Superschläfer ja oder nein ? ☆▪︎

Maryon · 21. 11. 2020, 21:05

Was hend ihr für Schläfler Babies ? Ischs e Bueb oder Meiteli?

Mir hend 1 Chind:
Meiteli sehr gueti Schläferi sit afangs ah! Sehr wenig schlechti bzw Horrornächt gha.

Chind Nr 2 ????? Da lömmer eus überraschä 😂

JennyHelin · 21. 11. 2020, 21:17

Mini Tochter Januar 2019
Super schlöferin ... scho immer 😅

Hans immer gnossä und ha scho angscht wenns de mal es 2ts git das es de gabz ih die anderi richtig gaht 🙃🤭

Maryon · 21. 11. 2020, 21:43

Stimmt monet und geburtsjohr wer au na supi.mini mai 2019👍🙂

dina · 21. 11. 2020, 22:22

Twins buebe, oktober 2019
Bis zum 6 Monat horrornächt kah und den vo eim Tag uf de ander super schlöfer 😊

AnDu88 · 22. 11. 2020, 00:00

Do muess me no definiere was e „super“ schlöfer/-in isch 😅 das isch für jede chli andersch 🤪

Mi Gross isch e schlächte Schlöfer gsi am Afang, heisst für mi, ha all ide Nacht all 1-2h müesse stille bis öbbe 3 mönet, nachher si d Stillabständ grösser worde, bis er schliesslich mit 2,5 jährig düregschlofe het.

Mini Chlini isch jetz de gli 4 Mönet alt und schloft mMn super, het ide Nacht ca. 4h wosi am Stück schloft.

Yul · 22. 11. 2020, 11:01

Was gar nöd ob mer das ennen schlechte oder guete schlöfer nennt 😂 aber min gaht am 9ni is bett, wacht nach 40 minute wieder uf und trinkt en schoppe
Denn schlaft er bis am 2:00 denn chunt e wieder am 5:00 und denn wiedee am 7:30.. zwüschedure zappelt er viel.. (6 mönet alt)

fabienne91 · 22. 11. 2020, 12:41

mir hend ei Sohn bald 4monet alt. Er ish siht er 6 wuche alt e super schlööfer, mit usnahme vo wenige nächt schlooft er vo 9ni bis 7ni oder 8ti dure.. sind mr sehr dankbar 😍🥰 mir hend aifach mim mittagsschlööfli kli problem, das macht er nur uf mir oder im Kinderwage.

dina · 22. 11. 2020, 12:49

Super schlöfer heisst für mich durreschlafe. Also bi eus abem 6 monat vo 20.00- 7.00 Uhr. Vorher all 1.5 std wach gworde.

Nagalii · 22. 11. 2020, 18:42

Üsi ersti September 17 schlaft itz nonid düre, di erste 6 Mönet si d Nächt guet gsi denn immer schlechter worde. Si isch ir Nacht immer 1-2h wach gsi 🤦🏻‍♀️ mit 18 Mönet isches chli besser worde und itz mit guet 3j chunnt si no 1x Nacht.
Die Chlii Mai 20 het vo Afang a 4h am Stück pennt und denn mit 6 Wuche düre gschlafe. Itz mit fasch 6 Mönet schlaft si immerno super und schlaft o allei i und aus was di Grossi bis hüt nonid cha 😅

JennyHelin · 22. 11. 2020, 20:21

@Nagalii na spannend wie verschiede de chind so sind..

Nagalii · 23. 11. 2020, 08:55

@JennyHelin Ja i gloube es isch haut o so das i bir Grosse no di Ziit ha gha zum ewig häre lige und warte bis si schlaft, si het auso nie müesse lerne dases o allei geit. Itz mit zwöine hani die Ziit nüm und de muesses anders ga. I bi vo 7:00-20:15 allei u de muesses eifach loufe 😅 gloube d Chind gspühre das o bitz und passe sich a, aber klar es git settig di hei das Bedürfniss ganz fest und anderi weniger

Tanja87 · 23. 11. 2020, 09:23

Eusi Februar 19 schlaft immer noni allei i und isch au no bi eus im Bett. Mier wend das aber bewusst eso, das natürlichste isch. Stille sie au no nach Bedarf, mängisch schlaft sie dure, mängisch chund sie bis zu 4 mal ide Nacht und wett eifach d Nöchi.

AnDu88 · 23. 11. 2020, 09:38

@Tanja87 Üse gross isch 4i und schloft au no bi üs im Bett, begleite ihn au jetz no i Schlaf (mittlerwile duuret das nume 5-10’min😅) die chlini (4mt) schloft natürlich au bi üs. Si schloft aber schneller ii aus dr Gross i dem Alter😍 Für üs isches au perfekt eso.

Maryon · 25. 11. 2020, 22:16

Hets na meh Inputs ☺👋 daanke ladies

Mumchi · 26. 11. 2020, 11:05

Ein ganz ganz ruhiges. Ich glaub das wird auch langfristig ein Langschläfer ^^

Füxli · 26. 11. 2020, 11:23

i find es isch au eh definitions sach. i han i mine auge recht en guete schlöfer. er isch 22 Mönet und het die erste 6 mönet alters entsprechend gschlofe also 2-3 mol in da nacht cho zum stille. den hemr kli strenger ka abr denke das isch normal mit zähli und wachstumsschüb. ab ca. 18 mönet ischer nu no 1 mol cho höchstens 2 mol usert er isch krank. jetzt mit 22 mönet schlofter ca. 10 stunde am stuck