Gynart Zürich 🌺

ZireaelZireael

440

bearbeitet 22. 05. 2020, 14:04 in Kinderwunsch
Hallo miteinander 🤗

Het öbbert vo eu au bald sin erste Termin inere Kiwu oder het scho gstartet? Evtl au i de Gynart Zürich?
Falls ja sind ihr zfriede?
Ich han bald min erste Termin.
Wür mi u freue über eui Erfahrige und sich echli ustusche☺️

Kommentare

  • Hallo Zireael
    Ich bin drü Jahr in Behandlig gsi i de GynArt ZH und bald chunnt oises erste Wunder ufd Welt.
    Musch eifach wüsse, dass es scho ächli ä Masseabfertigung isch, also ohni gross gspürsch mi fühlsch mi. Aber mich hätts nöd gstört bin ja dete id Behandlig will ich ha wellä schwanger werde was ja denn schlussendlich klappt hät. Wasi aber muss säg Termine sind immer topp gsi und ich ha selte gfehlt im Gschäft.
    Druck dir Düme!!!
  • Oh super das dass a Sprichschvweg de Termin, da hani mer immer Biz en Kopf gmacht. Demfall cha mer Termine guet uf de Morge früeh mache, si hend ja scho am 6:30 offe. Mini Ärztin het mi scho biz vorgwarn das es mit de Behandlug det😊aber es isch ok für mich wett au nur schnell Schwanger werde. Hesch du au e iui gmacht?Danke für dini Antwort🥰
  • Ich bin au meistens vor de 7:30 zum Termin so hani guet uf die 8ti is Gschäft chönne. Au Samstig und wenn nötig am Sunntig händs Termine.

    Ich ha mit drü mal IUI gstartet im 2017. Leider immer negativ gsi, ich würs nüm mache. Denn im 2018 ICIS gmacht wo positiv gsi isch aber leider hanis de i de 6. SSW verlore. Denn na en Uftauzyklus gmacht wo den negativ gsi isch. Im 2019 wieder ICIS wo Positivs gsi isch. Leider den en Abort kah i de 12. SSW. Denn de Uftauzyklus im Herbst isch positiv gsi und das wunder chunnt bald zu ois 🥰

    Hoffe bi Dir klappt d‘IUI 🍀
  • Hey Gratulier dir ganz herzlich und Wünsch der alles gueti 🤗 Ja ich glaub iui isch mal so de ersti schritt wo alg. gmacht wird . Bi mir und mim Maa händs gar nüt gfunde SG isch super und ich bin au uf alles Testet worde, ussert EL mueni na prüefe. Tönt uf jedefall super wie das klappt mit de Termine.😁
  • Ja genau, vor allem wenn mer kein würkliche Grund find macht IUI sicher mal Sinn. Druck der Düme 🍀
  • Danke viel mol, wünsch dir na e schöni schwangerschaft🥰🥰
  • Mis Gyn Art Baby lied grad i mine arme. 🥰Wie d belvita seit, du bisch zwar eini vo vielne aber qualität isch super und sie gönd trotzdem uf eim ih.
  • Hallo Zireael
    Wir waren auch bei Gyn Art. Ich würde nicht sagen, dass es eine Massabfertigung war. Unser Artz hat sich immer viel Zeit genommen, unsere Fragen immer geduldig beantwortet und unsere Sorgen hatten Platz. Wir machten ICSI. Vor 7 Monaten kam unser liebestes Kindli zur Welt.
  • Hey das tönt mega guet bie eu gratuliere eu allne ganz härzlich🤗Ich han bald mini erst Besprechig. Das wegem Massabfertigung isch mer eigentlich glich, ich will nur sgfühl ha das sie es guet machet. Aber so wie ich das ghör sinds echt super döt das freut mich mega😃i 2 Täg hani de Termin, bi scho ganz nerveus🙈
  • Sie machtes würklich sehr guet findi. Ich has immer au sehr gschätzt will’s ehrlich gsi sind und nüd verheimlicht händ. Au sinds uf mini Wünsch ihgange.

    Wünsch dir es guets Gspröch!
  • Danke vielmal🙏Wir den bscheid geh wies mer ergange isch, bi ganz nervös 🤣
  • Ohhh... verstah dini ufregig. Hesch lang müsse uf de termin warte?
    Ich ha damals glaub öpe 4 monet müesse warte. 😅
  • Ich han nur 1 Wuche gwartet, denn hani de Termin na müese verschiebe um 1 Wuche das isch ohni Problem gange. Viellicht hets damit ztue das ich grad vo minere FÄ überwiese worde bin😊
  • Bisch du det au zfriede gsi? Bisch schnell schwanger worde?
  • Ich be au vom fa überwiese worde. Aber wo mir agfange hend, sinds no sehr usbuecht gsi. 😅 das isch allerdings 2015 gsi. 🙈Ich be sehr zfriede gsi.
    Hmmm... ob ich schell schwanger worde bi?! 🙈 mer hend 2015 agfnge. Mehreri ICSI versüsch leider erfolg los. Insemination hemmer bim fa scho versuecht gha. Ich bi de endi 2016 a de punkt cho, wonni gseit han. (Ha no 5 uf i de gfrühri gha) entweder die werded öpis oder mer gänd uf. Tja gyn art schaffet über wiehnachte / neujahr ned. Also hemmer zwangspause gha. 🥰 de bini eifach so natürlich schwanger worde. 🤣 das isch üses 1. wunder.
    Bim 2. hets natürli weder ned welle klappe. Mer hend de weder Insemination probiert ohni erfolg. Die 5 i de gfrühri hend leider s uftaue ned überlebt. Hend de gseit mer mached no 1x ICSI e voila mis gyn art baby isch etz paar wuche alt. Het aso gad bim 1. versuech klappet.
    Werums bim 1. so lang gange isch weiss leider niemer...
  • Ok das isch chli blöd das die denn nöd schaffed. Ja au das i de Corona ziit isch sicher für viel päärli doof gsi. Für mich isch jetzt kirzarbeit super so hani ziit für die Termin. Gratuloer ganz herzlich zu dine 2 Chind🥰isch immer schöön so gschichze zghöre☺️☺️ Hoffe bi mir chunt au so es Wunder bald🙈 hend ihr den Ischränkige gha z.B spermigramm oder Du mit em ES? Oder het mer nöd gwüsst a was es liet?
  • Ganz en guete Termin Zireael 🍀 (ha im Swissmom Forum gseh das hüt de Termin isch).

    Eifach nöd ufgäh und probiere immer wieder positiv bliebe. Isch sehr schwierig amigs aber das bruchts.
  • Danke viel mal🙏 minere Psyche duets mega guet das ich jetzt in Behandlig chum. Ich has uu schlimm gfunde das ganze Jahr ab zwarte und selber hani gwüsst es gaht nöd. Bin froh het das es Endi und ich chan en neue Weg gah😄
  • Das isch so, mer chan den aktiv öpis mache und nöd nur warte. Das isch bi mir au immer so gsi.
  • Also de Termin isch super gsi, sgpräch isch recht persönlich gsi und Behandlig entspricht absolut mine Vorstellige. Bin sehr zfriede gsi ☺️☺️
  • Schön isch es so postiv abglaufe. Ich ha pco bi mim maa isch sowiit alles guet gsi.
    Hoffe ihr chönd bald starte. 🍀
  • Ich muen na paar untersüech mache aber den gahts los☺️☺️
  • Isch öbbert grad vo eu no aktiv bi Gynart?
  • Ah das tönt ja super 👍🏼 Freut mich dass positivi Erfahrig gmacht häsch.
  • Also ich muess nomal churz sege ich bin eifach begeistert vo dere Praxis😄 Find de Arzt nimmt sich mega viel Ziit für mich und nimmt mini sorge mega ernst. Hüt hani EL Durchlässigkeit gha und isch alles tiptop gsi😁
  • Helloo, bi zuefällig uf die Konversation gstosse, hets klapped ?
  • Ja ich und no paar anderi da i ne sind all Schwanger worde🥰❤️bi de meiste hets im 2 bi mir im 3te transfer klappt🥰mini chlii isch jetzt 5Mönet alt🥰
  • Falls Frage hesch ich beantworte si der sehr gern🥰
  • ahh das freuut mi megaa für euui! <3<br> bi die letschte 2 Jahr ide OVA IVF gsi und det nid eso zfride gsii.. 4 IUI gmacht, all negativ.. Und vor churzem hani mer e Zweitmeinig ihgholt bimene Frauearzt und de meldet mi jetzt für KiWu Klinik GYN Art ah.
  • Det bisch würklich guet ufghobe und es isch sehr Mänschlich det. Chann würklich vo allne det sege sind mega lieb. Au wens e Kiwu isch sie nemet sich mega Ziit. Weisch scho wend starte chach?
  • Also IUIs hend bi mir au nöd klappt. Ha au Ivf/Icsi viel entspannter gfunde. Iui hani immer ufeändig gfunde weg de Termine😅
  • Sprechstund hani etz mal am 6.12 und meh weissi nonig. Weg de termine? Weni so lis wies ablauft bi ivf, so vowege chunsh en terminplan über und den muesch 2 wuche flexibel sii…. Stell ich mir da mega kompliziert vor..
  • Schrieb der e PN😄
  • Hoi zäme

    Ich bi per zuefall uf oii Konversation gstosse. Ich startr au bald mit de icsi. Ich ha PCOS und ha drum schiss vor de überstimulation. Ich machs au bide Gynart z ZH. Hät öper vo eu ä überstimulation gha? Cha mer während dere ziit guet schaffe? Oder bspw au nach de punktion?

    Danke für eui hilf!
  • Ich ha während de stimulation und nach de entnahm immer ohni problem chöne schaffe (länkt au gad chli ab).
    Ha bim legschte mal e überstimulation gha. Ha au pco. Ich ha wie immer relativ viel eizelle gha bi de entnahm. Ha mich de zäme mit em arzt trotzdem für e transfer im gliche zyklus entschiide. Tja es het de igschlage aber gluchzytig isch halt d überstimulation cho. Churzum es isch kei schöni sach gsi. Aber mini „überstimulation“ wird bald 3 und somit hets sichs glohnt.
    Aber i de regel ratet d ärzt dezue wenn vieli eizelle ume sind, dass mer erst im nöchste zyklus e transfer macht und de gids au eher kei überstimulation.
    Uf jedefall alles gueti und du bisch i guete händ. 🍀
  • Ich ha au e liechti überstimulation gha. Bi au i de Gynart gsi. Ha mi mit em Arzt entschiede de Transfer glich zmache. Mir isches immer guet gange, ha guet chöne schaffe. Ich wür viel Eiwisshaltigi sache esse und würklich viel viel Trinke. Mini chlii isch jetzt 8 Mönet alt🥰
  • Hallo zämme
    Kurzfassig: sind sit über 2 jahre a de kinderplannig, diagnose warum es nöd klappt isch dass min mah bi de spermie über 90% antikörper het und sind jetzt inere kinderwunschklinik bi Koppeli (wo ich nöd so zfriede bin) und hend scho 2 inseminatione gmacht - ergebniss für die 2 insem. hani denn i 2 wuche.
    Ich han no nie e eileitigdurchfüehrig gmacht und leider muss ich immer uf ärztin zue gah wil sie vo allei nie was seit. Ez hani mich informiert wunschklinik wechsle und bin uf gynart gstosse. Sind demfall döt mehreri ärzt? Wil lut website isches sehr chli wo mich au verunsichert het.

    Danke für rückmeldigige🥰
  • @Liraa Ich bi sehr zfriede gsi det gsi und sie hend immer für eus Ziit gha. Han au die Gspräch sehr persöndlich gfunde und ha au inmer chöne mittede. Au wenn mal öbbert i de Ferie oder Krank isch het de ander Arzt grad gwüsst umwas es gaht. Finds ehrlich gseit fast besser als es riese Team wo unüberblickbar isch und niemert vom andere.
  • Sie machet au scho 6:30 uf das han ich mega guet gfunde zum schaffe.
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum