darfme währendem stille sushi esse weder?

darf me eigentlich machem
gebähre..also währendem stille wieder sushi esse und rohesfleisch ect..? eifsch alles wo me währende schwangerschaft mer het dörfe , darf me weder ??

Kommentare

  • Mini hebamme het gseit dass me praktisch alles wieder cha, (ussert alkohol und tabak natürli) aber uf rohkost wenn möglich no verzichte wells eifach e höheri gfohr darstellt. Also rohi eier, rohs fleisch, rohe fisch... aber i denke im allgemeine muesch du das selber entscheide 👍🏼 isch jo s gliich wie mitem blähe, die einte seged es goht über i d muettermilch, die andere nöd. So ischs au mit chrankheite.
    I wäge selber immer chli ab. Wenni vonnere würklich guete qualität überzügt bi, chunts in frog... aber bis etz hani uf rohs fleisch verzichtet. Nur rosa.
  • hmm okey..! jo i ha eifach sushi mega vermisst😍 und eifach mol en steak medium 😍...ha denkt evtl. dörfi weder esse mach de geburt...! ich würd ebe so gern stille so lang es goht sicher 1jahr.
  • Du dörfsch ALLES esse, nüt sävo goht i dMilch übere ussert Nikotin und Alkohol aber au Alkohol dörfsch mol äs Glas Wii. Es isch än alte Mythos das Blähendi Sache usw i dMilch übere gönd wil Brust isch keis Entgiftigsorgan und dMilch wird durs Bluet produziert. Würä blähendi Sache dött dri go, wäre mir dur dLuft im Bluet tod 😂😂🤭 au rohi Lebesmittel sowie Sushi dörfsch du jedezit esse. Än Guete
  • jupiiii sushiii 😍😍😍 ...
  • Ig issä Sushi und stillä voll 👍 Ä Guetä 🙂
  • i han 5 Täg noch da Geburt Sushi ka.🤣
  • I stimme zue, Sushi sött kes Problem darsteue. Natürlech isch wie bi aune rohe Sache ufd Früschi z achte, aber das isch ja nid nur ir Schwangerschaft so.
  • Ja, kes Problem 👍
    Luki_Christen
  • Wie gseds den mit Koffein us also Redbull😅😅😅
  • @samira. nei redbull söttsh nid trinke
  • Danke für schnelli Antwort 👍🏼
  • also du döffsh e gwüssi mängi an Koffein zue dir näh, ha gläse nid meh wie 300mg aber nid alli babys sind glich dänki paar sind sensibler..
  • @samira.mini hebamme het mir gseit 2 kaffi am morge isch kei problem. Mi Kind isch bald 1 johr und ich still ihn nur no in dr Nacht,trink redbull bis max am 17.00,und es het kei uswirkig ufs kind😊
  • Glaub jede baby isch da anderscht 🙈 kenne öpert wo redbull trinkt und glichzitig stillt und das baby isch sooo nervös, findet de schlaf nöd und brüellt sehr viel😔 ich würs nöd empfehle

  • b03db540-fbe8-11ea-97a9-338cbfcdfac0.jpeg i ha mau das trunke vor 1monet hälfti de habi glese was druf stoht,dases für schwangeri und stillendi nicht geeignet isch. has den natürli nümm witer trunke aber hey scho das het glängt mini chlini isch sowas vo unruhig gsi. si isch so müed gsi aber het net chöne schlofe so brüelet het si😔...! ( a jo nur das rosarote vom vitamin well isch ungeeignet, die andere chame trinke)
  • Oh ja ish mengish so das es sache git wo me meint sie oke und den doch nöd😂
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum