FÄ han.
    @mrsxrizzo ich han irgendwie nie was zmorge gesse vorher und merk jetz dasi am Morge doch was bruch weli susch wür zemeklappe. Mach mer jetz oft früschi Fruchtsäft us Orange/Kiwi/Banane usw. Denn mueni dennoch nüt esse und han viel Vitamin und Nährstoff wo Energie gehnd. Susch chani leider ned wiiterhelfe in Sache Übelkeit🙈
  • @linskyy Nei! Übelkeit seit über d schwangerschaft nüt also grad gestert han ich glese das 3 vo 4 fraue hend Übelkeit. Sig froh das sie nit hesch!
    Mir sind demfall glich witt bi hüt (7+2) isch ebe die 8Ssw. 😅🤢
  • @mrsxrizzo bin eigentli u froh dases mir guet gaht. ebe ab und zue mal bläht oder ganz liecht übel oder eifach chli es unwohlsii. Aber würkli alles vollig im grüene Bereich. Aber ebe, mer macht sich Gedanke wenn mer s ned gspürt und wenns denn doch mal zwickt hed mer au Angst🤣🙈 und filich chund d Übelkeit ja doch na cho verbiiluege. Ich probier dankbar z sii solang ich na kei allzu grossi Beschwerde han.
    Ja voll, mer sind fasch glich wiit. Han aber s gfühl dasi na es paar Täg zrugggstuft wird nachem erste Termin. Luut de Temperaturagabe hed sich min ES es paar Täg nach hindere verschobe gha. Am Do weissi denn meh🙃 ich hoff du bechunsch na paar gueti Tipps geg d Übelkeit (han mal ghört anere Zitroneschiibe schmöcke hilft)
  • Ich han nie übelkeit gha. Aber en kollegin het sogar wägs dehydratation ins spital miesse, will si dauern kötzlet het Sie het den eifach miesse alli 1-2h öbbis esse & denn is dra guet gange (het den immer es darvida im hosesack gha 😂). Susch nu itinerol kapsle, di wirke bi gwüsse nu sehr guet. Chasch derfoder FA lo verschriebe. Und natürli Ingwertee & chaugummi chaue 😉.

    Mini FA het mier gseit, dass bi einige Fraue zproblem si, dass si fasch echli zwenig regelmässig esse & darum halt der blutdruck nu meh sinkt & dass den übelkeit uslöst. Si het mer empfohle eifach alli 2-3h zesse, so dass der mage immer chli am schaffe isch (natürli gsund).
  • Min läbensretter isch de Ingwer Zitrone Icetea gsi vom Coop 👍👍 hät mer megga gholfä bi übelkeit .. und de na erfrischend gsi
  • @linskyy Ja luegsch mol was dir d FÄ seit am Donnstig wegem ES isch aber sicher au es Dezember Baby 😍🙏🏼 . Seht meh bi dir scho echli s Büchli? Oder erkennsch scho öpis am Buch?

    @Miette Ou oje 🤢 also ich trink viel egal ob Wasser / Caprisonne oder Zitronewasser, cha also nit dehydriere zum glück 🙏🏼 aber esse isch schwer und ich ha mir jetxt vorgno wenig aber immer wieder esse also so 5/6 mol am tag aber kleini portione. Anschienend sött Lakritze helfe und Ingwer tee hol ich nacher grad beides ind Apotheke 😅
  • @mrsxrizzo also direkt es Büchli gseht mer nani. Obwohl d Hose langsam unbequem sind. Filich ganz minim.Chönt je nachdem aber au nur ibildet sii will de Buch ab und zue bläht isch. Ade Oberwiiti hed sich uf jedefall scho viel gändered🙈
    Gseht mer bi diir scho es Büchli? Han mal ghört dases bide erste Schwangerschaft oft spöter z gseh isch als binere druffolgende Schwangerschaft.
  • @linskyy Also bi mir seht meh au nit viel und ich bi au immer ufbläht vorallem nachem esse😅 aber drfür mini oberwitti nimmt irgenwie jede tag zueh 😂 und ich ha scho recht Brüst ka vor de schwangerschaft 🤦🏻‍♀️🤷🏻‍♀️😂
  • Bi mir hät d Übelkeit i beidne SS vo SSW 8-13 ahghalte. Ha zum Glück nie müese erbräche, aber mir isch 24/7 schlächt gsi.. nix mit Morgeübelkeit 😄. Mir hät - isch no Winter gsi - Ingwertee sehr ghulfe und ich han regelmässig müese chlini Portione ässe. Das beschäftigt de Mage.
  • @Thea Ja voll bi mir hets ebe au erst jetzt ahgfange in ssw8🤷🏻‍♀️ hoff dases au bi mir nur bis ssw13 goht und nit meh 🤢. Ich ha Ingwer nit gärn trink defür Minze tee han glese duet au guet.
  • Also tönt vlt komisch abeeeer... 😁 Ich han immer grüeni suuri öpfel in schiebe gschnitte und mit biiitzli salz gässe.. Das het mer meeega ghulfe.. Machi hüt no eso.. Nüm weg übelkeite aber willichs liebe haha.. Aber ladys freu mich nega für eu ihr sibd no gaaaanz am afang.. 😍 Mir fehlet nur no 5 wuche und 4 täg... Und ich vermissses jetzt scho schwanger zsie.. Die zit isch soo extrem schnell verbi gange..
  • @Yul hahah ich han grüeni öpfer au gern! Aber nonie mit Salz probiert 😅.
    Ahjä? Hör das no mega oft z letzt grad vo minere kollegin wo s Kind in Februar uf d welt brocht het. S erste was sie gseit het isch gsi "vermisses schwanger zsii" 😅😍 wieso denn? Wer weiss vilt wird ich das au mol sage 😍🥰🙏🏼
  • Also ich hans leider nöd vermisst und ich wirds au dasmal nöd vermisse 🤷🏼‍♀️😄. Aber das gaht jedere Frau wohl andersch. Kulinarisch isch d SS so was vo blöd, me chan nüme guet Sport mache (va am Schluss isch mer so ihgschränkt), de Schlaf wo fehlt, ständig ufs Klo..
    s Einzig woni vermisst han, sind d Bewegige vom Baby im Buch. Das hani ez wieder 😃
  • Isch es normal das sit ich übelkeit ha, nur no süesses cha ässe? Süsses goht aber sobald ich salzigs ahlueg , schmöck oder due esse wirds mir grad schlecht. 🤢 @Thea @Miette @Yul
  • Das isch gschmack/gluschtsach... mit süssem muesch mir grad nöd cho 🤣
  • Ah okei 😅 ich mach mir eifach extrem sorge will ich ebe salzigs nüt abe bechum 🤢😣
  • Chan schoo sii 😁 probiersch eifach frücht esse und nid zviel süeßi kram.. Ich han extrem Heiss hunger ka uf mango.. Und mango isch gsund ha täglich 1 bis 2 gässe 😁
  • Ich ha fisch eig meeega gern, aber sit ich schwanger bin chani das nöd schmöcke es verdreiht mer de mage.. Genau so wie mite nüss hassi überalles.. Und fisch isch guet wegem Omega 3.. Han dafür avocado gässe wie verrückt 😁.
  • Ich denke nit, dass das die ganz SS über wird ga. Ich han e zit lang au kei kaffe chönne gseh & uf zmal hani mega luscht uf kaffe bercho. Iss eifach, was dier schmeckt (het mer mini FA au grate). Dine Körper seit dier de scho, weder eppis brucht 😉.
  • Fraue e frog ,

    Wie isches so mitm Partnerschaft-Stress , Stritt? Ich han in letzter zit oft stritt mit mim Partner er blibt zwar immer ruhig aber ich gang grad uf 200 😣 cha das ganze s Kind im buch schade? Mach mir grad mega sorge? Ich wird den au grad immer so warm und mir wirds schlecht vor ufregig ..
  • Ja das sind d Hormon, ich bin au viel ungeduldiger, isch leider ganz normal i de Schwangerschaft
  • @Jra_ aber gföhrlich fürs kind ischs nit oder?
  • Glaub nit dasses gfährlich isch. Isch ja eppis total normals, dass me mal strittet 😉. Bin au e richtigi dramaqueen gsi & han wege allem welle stritte 🤪. Isch denn irgendwenn verbi gange.
    Went aber durchgehend zimli gstresst bisch, würdis mit der FA aluege.
  • Lueg da wirds guet erklärt findi.. https://www.vaeter-zeit.de/vaeter-schwangerschaft/was-spuert-das-baby-im-mutterleib.php

    Ich bi au schnell vo 0 uf 100. Zum mich abrege gahni is zimmer und ließe en buech über Schwangerschaft oder wasi grad luscht han .. iss chli Früchte... Einfach ablenken und wusaaa mache 😁 redsch mitem Baby streichlisch din babybauch... Und bevor es wieder stritt git redsch mit dim Partner drüber dass dir Sorge machsch..
    Haha aber ich verstahn dich guet.. 😁
  • Ja isch scho durch gehen und mir wirds nachdem au immer schlecht .. ich frog morn mini FÄ han nähmlichfr zweiti termin.
  • Mir striited ständig! Isch au ide erste SS so gsi, aber es gaht wieder weg 😄 Ich glaube würkli, dass es grössteteils d Hormon sind!
  • Bi eus isch es umgekehrt gsi 😁🤭 ide Schwangerschaft hämmer gar nie gstrittä ... ich bin so wuuuusa gsi 🤭
    Bin aber eh zicke hoch 100% und chan ned uf sMuhl hocke aber ide Schwangerschaft bini en Engel gsi 🙈
  • Ich bin glaub amigs au chli en Zicke. aber so Afäll hani au vor de Schwangerschaft scho gha🙃 Da nimmt min maa zum Glück ganz locker :p
    Han momentan meh so
    Gfühlsuusbrüch dasi vo eim uf de ander Moment chönt loshüüle und denn plötzli wider total happy bin. kei ahnig😆
    @mrsxrizzo wie isch din Termin gsi? Druck fest Dume dass alles Bestens isch unds dem chliine Knirps guet gaht:)
  • 😅, bin ich erlichteret dases anderne Fraue au eso goht han denkt bin en kleine Psycho 🙈. Scho krass was mit unsere Körper passiert ich merk jede Tag verändrige, vorallem durch d'Hormone.

    @linskyy Danke fürs froge 😊 hanen aber nonig ka erst am 15:45. Freu mi au sehr druff!! 😍 freu mi vorallem uf e neus Ultraschall foti.
  • Also isch alles ok!! 🙏🏼 s fötus isch 2cm (8+3) und s herzli het me au gseh schloh 😍😍
  • Jöööööö 2 cm 😍😍😍😍❤️ und sherzliiii ich erinnere mich au wie fescht ich mich freut han uf min chline ihn szerstemal gseh 😍s muesch mal de App Schwangerschaft probiere.. De isch super 😁
  • Schwangerschaft plus
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum