Abnehmtipps/Abnehmerfahrungen..?

Ich brauche umbedingt tipps für eine gute Abnehmdiät, nach 2 Geburten purzeln auf einmal die Kilos nicht mehr runter, trotz vielweniger Essattacken 🙈......

Kommentare

  • Goht mir genau glich nach de 2 Geburt god mi buuch eifach nömme wäg🙈
  • Ich wür sicher versueche meh Eiwiss zesse viel Gmües Wisses magers Fleisch wenige Kohlenhydrate(weniger, ja nöd druf verzichte!) und meh Bewegig. Es chan der guet helfe mal Kaloriezähle dami ungefähr weisch was und wie viel du issisch. Ernährig umstelle langsam find ich am beste ich wür uf jedefall kei eisiitigi Diäte mache.
  • Ich versueche sit 7 mönet, also sit de geburt vo minere chind z'abneh. Han ganz blöd diätene gmacht. Vo oktober bis dezember hani mit dukan diät abgno( sehr ungsund !!!) Bin vo 108 kg abe uf 96. Im Januar isch min papi versorbe und da hani i mich inegfresse wie blöd und ha zuegno bis 109 kg. Sit april bini dra mit abneh allerdings mit trdm viel Kohlenhydrate & viel z'viel süesses und wiege momentan 103 kg. Sit 1 wuche begleitet mich e Ernährungsberaterin uf mim weg zum abneh. Sie het mir zeiged kah welli lebesmittel ich meh zu mir neh söll ( Frücht, Gmües und meh Eiwiss) welli eher weniger ( Kohlenhydrate allgemein weniger und Pasta versuech so guet wies gaht z'vermeide) und welli lebesmittel nur selte ( süesses & fastfood)
    Allgemein het sie mir de tipp geh weniger ufd Zahl wo uf de Waag staht zluege sondern meh uf z.b wie sich de körper ändert oder ufd z.b Hosegrössi usw.
    Au het sie mir de Tipp geh Olivenöl statt sunnebluemeöl zverwende.
    Wichtig isch au das mind 3 mal am tag esse duesch und nöd all zu spat am abig. Uf Alkohol und süessgtränk verzichte bringt au viel, die hend nur unötigi Kalorie wo mer nöd brucht.
    Sport machi allgemein nöd viel, gah täglich mit de kids go laufe und 2x i de wuche am abig wenn sie schlafed workout üebige ( schalte uf youtube öpis ih und mach eifach die üebige) Sust gahni amigs zu mim Mami, sie luegt uf mini Chind und ich nimm ihres Velo und fahre im Wald umenand.
    Es isch völlig OK mal sündige und schoggi esse, eifach motivation nöd verlüre und witer mache.

    Sorry falls de text bizli durenand isch, bin glichzitig am Bügle, schriebe und mini Chind unterhalte 🤣
  • @dina mis herzlichste beileid!😞

    Weiss au ned viellicht bruchi au eifach chli me motivation zum gsünder ässe, wil mit de chinder bini au sehr viel unterwegs unddiheime het mer au immer epis ztue also isch mer e scho de ganzi tag in bewegig 🙈
  • @lina ich ha als motivation uf mim handy als Hintergundbild, mich woni no 30 kg weniger gwoge ha. Sprich ich gseh min "wunsch" jedes mal wenni ufs handy luege und den wird mer wieder klar wieso ich mini ernährig umstelle muss.
    Durchs tägliche laufe und husaltsarbeitene verbrennt mer au scho recht viel Kalorie.
    Ich ha früher extrem viel sport gmacht und bruch das eifach wieder. Bin mega oft go schwümme aber mit minere momentane Figur schäme ich mich eifach en Bikini azieh🙈
    Mer schaffed das scho, nur kei stress 💪
    Luki_Christen
  • Von Diäten halte ich persönlich nichts. Ich mache schon seit längerem Intervallfasten. 16h fasten und 8h essen. Funktioniert bei mir prima und ist auch generell sehr gesund. :)
  • Ich ha 87 Kg gha und nach 1 Jahr bini na bi 72 Kg. 4 Kg plus sit vor de SSW gschafft mit gsunder Ernährig und Sport ohni Hungere und ned z wenig gesse. Es isch wichtig was mer isst und sett luege dass mer sich au mal öppis gönnt abr in Massen;)
  • @lina: Ballaststoff si sehr wichtig zum Abnäh. Sie sättige guet u si o süsch guet fürd Verdauig. Wenn de gnue Ballaststoff issisch, hesch weniger schnäu Hunger und nimmsch weniger Kalorie zu dir. Hoffe, das hiuft.
    Liebi Grüess
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum