Brei selber machen oder aus dem Glas?

Wer macht selber den Brei und wer kauft im Glas? Was findet ihr besser?

Kommentare

  • Also am Ahfang hani sälber gmacht ... da mer ja ned viel brucht und Sie niemals 1 ganzes Glas ässed ...
    Alles weich koched und püriert👍 gat ganz schnell (breichocher isch überflüssig ) find ich 😆

    Dennmit so 8 Mönöt hani de au ab und zue es Glässli gnoh... für unterwägs oder wenns mal Fisch hät gehv😁

    Aber Glässli sind hüt so guet gmacht ...
    Oder ich ha viel gmüess sälber gmacht aber Fleisch im Glas kauft...
  • Also ich due alles selber koche. Due au gwüssi Sache igfrühre. Finde isch kei grossi Sach, da ja sowiso immer Gemüse oder Frücht dehei hesch.
  • Ich han zwar erst grat agfange, aber han jetzt alles kocht & igfrohre 👍🏻. Isch ja sehr schnäll gmacht.
  • Ich mach au alles selber und friirs i. Ich han aber au Zit. Ich dänk für Lüt wo voll müehn go schaffe,isch es sicher eifacher gläsli kaufe,so hänn sie mehr Zit fürs Kind😊
  • Am afang hani selber gmacht, hamer müeh geh aber er hets verweigeret...egal weles gmües oder frucht. Ha den kaufti probiert, s gliche 😅 naja de hemmer halt uf BLW gwächslet und das isch super gange. Ha den eifach woner bitz älter isch gsi (10mönet) zwüschine es Gläsli kauft, die wo stückli dinne hei gha. Isch halt praktisch für underwägs und schnell kauft, bechunnsches ja fast überall.
    Finde beides ok, ob selber gmacht oder kauft. Bim selber gmachte weisch genau wies isch gmacht worde und was alles dinne isch, bim kaufte bisch bitz flexibler find ig, me hets schneller griffbereit, je nach dem.
  • Also mini isch jetzt mitlerwile 16 Mönät alt .. und sie isst jetzt komplett vom Tisch sit sit sie öppe 1 Jahr alt isch ... also ich chochä für alli 1 Mahlziit ..au Gwürzt und so ... wie mached ihr das ?
  • @JennyHelin I has so gmacht wie du... er het früeh vom Tisch mit gässe. Ha eifach vill schwächer gsalzet als normal und mir hei nach bedarf no üses noche gsalze.
  • Min Sohn isst au mit vom Tisch sit er 6 monet isch,bechunnt aber no sini Brei.
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum