Baby im eindene Zimmer schlafe lah

Hoi zäme.
Mini Tochter isch 4Mönät alt und schlaft no bi eus im Bistellbett und teils au bi mir im Bett. Fids mega schön so aber ich denke sie wird bald zu gross fürs Bistellbett und wenn sie bi mir schlaft schlaf ich chum no 😅Wie und ab wenn händ ihr eui Babys is eigene Zimmer bracht?
LG

Kommentare

  • Hallo. Mier si züglet (denn ischer ca. 4.5 mt. Alt gsi) & denn hei mer ihn grat is eigeni zimmer ta. Het grat super klappet. sithär schlaf vor allem ich besser (er isch scho immer e guete schläfer gsi 😉).
  • Mir händ s‘Baby au mit ca 4 Mönet is eigete Zimmer tue. Die erste paar Nächt han ich na ufere Matratze bi ihm im Zimmer gschlafe, hät tiptop funktioniert und ich han s‘Gfühl mir schlafet alli besser so
  • mit ca. 11 Mönet. abr er het vo afang a i sim bett gschlofe aifach bi üs im zimmer. da wechsel isch super gange er hets kai biz gmerkt ka 😁
  • Mit 7 Wuche hani min Sohn ih sie’s eigete Zimmer züglet. Isch super gange. Sit do Schlaf ich und au er viel besser bzw er schlaft sogar dure.
  • Üse sohn hend mer mit 3 mönet usquartiert und ab de erste nacht im eigete zimmer hät er dure gschlofe, vorene isch er ständig verwachet.
    D‘tochter hend mer öpe im gliche alter züglet, bi ihre häts aber kein grosse underschied gmacht, sie hät so oder so ned allzu guet gschlofe und di dritt isch jetzt 2 mönet und schloft aktuell no bi mir. Si robbt aber scho recht ume und „verdrängt“ mi amigs scho recht, schlofe tüend mer aber beidi no guet, drum mol luege...
    Also jedes chind isch anderst und drum eifach usprobiere 🤷🏼‍♀️😉
  • Mine wird in 1 wuche 4 mönet und schlaft nebet mir in bistellbett..
    Getrau mich nonig ihn sis zimmer tue dass ich ihn nöd ghöre falls öpis wär.
    Er cha sich vo rucke zum buch dreie abrf nonig zruck das macht mer doppelt sorge 😅 trotz Kamera... Ich lah ihn eifach bi mir 🙈
  • Genau d Chend send recht unterschedlich.
    Üse Sohn esch 7 Mönet und schloft no be üs. Er brucht eifach d Nöchi zom gued schlofe, im eigete Bett hed er nie rechtig gschlofe und emmer brüelled. Be üs schloft er düre. (gued momentan au ned, dankem zahne, aber da hoff i gaht schnell verbi) 😂
  • Öisi chlini esch met 1 monet e eres eigene zemmer o bettli omzoge. De hei mer alli 3 besser gschloffe.
  • Hallo zämme,
    Unseri Chli isch 6 Mönet und schloft no bi uns im Bett. Bisher hanni das sehr praktisch gfunde, da ich sie no voll stille. In de Nacht het sie sich bisher 2-3 mal gmäldet, het churz trunke und grad wieder witer pfused.
    Sit zwei Wuche chunnt sie wieder all Stund in de Nacht und isch sehr unruhig, dreit sich im Uhr- und Gege-Uhrzeigersinn. Mir schlofed jetzt alli drü schlecht und min Ma und ich sind recht am Aschlag. Villicht hett sie grad en Wachstumsschub?
    Mir würde sie gern in ihrem eigete Bettli in unserem Zimmer schlofe la. Wie händ ihr die Umstellig gmeisteret und meined ihr es isch de richtigi Zytpunkt während emenem Wachstumsschub? Usserdem schloft sie prinzipiell nur an de Brust i oder usnahmswis am Nomittag mal im Kinderwage oder Dondolo, was e witeri Herusforderig isch.
    Danke für euri Antworte und sorry fürs „missbruche“ vom Thread, obwohls nid drum gaht sie im eigete Zimmer schlofe z la.
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum