baby 7monate weint, bei fremden, und im auto vor dem einschlafen

aleksandra · 13. 09. 2020, 02:49

Hallo zemme, min chline isch jetzt 7monet und het ahgfange brüele wen er anderi lüt gseht wo er nöd kennt oder scho länger nöme gseh het, ich glaube dasnisch frümdele. Zuesetzlich isch es mega schlimm bim autofahre, er chan höchstens 10min rihig sie und den fangts ah mit brüele ich han ahgfange in lah brüele für 10-15min de chanis nöm ushalte süst fangi au ah brüele de nimmi ne und beruhig in. Wie hend ihr da so erfahrige mit brüele im auto und främdele, hört das mal uf oder chamer öpis dagege mache

AnDu88 · 13. 09. 2020, 07:37

Oh i füehle mit dir, isch asträngend 🙈
S Fremdele isch ganz normal und au e wichtige Entwickligsschritt, das wird entweder ganz verbii go oder eifach besser wärde. Es git chind die wärde immer zrugghaltend sii, mi chli het das hüt au no mit 4i... er brucht meistens e moment biser ufd lüt zue geit wo zu üs hei chöme oder wo mir z bsuech si.

S Schreie bim Autofahre kenni sehr guet. Mi gross het vo Geburt s Autofahre ghasst..scho nur is Maxicosi ine legge het glängt. Er het so fest brüelet biser violett aglaufe isch 😔. Has denne vermiede autozfahre, vorallem allei. Bi üs hets gholfe wenni ihm währendem fahre (aso i bi nid selber gfahre 😅) de Schoppe ha chönne gä.
Mir hei de schnell mol ufne andere Sitz gwächslet - ufe Cybex Sirona M-Isize, dä geit eigentlech scho ab Geburt bis 4 Jöhrig. Isch au rückwärts grichtet und ab 1,5 jährig chönnt me ne id Fahrtrichtig dräie. Vilicht wär das e Option, wenn der ufne andere Sitz würder wächslet? Bide Zwergperten chame de sitz au usprobiere, vilicht au miete zum Teste...si mache super Beratige und hei nur Sitze wo au würklech gueti Testergäbnis hei.

Guets durehebe ❤️

aleksandra · 13. 09. 2020, 09:05

Wie lang hesch den de chline am stuck brüele lah ohni ah halte?

AnDu88 · 13. 09. 2020, 09:19

Nid lang, das si vilicht 5min gsi..aso bisi d möglichkeit ha gha zum ahalte. Er het ebe au de kei luft me becho bim brüele wäge sine Affektchrämpf woner het gha. Ig bi ebe i dene Situatione au unsicher gfahre und ine mega stress ine cho bi. Ha sogar e chline Unfall baut wäge däm...bi bim Wende ine grosse Stei ine gfahre 🙈😔 zum glück isches nur e Stei gsi.
Aber ebe di chli isch au bitz älter als mine denne isch gsi.

aleksandra · 13. 09. 2020, 09:47

Ohjeeee sooo schlimm, ja zum glück isch nöd öpis schlimmers passiert.

Mine brüelt au megaaa schlimm, getrau mi fast gahr nöd in so lah brüele und ebe han den au angst das er kei lift meh den mal bechumt, demfal bini nöd di einzig wo mühe mit dem het.

Gaht das den mit de zit besser? Wie isch es bi dir jetzt und ab wenn het sicj das den ahfo bessere??

AnDu88 · 13. 09. 2020, 10:39

Nenei, das gits schiins no öfters, dass chinder nid gärn Autofahre.
Ebe ig bi de eifach nur no für gaaanz churzi streckine allei mit ihm gfahre und süscht nur als Biifahrer so dasi ihm de Schoppe ha chönne gä währendem fahre, oder ihn ha chönne beschäftige.

Wo ig de Sitz gwächslet ha isches besser worde. Er het denne zwar immerno zwüschine Brüelet aber nümme so fest. Und mit ca 1,5 Jährig isch de guet gsi.

Tanja87 · 17. 09. 2020, 09:05

Eusi Chliini hed au im Maxicosi immer es meega Geschrei gha😣 wo mier denn uf de Sitz gwechslet hend isches schlagartig besser worde👍

Pheobee · 17. 09. 2020, 13:07

Mer hend au s‘Gschrei im Auto😖 Sie cha i dere Position eifach nöd ischlofe und fangt denn halt a brüele. Sie schloft ebe nur ufem Buuch alles andere got uf kein Fall. Döri froge öp eui Chind au Buchschlöfer sind? Cha Zuefall sii aber die wo mer bis jetzt gseit hend s‘Chind schreit im Auto sind alles Buuchschlöfer gsii...

aleksandra · 17. 09. 2020, 21:35

Mis chind isch eher siteschlöfer, aber allei ihschlofe isch für in ebe nöd schön es muess immer öper hinde hocke, ussed er isch zu büed de muesi im entspannigsmusik laufe lah den schloft er ih, min brüelt ebe nöd eifach so als brüele, mine schreit meeeegaaa lut, de bechunt er fast kei luft über, das macht mir mega sorge den, darum halti de au ah, ebe sit er 6mönet gmacht het hani ahgfange in 10-15min lah brüele, aber es tuet mir richtig im herze weh 😥