Kinderwünsche im Raum Bern

Babsie · 2. 02. 2014, 21:33

Hey Leute da ich schon viele Beiträge aus dem Raum Zürich, Winterthur und ähnliches gelesen habe, dacht ich es wäre interessant zu wissen wieviele werdende Mütter und alle mit Kinderwunsch aus Berner Gegend hier anzutreffen sind

???

Shibasa · 2. 02. 2014, 22:12

Ig chume us dr nöchi vo Langethal BE

Babsie · 2. 02. 2014, 23:18

Schön, da sind wir aus Bern schon mal zwei, ich selbst bin Übrigens aus Thun

Shibasa · 3. 02. 2014, 11:20

Thun mini alti Heimat. Ach ja *in erinnerungen schwelg*

NiLe · 3. 02. 2014, 14:04

i wohne in heimberg, aber bi scho mami sit letste mai

Babsie · 3. 02. 2014, 14:15

Schön alle ganz in meiner nähe

Babsie · 4. 02. 2014, 11:40

@shibasa wo wohnst du jetzt ?

ConnyJ · 4. 02. 2014, 13:44

I bi ursprünglich usem kandertal u wohnä ids im emmital

Babsie · 4. 02. 2014, 17:16

Und seit ihr werdende Mamis oder habt ihr bereits Kinder?

Suenneli4 · 4. 02. 2014, 18:24

Hoi zäme i wohne o z Thun u bi 29gsi... Bi itz ir SSW10... Wet, di 3 Mönet wäre scho ume... Hmm! U bi öich, wi loufts?

Shibasa · 4. 02. 2014, 18:43

Ig wohne ta melchnau u ha morn dr erst Termin bir FÄ wäge üsem Buchzwärg

Babsie · 5. 02. 2014, 11:18

Ohh na dann viel Glück

Babsie · 5. 02. 2014, 19:17

Und ist schon was rausgekommen ?

Shibasa · 5. 02. 2014, 20:08

Üsem zwärg geits guet

geburtstermin isch 23.08

Babsie · 5. 02. 2014, 21:05

Das ist doch schön zu hören

die Zeit wird sicher so schnell vorbei sein bis es so weit is

Säri · 8. 02. 2014, 02:44

I bi mami vo re 4 mönet alte tochter, wohne bi herzogebuchsee und schaffe in thun:)

yojo · 19. 02. 2014, 13:03

Hallo Zäme, bi neu hie und ha nach 14 Monet Wartezyt vor 5 Wuche mis erste Kind gebore.
@Säri: Bi ou vo Buchsi ;-)

Shibasa · 19. 02. 2014, 19:31

Luschtig dases da grad 2-3 us mire gägend git

Babsie · 22. 02. 2014, 20:30

Hät gedacht gibt mehr hier aus dem Raum Bern

didem1983 · 22. 02. 2014, 21:11

Hoi zäme! Ich bi vo rüfenacht i dä nöchi vo worb bi 30 und bi eigentli vo züri hier her zoge bi sit september 2013 da. Bi im 14ssw freu mi mega mega uf mis baby am 27.8.14:-))

Shibasa · 25. 02. 2014, 23:49

I ghörä "leider" scho gli nüm zu dä bärner Mamis

Säri · 25. 02. 2014, 23:57

Warum?!

yojo · 25. 02. 2014, 23:58

Ja das isch haut weme uf SO züglet ;-)

Säri · 26. 02. 2014, 00:09

Eh da umenand isch doch alles s gliche:) alles nur e katzesprung vonand

Shibasa · 26. 02. 2014, 00:29

Yojo wieso weisch du das?

Säri ja das het öppis u mir gö eh nid au zu wit wäg

yojo · 26. 02. 2014, 00:31

Has im facebook gläse ;-)

Shibasa · 26. 02. 2014, 00:33

Äääääähhhhh hülfe! Wär bisch du?

Shibasa · 26. 02. 2014, 00:33

Ah i weis wär! Du bisch ä zwätschge

yojo · 26. 02. 2014, 04:11

:-) :-) :-) yoli :-) :-) :-)

Shibasa · 26. 02. 2014, 10:14

Hihi has när grad tachegget ;-)

yojo · 26. 02. 2014, 10:21

:-) i ha dänkt es git äuä nid so mängi frou in melchnau wo ir 14. Wuche schwanger isch. I gratuliere dir und wünsche dir ganz e gueti, schöni und beschwärdefreii schwangerschaft! UND aues guete zum Geburtstag :-D @):-

Shibasa · 26. 02. 2014, 14:28

Danke viu viu mau

! D wäut isch haut scho chliin

yojo · 26. 02. 2014, 19:44

Ja das isch sie :-)

Sternchen87 · 18. 04. 2014, 10:16

So be neu do ond ha denkt i schriebe au grad mol drie. Be 2 fachs mami 7/4 be us em raum langethal. Send jetzt am starte met em 3. :-)

Shibasa · 18. 04. 2014, 10:44

Hoi Sternchen87

willkomme hie bi üs

u toll wieder öpper us dr Region da

vo wo de gnau?

Sternchen87 · 19. 04. 2014, 10:31

Bin us rohrbach vo wo bisch den du genau shibasa?

Shibasa · 19. 04. 2014, 13:28

Wohne momentan no ts Melchnau

abem juni den in Fulebach

Sternchen87 · 20. 04. 2014, 10:33

Jo in melchnau fahr i no ab ond zue durre

bloom · 12. 05. 2014, 19:17

Hallo zäme

I wohne ds'Thun u erwarte mini Chlini am 30.06.14. Luschtig, wie viu vo Thun oder Necjhi da umeschwirre...

LittleMomToBe · 13. 05. 2014, 16:11

Salü Zäme. I bi au vo Thun xD Luschtig das so viu vo da si. ^^

bloom · 13. 05. 2014, 18:03

@LittleMomtoBe: Vo Thun säuber de? Wenn hesch dr Termin resp. wie wiit bisch itze?

LittleMomToBe · 13. 05. 2014, 20:03

@bloom: Ich wohne in Steffisburg.
Ich bin noch nicht schwanger aber der Kinderwunsch ist da.
Wir wollen noch ein bisschen warten, ab Sommer 2015 solls losgehen. :-D

Babsie · 31. 05. 2014, 15:36

Ohh hallo, wir wohnen jetzt im Gwatt draussen.
Wieso fangt ihr erst 2015 an?

Kinderwünsche im Raum Bern

Kommentare

Hey & Hallo im Forum!

Quick-Links

Kategorien

Alles zu Schwangerschaft, Geburt & Baby

Triff Mamas und Papas in:

Verpasse keine Neuigkeiten:

Entdecke unsere Aktionen: