Veränderige vu 1 uf 2 Chind? ☆

Kommentare

• MiaWia12345

  62

  26. 09. 2020, 16:46

  Min zweite chunt etz dänn erscht uf dwelt aber ich weiss jetzt scho, dass für mich dveränderig vo 0 uf 1 viil grösser gsi isch, jetzt hani gar kei bedenke und freue mich nur😊
• AnDu88

  743

  26. 09. 2020, 19:47

  Ig ha uf mis zweite Chind vill meh vorfreud gha als bim erste. Bim grosse hani sehr vill ängst gha und au nach de Geburt mitere wuchebettdepression z kämpfe gha, ha ihn als Baby gar nid chönne gniesse und d Muettergfühl hei gfählt... ha s gfühl gha ig bi es schlächts mami etc.
  Bim zweite hanis viiiill meh chönne gniesse alles, ha gwüsst was in etwa uf mi zue chunnt. Ha au nur ganz e liechte (4 täg) Babyblues gha bi ihre.
  Mir hend knapp 4 jahr altersunterschied und findes perfekt eso. De gross isch usem gröbste dusse und isch rächt selbständig, schloft düre und isch troche tag und nacht. Das isch mir wichtig gsi.
  Was mi aber am meiste beschäftigt, isch s schlächte gwüsse am gross gägeüber...ha s gfühl i wirde ihm nümme grächt, cha nid so uf ihn igoh wie bisher (was au normal isch). Die intensive Mami/Sohn momänte hei abgnoh und er muess vill zrugg stecke und warte, was mer sooo leid duet. I probiere fest immer exklusivzit izplane i tag, wenn sini schwöster schloft. Bi froh isch si so pflegeliecht bis jetz. Mi gross machts au sehr guet und er liebt sis schwösterli sehr. Es git täg do klappet grad gar nüt wies sött 😅 Aber es si au erst 2 mönet vergange sit de geburt, bi zueversichtlich dasi bald wieder meh zit ha für mi gross und alles andere ❤️ Das isch die grössti Veränderig woni z kämpfe ha.
• Maryon

  335

  

  27. 09. 2020, 09:03

  Bi gspannt uf witeriii Erzahlige und Infos. Danke @AnDu88😀; de Babyblues isch de demfall au bime zweite Chind wieder geh?...mhh i chan ebe au ned stille willi na mue Medis neh gad nach de Geburt wieder...leider. bim erste hani 4 wuche choene aber ish de Horror worde...leider und d Medis mueni dringend wieder neh aber s git au wichtigers als z stille em lebe
• AnDu88

  743

  27. 09. 2020, 09:30

  @Maryon Jo das chas leider bi jedem Chind gä. Aber wie gseit bim zweite isches nur die 4täg gsi woni oft ha müesse brüele aber es isch ganz schwach gsi, nid so wie bim gross. Bi ihm hani 3 Mönet lang die wuchebettdepression gha.
  
  Stille oder nid stille, s wichtigste isch, dases am Mami guet geit, nur eso chasch am Chind au das gä wos brucht ❤️ mir läbe zum Glück inere Zit und imene Land wo üsi Chind au ohni Muettermilch chönne gross wärde. Ig bi absolut fürs Stille, (ha sälber sehr lang gstillt und jetzt bim zweite wider) aber nur solang dases am Mami au guet geit drbi.
• Maryon

  335

  

  27. 09. 2020, 10:47

  @AnDu88 ja da isch echt e so. Ich ha müsse merke, nachdem ich kämpft ha fuers stille, dassi etze mue höre oder ich chum in e Astalt 🥴😵 bi fast dunne ksi viel het nuen gfehlt und mini Tochter het natürli alles mitbecho und 2 wuche nume brüellet....ha müse höre und zum Ostepath mitere und ich ha mer müsse Hilf hole wag de Depression😏 drum bil zweite gits def. Keis stille meh so gern i au möchti. So vell sind au ohni Muettermilch gsund und gross worde und da ischs wichtigschd😊 gall. Ich ha eifach Respekt, dassis ned unter ei Huet bringe mit zweine drum hani denkt eher na z warte und e grösserw Abstand z wahre.....villicht isch das chli eifacher...
• farfalla83

  16

  27. 09. 2020, 11:22

  @Maryon ech ha wo mi sohn 3 1/2 jährig gseh esch no es töchterli becho...bim 2. be ech vel lockerer kennsch jo scho veles aber gäll jedes baby esch weder andersch...ha bim erste ou en schwäri Depression becho wo mer leider sehr spot bemerkt hed oder nid hed welle wohr ha😏...leider jetzt noch 6 mönet mit corona ond all dem stress ha ech weder liechti depressivi Symptome...jetzt nim ech weder medis....aber be no lang nid so tüüf onde wie letzt mol. Stille isch nid alles mach dir do kei gedanke...mir isch ou ohni stille es guets mami ond sie wärdid ou mit pumi gross😘 loh dir ziit mit de entscheidig...ech ha mir lang keis zwöits chöne vorstelle...
• Maryon

  335

  

  27. 09. 2020, 13:22

  @farfalla83 wann ischs bi die de ufcho mitm zweite? Us wellne Gründ hesch es dir vorher ned choene vorstelle?😊
• SHAYENNE

  247

  27. 09. 2020, 13:25

  Ich chan nöd mit rede. Ha erst eis. Aber ich ha genau glich gfühlt wie du. Ha gwüsst ich möchti es zweits, aber has mir lang nöd chöne vorstelle jetzt schwanger werde. Und plötzlich passt es zweits immer meh i euses Läbe. Ich ha sgfühl ich bin parat für es zweits au min Maa. Und mini Tochter isch so härzig mit andere Babies. Drum passt jetzt für mich 😊 Las viellicht eifach uf di zue cho. Es gaht viellicht no es bizeli. Übrigend mini Tochter isch jetzt 2,5 Jahr 😉
• Maryon

  335

  

  27. 09. 2020, 13:29

  @SHAYENNE danke für dini Nachricht. Bisch de du etz schwanger oder sit ers am probiere ?;-) ja de Wunsch isch da aber d angst überwiegt gad aber i denke wenn no chli Zit vergoht wirds sicher besser....
• Putzipuu

  0

  27. 09. 2020, 14:20

  bi ois isch de zweiti bueb jetzt 6 mönät alt und sie händ 23 mönät unterschied. mini grösst angst isch de schlafmangel gsi 🙈 de erst isch scho immer än super schlöfer und de zweit jetzt au.. und ded veränderig vo 0 uf 1 isch grösser gsi als 1 uf 2, ja willt scho einiges kennt häsch und au sicherer bisch im umgang, kennsch gwüssi tricks und probiersch die eifach mal dure.. 😂 de chli hät am grosse äs baby mitbracht, das chani nur empfehle! so chan s grosse mitem baby s gliche mache wies mami und isch „beschäftigt“.. ich ha au s gfühl sie holed sich beidi das wos bruched. äs tragtuech isch au unerlässlich.. klar gits sehr strengi ziite / moment aber die sind grad wieder vergässä wenns mitenand knuddled, lached und spieled.. dänn isch alles wieder vergässä!
• aenderli

  1

  27. 09. 2020, 15:06

  Mir hend zmitzt im Lockdown euses zweite Chind übercho da isch de Grösseri grad 16 Monet alt gsi. D‘Umstellig vo 0 uf 1 isch sicher grösser gsi, mer muess ja doch sis lebe recht umstelle und hett mit Chind halt en andere Rhythmus und isch nüme so ‚frei‘ wie ohni... klar isches streng mit 2 und vorallem wenn beidi na so Chlii sind und mer immerna muess Windle mache beidne und Schöppele und und und. Aber eusi sind so herzig mitenand, de Grossi luegt immer uf sis chliine Schwöschterli und hilft au mit mit Wickle und so und die Chlii himmlet ihn ah😍
  
  Ich denke es isch wichtig dasmer au em Grössere immerna gnueg Ufmerksamkeit schenkt; mir gänd de grösseri au nur elei zude Grosseltere wo er ganz elei nur Ziit mit ihne und volli Ufmerksamkeit hett😄 es gaht super. Und mer isch ja sich au scho einiges gwöhnt und vieli Handgriff womer eifach macht sind so dinne na vom erschte dasses bim 2. nüme so vill Ufwand isch😉
• Maryon

  335

  

  27. 09. 2020, 20:48

  @Putzipuu @aenderli danke vielmals für die ufschlussriche Inputs. I denke au dass es sicher vu de Umstellig eifacher esch wöl mer au schu vieles weiss vum erste und weiss we wickle etc....und wie ishs mitm spiele...so? Spielets zeme oder sind ihr immernah wie bim erste d Unterhalter?....ja da isch siicher na wichtig...dass mer de s grössere ned vergisst und sich nur ums neugeboreni konzentriert..da isch sicher e Herusforderig aber au da schafft mer ja sicher so wie viel anderi Mamis da au mit zweine Kind 🙂
• SHAYENNE

  247

  27. 09. 2020, 22:02

  Bins nonig. Aber mir wärdet bald starte. Möcht brueflich no e umorganisation mache vorher.