Babies mit Koliken

Ciao zämme
Mini Tochter isch bitz mehr als 3 Monet alt und het immer no rächti Kolike und vill Luft im Körper.
Het öper es ähnlichs Problem oder scho Erfahrige mit dem gmacht?
Ich ha vom KA Flatulex und BiGaia Tröpfli beko und ich sälber trink vill Fencheltee für sie (sy wird voll gstillt) aber es git ame ächt schlimmi Daag odr Nächt...
Würd mi freue vo euch zhöre🙏🏼😊

Kommentare

  • Mini hät das au gha .. ha sie viel ide Tragi gha dert hät amogs viel luft chöne uselah..
    Wenns gabz schlimm gsi isch ide Nacht de hani ihre es Virbocol Zäpfli geh .. das halt extrem gege Unruhe Zahne und Kolike..

    Was mir de au gholfe hät isch de Osteopathie , sie isch bide geburrt rächt schnäll unscho und hat durch das blockadene gha.. nach de 1ti Sitzig isch sie woe usgwäschlet gsi 😁
  • @JennyHelin Hm ok das mit de zäpfli muesi mol ihri KA froge, hesch denn die verschriebe beko oder ka me die au eifach so hole?
    In dr Osteo bini scho gsi, dert het me mir gseit es seigi alles in ornig ich selli eifach geduld ha, die phase goht vrbie..
    es duet mr eifach leid für sie wenni seh wie sy am kämpfe isch.. das es vrbie goht weissi aber ich will natürlich das es ihre guet goht und sie so wenig wie möglich schmärze het..
  • Ja die Virbocol Zäpfli sind Homöopathisch und die chunsch eifach so über .. ha sie vo de Osteo becho aber frag doch mal da arzt 👍
  • Wenn no zumene andere Osteopath gasch? Ha scho oft ghört, dass nöd alli glich guet sind... Bringet eu die Medis öpis?
    Ich cha dir s Bäuchleinöl vo Weleda no empfehle und würkli nach jedem stille oder sogar zwüscheddüre ufstosse la. Und nach em stille 20min dies Baby nöd flach anelege. Etweder träge oder i e Babywippe oder so ähnlich lege. Das wäred so Tipps vo mir.
  • Ahh und gisch du Vitamin D3 uf Ölbasis? Denn mal es anders neh.
  • @JennyHelin Wirds bym negste Termin mit de kinderärztin aluege oder vlt sogar au mol alüte zum froge.. ha ebe extra en termin by ihre ka vor 3 wuche ca wills so schlimm gsi isch und sy so problem ka het zum de stuehlgang mache aber dert hani denn ebe nur die BiGaia tröpfli beko...dangge dir für tipps💋
  • @SHAYENNE Jo by ebe by einere gsi wo osteopathie und cranio sacral macht, sy isch wirklig mega lieb und guet hsi mot ihre und au mit mir, ha 2 termine ka aber anschienend ebe, heig sy kei verdreite darm, keini verspannige oder verschobeni ‘sache’ im körper, es seig alles guet, also es seig eifach öpis wo me sälber nit vill ka mache wo sy eifach mit de mönet denn druss uuse wachst... wasi drzue au no mues sage, min maa und ich händ leider beidi mega schlächti mäge und verdauige...🙄 er isch laktose intolerant und ich ha immer sodbrenne und buuchweh, blähige und so.. voll doof aber ich hoffe by ihre wirds glie besser..
    S’bäuchleinöl hani, das benutzi au oft, vor allem wenn sy schlöfrig isch, sunst isch sy vill zu aktiv und kunnsch fast nit an das büchli aane🤣🤣Und wägem stille, jooo, das isch halt bitz es problem will sy am liebste im bett gstillt wird und dert ligt me halt.... kei ahnig wiso aber in de wiegeposition druggt sy immer de rugge duure und luegt im züg umme au weni amne ruhige dunklere ort by wos eig gar nüt zseh git... aber ich wirds sicher immer widr probiere und luege obs vlt doch widr afot klappe, will am afang hani se immer in dere position stillt aber dert isch sy halt no ganz neugebore gsi und het fast immer d’auge zue ka😴😅Dangge dir uff jede fall au für dini tipps❤️💋
  • @SHAYENNE Ah und die vitamin D tröpfli gib ich ihre, jä! Do wird isch d’ärztin s’negste mol au froge obi do mol anderi ka probiere, Dangge!!
  • Wenn din Maa laktose intolerant isch. Verzichtisch du uf Milchprodukt? Ich wür das au mal in betracht zieh. Das mit em wegdrucke känni au und nur im liege stille. Hend mir aber erst mit 5 Mönet gah. Aber Ufstosse lah gaht nachher ja glich.
    Das mit em Vitamin D3 hani i de FB Gruppe Stilken Schweiz gläse.
  • Kenni au sehr guet. Der chli het mer so leid ta, immer eis knorz...Han au zimli vil probiert. Virbucolzäpfli hei bi üs au sehr guet gholfe & natürlich viel körperkontakt und nöchi. Bi üs hets denn irgendwenn ufghört. Glaub ab 3.5-4 mt. Min KiA het mier denn gseit, da chönne me eigentli nit vil mache.
  • Eusi Chlii hett das Problem au gha und mir hend so vill usprobiert... eus hend d‘Omida Nervöse Bauchkrämpfe Globuli na guet ghulfe und was am beschte gsi isch isch s‘Nosefrida Windi. Das isch wie en chliine Katheter wod is Fudi iistecksch und denn machsch Büchlimassage dezue und denn chan d‘luft entwiiche. Tönt ganz komisch und isch am afang chli speziell zum awende aber das hett eus mit abstand am beschte ghulfe!!
  • Ich nimm eig so guet wie keini milchprodukte zu mir, högstens mol e schuss kaffirahm im (koffeinfreie) kaffi oder bitz riibkäs überd teigware😅er isch au nit komplett intolerant, by ihm kunnts immer bitz druff ah. Zbsp in italie ka er kei milch trinke, do bekunnt er grat de sch***er.. do in de schwyz kaner fast alli trinke ussert die roti vom migros nit, mega komisch😅
  • Das mit de Zäpfli wirdi sicher bald aspräche und das mitem kleine katheter hoffi kani umgo, do hätti vill zfest angst dasi öpis falsch mach😪
  • Dangge euch allne scho mol für euchi zyt und tipps, weiss es sehr zschätze💋💋
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum